Yakobus 1:12 - Abun Scripture

¹² Ye to ku sukye, ete an yo misyar Yefun Allah nde, wo an jom Yefun Allah bi sukdu-i ne krat sor, bere an mit at wa, we án jam do, sukye ne or kadit an yo, bere Yefun Allah syo suk gato ndo nai an mone, bere Yefun ós an kem ndo tepsu Yefun Allah tom su ye gato bi sukjimnut sye kas subot Yefun Allah ne.

Yakobus 1:12 Referans Kwoze

1 Petrus 5:10

Nin ku sukye mone bergan sor re, orete yo, Yefun Allah dakai nai nin wé kadit sukye subere nin kem ndo kadit sukye gato nin ku ne o re. Yefun Allah ben An bi suk-i ndo su men dakai yi sor, sane bere Yefun ben nin onyar kem mo An nggi wai o. Bere Yefun ben nin bi sukjimnut kem mo An nggi wai o. Bere Yefun ben nin bi sukjimnut yo kas ram kadit An o nde, wo kem pe mo An sor. Nin tepsu Kristus bi yetuge-i ne anato Yefun Allah fro nin subere nin ku suk gato ndo wai mo Yefun bi nat-i to kapyo mato kapyo.

Wahyu 2:10

Bere nin ku sukye, wo nin nyuwa nde. Ji ki sare do, bere biris bi yekwesu ben yetu ge bok yo but nin ge bok yo, ete sok nin mo sel. Sane bere biris bi yekwesu gato ben sukibit ne werwa gwat os wa nin subere nin misyar Yefun mone. Mo sel mit ne bere nin ku sukye sor kom mo kam musyu dik rek. Kapre karowa nin kwop rok mone, nin onyar kem mo Ji, nin ben Ji bi suk-i sane sor kom mo pe gato or mó yo, bere Ji bi os wa nin kem ndo to kapyo mato kapyo, tepsu ye gato nggi wai ku hadiah mo koirut.

Yakobus 5:11

Nin dakai jam do, ye gato ku sukye, ete an yo misyar Yefun nde, wo an jom Yefun bi sukdu ne krat yo, ye gato ben sane, men nut do, bere Yefun syo suk mwa gato ndo nai an. Men jam sukdu subot Ayub, tomgatu an ben suk sane mó re. Men jam do Ayub eswa sukye gato an ku ne or kadit an, an yo misyar Yefun Allah nde. Kom mo rut sa, Yefun Allah syo suk mwa nai an or re, we Yefun Allah dakai jimnotku men yetu, Yefun ben An bi suk-i ndo su men dakai yi petok sor.

Roma 8:28

Men yé gato bi sukjimnut sye kas subot Yefun Allah ne, men jam do, mo suk mwa ne sino gato bor mo men, bere kom mo rut, Yefun Allah fro suk mwa ne ndo wa men yé gato simo os ndo gato An fro ne.

Matius 10:22

Nin ben Ji bi suk-i, sane bere yé mwa ne sino bariket nin, wo ye gato onyar kem pe mo Ji sor kom mo pe gato or mó, bere ye ne kem ndo to kapyo mato kapyo.

1 Korintus 9:25

Ye gato fro nggwa wa simo sukkamo bitanding ye yi mone, kamdik-kamdik an wergat an nggwa subere an nggi wai kadit ye yi neya. An ben sane subere an ku hadiah gato, yo nam nde ge, ibit re. Sarewo men wergat men nggwa wa men ben Yefun bi suk-i sane sor, bere men ku suk gato kem to kapyo mato kapyo.

1 Petrus 3:14

Wo nin do ku sukye mo sukndo gato nin ben ne it yo, nin wi nin ambre sor, we bere Yefun Allah ben sukndo su nin mo koirut o re. Nin nyuwa ye gato werwa ben sukye nai nin nde, nin nutbot sukibit gato an ben ne teker eta dom nde.

2 Timotius 4:8

Ré yo, Yefun Allah fro suk gato bere An syo nai ji mo suk gato ji ben ne, Yefun fro ndek. Bere kam gato bur ré kru re, men bi Yekwesu Yefun Yesus ma ndobot men yetu mo bur ré. Bere Yefun ndobot men sisu ri-roi sor. Bere Yefun syo suk gato An fro ne nai ji mo suk gato ji ben tepsu An mit re. Bere An syo suk gato An fro ne nai ji wadigan sor nde, wo An syo nai ye gato eswa Yefun Yesus satu ma mo bur ré su án mit iwa wai ne dom.

Yakobus 2:5

Ji bi nji, ji bi nyanggon gato ji jimnotku, nin jammo suk gato ji krom ré sisu ndo et, Yefun Allah bes ye gato yewa suk mo bur ré subere an bi sukjimnut kem pe mo Yefun nggi wai kadit ye gato bi suk mwa mo bur ré. Sane dom, Yefun nai ye gato yewa suk ne sok mo Yefun Allah bi rus-i tepsu Yefun Allah tom su ye gato bi sukjimnut sye kas subot An ne.

1 Petrus 5:4

Sane bere, Kristus gato gum kok sye wai kadit yekwesu mwa ne sino ma ne, Kristus gato mewa Yefun Allah bi rus-i sisu ndo ne do bor mo bur ré it yo, bere An syo suk gato ndo wai nai nin yekwesu mo nu ari mo suk gato nin ben ne o re. Bere, ri ma, suk gato nin ku ne, kem ndo gesyos sor, suk yo ben ibit wokgan dom nde.

1 Korintus 2:9

Sarewo ye krom mo Yefun Allah bi sukdu do, ”Suk gato Yefun Allah fro wa ye gato bi sukjimnut sye kas subot An, anato ndo wai o re, men yetu yo me nde tó. Men yo jam sukdu subot suk ne dom nde. Men yetu bi sukjimnut yo kom mone dom nde.”

Wahyu 3:21

Yé gato nggi wai kadit bur ré bi suk-i yo, bere Ji bes án gum kok. Bere án gum kok tep wa án si Ji tepsu yekwesu. Bere Ji ki nai yé ne do, ”Nin ma, nin sisu Ji kem kok mo Ji bi nat ré, men anato gum Yekwesu sino.” Ji anato nggi wai kadit bur ré bi suk-i, anato Ji si Ji bi Ai kem kok mo An bi nat-i re.

1 Petrus 4:13

Nin nutbot sukye ne teker eta nde, wo nin mit at wa sor, we ben sato nin si Kristus ku sukye ne sino. Sane bere su kam gato Kristus kadum An bi suktinggi bor mo bur ré, nin mit at wa wai o re.

1 Korintus 8:3

Sarewo ye to bi sukjimnut sye kas subot Yefun Allah it yo, Yefun Allah bes ye ne tepsu An bi yesyim.

Wahyu 3:19

Ye gato Ji bi sukjimnut sye kas subot ne yo, bere Ji ndantom yé ne, ete Ji kwam án mo sukibit gato án ben ne. Sane nin kwet kadit sukibit gato nin ben ne et. Nin ben Ji bi suk-i sisu nin mit dik si nin onyar dik et.

Ibrani 10:32

Nin napawa tomgatu, nin jam sukdu subot Yesus Kristus sim sa, sukdu ne tepsu Yefun Allah bi sukru gato rer ku nin, ete mone nin onyar brek ete kem mo Yefun Yesus it. Tomgane nin ku sukye ndo nde, sarewo nin sa, nin wergat nin nggwa sane sor nin jom Yefun Allah bi sukdu ne pe sor, nin yo misyar nde.

Ibrani 6:15

Sane Abraham kem ete eswa suk gato Yefun Allah tom su an, an eswa sane sane sor, suk gato Yefun tom su an bor mone, Abraham ku it.

Matius 25:34

Sugane Ji, gato Yekwesu mone bere Ji ki nai nje gato tak Ji de syim ge do, ’Nin ma, nin yé gato Ji bi Ai ben sukndo su. Nin ma nin nai suk gato Yefun Allah fro wa nin ne. Yefun fro nat wa nin si An gum yekwesu mone sino, An fro nat ne ndek kadit kam gato An ut bur ré re.

Ibrani 11:17

Abraham onyar kem mo Yefun Allah, sane anato Abraham fro nggwa wa an gu an bi gan Isak, ete an gre wa som Yefun Allah su. Sugane Yefun Allah iwa me suk gato bere Abraham ben ne. Yefun Allah watbot sare do, ”Bere Abraham jambot suk gato Ji syogat an ben ne, bado, nde, e?” anato Yefun syogat Abraham gwat an bi gan Isak mu gu, ete gre wa som Yefun Allah su. Abraham anato ye gato Yefun Allah tom su do, bere Abraham bi wis-i ne mwa yé. Abraham da jam suk gato Yefun Allah tom ne, sarewo Abraham fro nggwa wa gu an bi gan ge dik ne sor ete gre wa som Yefun su.

1 Yohanes 4:19

Yefun Allah bi sukjimnut sye kas subot men nyim, anato men waii bi sukjimnut sye kas subot An re.

Ibrani 12:5

Sane dom nin mbrinket sukduno gato Yefun Allah ki subot sukye gato nin ku ne nde. Yefun Allah ki sukdu nai nin si men sino, ye gato tepsu An bi pá-i sare do, ”Pa o, Yefun Allah gato gesyos do duno nin mo sukibit gato nin ben ne it yo, nin nutbot sisu ndo et. Yefun do ndantom nin mo sukibit gato nin ben ne it yo, nin nutbot sor nin kaim rere su nde,

Lukas 6:22

Nin yé gato simo Yetu bi Pa to Ji ré, bere yé bariket nin, yé misyar nin, yé kabor nin, yé kiket nin gum ibit mone yo, nin mit at wa.

Roma 5:4

Men sombok kadit sukndo gato men ben ne nde, wo men ben pe, sane bere ben men bi sukjimnut nggi mone o re. Men bi sukjimnut nggi it yo, bere ben men kwabom kam mo Yefun Allah do, bere Yefun syo suk gato An tom ne nai men mone tó.

2 Timotius 2:15

Nan wergat nan dakai subere nan ben Yefun Allah bi suk-i, subere Yefun Allah imo suk gato nan ben ne. Nan wergat nan dakai subere nan damen mo suk gato nan ben nde. Nan wergat nan dakai subere nan duno nje su sukduno gato sangge kadit Yefun Allah sisu ri-roi sor.

1 Petrus 4:14

Yé kabor nin mo suk gato nin ben tepsu Yesus Kristus bi yetuge-i ne yo, bere Yefun ben sukndo su nin mone. Sane nin mit at wa sor, we Yefun Allah Gen gato nggi wai ne sisu nin mone petok sor.