Yakobus 1:1 - Abun Scripture

¹ Ji gato gum do Yakobus, ji ben suk wa Yefun Allah si men bi Yekwesu Yesus Kristus. Ji anato krom surat ré wa nin yé gato sok mo Yefun Allah bi rus-i mo bur ré or sino. Ndo mo nin sino.

Yakobus 1:1 Referans Kwoze

1 Petrus 1:1

Ji gato gum do Petrus, gato Yefun Allah syogat mu ben Yesus Kristus bi suk-i win Yesus Kristus mo bur ré tepsu Yesus Kristus bi yerasul, ji anato krom surat ré wa nin. Ji krom sukdu ré wa nin, ji bi nji, ji bi nyanggon, nin yé gato Yefun Allah fro suga nyim wa An nai sok mo An bi rus-i. Ji krom sukdu ré wa nin yé gato kem tepsu yedamok frekbot bur Pontus, bur Galatia, bur Kapadokia, bur Asia si bur Bitinia.

Yohanes 7:35

Ye Yahudi bi yepasye ndo mo yu do, ”Ye gare ki do An mu mo u anato men yo ku os wa men mu ku An nde ne? Bere An mu ku men bi nje-i mo ye Yunani bi nat-i ko kadit men, ete duno ye Yunani mone bado?

Suk Gato Yerasul Ben Ne 8:1

Saulus gato ti mone, an nut do, ndo it, ye gu Stefanus kwop wé re. Kadit kam gane, yé ben sukye nai ye gato onyar kem mo Yefun Yesus gato kem mo Yerusalem. Sane yé mwa ne sino titi mu rut, deyo mu mo bur Yudea, deyo mu mo bur Samaria, wo yerasul sor ete kem mo Yerusalem.

Suk Gato Yerasul Ben Ne 26:7

Suk gato Yefun Allah tom ne, men ye Yahudi yewis musyu dik sop we ne sino onyar kem mó, sane men werwa men ben Yefun Allah bi suk-i noru nombrak sor. Yenggras, ji kwabom kam mo suk gato Yefun Allah tom ne, sane anato ye Yahudi ki ji gum ibit mone.

Suk Gato Yerasul Ben Ne 15:23

Yerasul si yekwesu ne syo surat wa an ka at gwat syo nai ye gato onyar kem mo Yesus Kristus mo Antiokhia. Mo surat ne ye krom sare do, ”Surat ré wa yewis yi, ye gato onyar kem mo Yefun Yesus mo kota Antiokhia, mo bur Siria si bur Kilikia. Nin yé gato onyar kem mo Yefun Yesus, gato tepsu men bi nji mo Yefun Allah bi rus-i, men yerasul si yekwesu mo nu ari gato kem mo Yerusalem, men ki ndo mo nin.

Titus 1:1

Ji gato gum do Paulus anato krom surat ré wa nan, Titus, gato ji bi pa. Ji anato Yefun Allah bi pakwerut. Ji anato Yesus Kristus bi yerasul. Yefun Allah bes ji, ete syogat ji mu duno yé gato Yefun Allah fro suga nyim wa An nai sok mo An bi rus-i ne. Ji mu duno án subere án jam sukdu gato sangge, subere án onyar kem mo Yefun Allah, subere án ben Yefun bi suk-i.

Galatia 2:9

Ye gato ye bes gum yekwesu mo nu ari, an ka gri gato gum do Yakobus, Petrus si Yohanes, an ka gri jam do, Yefun Allah bes ji wa ji ben Yefun bi suk-i sane anato án ka gri jom syim su ji si Barnabas, we an ka gri si men ka we tepsu dik wa men sino ben Yefun bi suk-i. Sukdu gato men kibot ne, men sino imo, sare do, án ka gri ne mu duno ye Yahudi, wo ji si Barnabas mu duno yewis yi.

Suk Gato Yerasul Ben Ne 15:13

An we nuk bi sukdu ne, orete Yakobus waii ki bi sukdu-i, sare do, ”Ji bi nji, nin jammo suk gato ji ki ré et.

Roma 1:1

Ji gato gum do Paulus anato krom surat ré wa nin yé gato onyar kem mo Yefun Yesus gato kem mo kota Roma. Yefun Allah bi sukjimnut sye kas subot nin. Yefun nai nin gum sok mo An bi rus-i it. Yefun Allah bes ji gum yerasul subere ji mu ki sukdu subot os ndo gato Yefun Allah fro wa men yetu subere men ku os wa men gum sok mo An bi rus-i.

Suk Gato Yerasul Ben Ne 21:18

Bi ik, ete Paulus si men sino mu ku Yakobus. Yekwesu mo nu ari mwa ne sino sum su men mone dom.

Yohanes 12:26

Ye gato bi nggwa mo Ji wa an ben Ji bi suk-i ne yo, ye ne si Ji mu sino. Pe gato Ji mó, Ji bi pakon ne sisu Ji mone dom. Ye gato bi nggwa mo Ji wa an ben Ji bi suk-i yo, bere Ji bi Ai bes ye ne gum kok.”

Matius 19:28

Yefun Yesus ki nai bi pakon do, ”Suk gato Ji ki ré suksangge anare, kam sari ne ma ete suk mwa ne be ete Yetu bi Pa gum Yekwesu gato kok sye wai o re yo, bere nin ge musyu dik sop we gato simo Ji waii gum yekwesu dom. Bere nin ndobot ye Israel bi yewis ge musyu dik sop we mone.

Yudas 1:1

Ji gato gum do Yudas, gato Yesus Kristus bi pakwerut, gato bi nji mo Yakobus, ji anato krom surat ré wa nin yé gato men bi Ai, Yefun Allah nai sok mo An bi rus-i. Yefun Allah bi sukjimnut sye kas subot nin. Yesus Kristus mewa nin.

2 Petrus 1:1

Ji gato gum do Simon Petrus anato krom surat ré wa nin. Ji anato tepsu Yesus Kristus bi pakwerut. Yesus Kristus bes ji gum yerasul. Ji krom sukdu ré wa nin yé gato si men sino onyar kem mo Yesus Kristus. Yesus Kristus gato kak os wa men kem ndo kadit bot gesyos ne, Yesus Kristus gato tepsu Yefun Allah gato jom men ne, An ben An bi suk-i ri-roi su men sino anato nin onyar kem mo An tepsu men re.

Filipi 1:1

Ji gato gum do Paulus, ji si Timotius, men ka we gato Yesus Kristus bi pakwerut anato krom surat ré wa nin. Men ka we krom sukdu ré wa nin yé gato onyar kem mo Yesus Kristus gato sum mo nu ari mo kota Filipi. Men ka we krom surat ré wa nin yé gato gum yekwesú mo nu ari si yé gato ós yekwesú mo nu ari ne sino.

Galatia 2:12

Tomgato Yakobus bi nje-i yo ma nde tó, Petrus si yewis yi git sugit sino. Petrus si yewis yi kamo sino, wo Yakobus bi nje-i ne ma kom mone sa, Petrus brek nden we o re. An yo karowa yewis yi ne o nde, we an nokwa Yakobus bi nje-i gato ma ne. An nokwa Yakobus bi nje-i gato bi sukjimnut sare do, yewis yi gato simo Kristus it yo, ye bisunat, ondeyo men karowa yé ne nde.

Galatia 1:19

Sugane ji ku men bi Yekwesu Yesus Kristus ne bi nji gato gum do Yakobus sor re. Ji yo ku yerasul yi neya nde.

Suk Gato Yerasul Ben Ne 15:21

Nam it, yé ki subot sukdu kwa bok gato Musa krom ne, sane yewis yi jam it. Sane dom, su kam Sabat, kam sye ne sino, yé baca sukdu ne mo men bi nu ari petok sor.”

Suk Gato Yerasul Ben Ne 1:13

Án mu kom mo Yerusalem, án mu mo nu gato án kem mone. Án it mo gumwak mo nim. Yerasul gato kem mone gum do, Petrus, Yohanes, Yakobus, Andreas, Filipus, Tomas, Bartolomeus, Matius, Yakobus (gato Alfeus bi pa), Simon (gato sok mo yekweke), si Yudas (gato Yakobus bi pa).

Matius 13:55

Ye ré anato bi ai ye gato jam ben suk su kwe sato meja e, kursi e ne bado? An bi im gum do Maria, bado? An bi nji gum do Yakobus e, Yusuf e, Simon si Yudas bado?

Suk Gato Yerasul Ben Ne 12:17

Petrus bes an syim wa nje mone subere yé not, ete jammo an bi sukdu-i. An nuk sukdu subot suk gato Yefun Allah kar an wé kadit penjara ne. Petrus nuk sukdu ne, or an ki o do, ”Nin mu nuk sukdu ne nai Yakobus si ye gato onyar kem mo Yefun Yesus jam sino et.” Petrus ki sane, orge an mu mo pe yi o re.

Wahyu 7:4

Sugane ji jam ye ki yetu ge gato ye syat ja mo án git det ne kom mo yetu ge 144.000 re. Yetu mwa ré sok mo ye Israel bi yewis-i musyu dik sop we.

Suk Gato Yerasul Ben Ne 2:5

Tomgane ye Yahudi mwa gato jammo Yefun Allah kadit bur ré iwedewe ma kem mo Yerusalem.

Lukas 22:30

Bere kam sari ne ma mo pe gato Ji jowa yé bok ne sino, nin sisu Ji, nin si Ji kem mone. Men git sino mo pe gato Ji fro wa yekwesu ne. Nin gum yekwesu, sane bere nin ndobot ye Israel bi yewis ge musyu dik sop we mone.”

Matius 10:3

Filipus, Bartolomeus, Tomas, Matius gato nai sugum kadit nje wa pemerintah; Yakobus gato Alfeus bi pa, Tadeus;

2 Timotius 4:21

Nan wergat nan dakai subere kom mo aina gato nden dek nde tó, nan ma ku ji more nyim wé re. Ebulus, Pudes, Linus si Klaudia si yé mwa ne sino gato onyar kem mo Yesus Kristus, án ki ndo mo nan.

Suk Gato Yerasul Ben Ne 23:26

”Surat ré ji krom wa nan yenggras yepasye Gubernur Feliks. Ndo mo nan, kadit Klaudias Lisias.

Lukas 6:15

Matius, Tomas, Yakobus gato Alfeus bi pa, Simon gato sok mo yekweke,

Markus 3:18

Andreas, Filipus, Bartolomeus, Matius, Tomas, Yakobus gato Alfeus bi pa, Tadeus, Simon gato sok mo yekweke,