Wahyu 8:2 - Abun Scripture

² ete ji sokme malaikat ge mufit ti mo Yefun Allah gwem. Malaikat ge mufit ne ku trompet sino, ge dik ku trompet bo dik subere án fuf bi trompet ne ba sye. Trompet ne ba sye tepsu ye fuf dut.

Wahyu 8:2 Referans Kwoze

Wahyu 11:15

Malaikat kedomufit fuf bi trompet-i ba o sa, ji jam ye ki sukdu sye mo gu sare do, ”Su ré sa, Yefun Allah gato jom men si Kristus gato Yefun Allah syogat ma wa kak os ndo wa yetu sok mo Yefun bi rus-i ne, ré ne Yefun Allah si Kristus jom bur ré it. Kadit kam ré sa, Yefun Allah si Kristus dakai jom yetu mo bur ré to kapyo mato kapyo it.”

Lukas 1:19

Malaikat ne ki nai Zakaria do, ”Ji gum do Gabriel, ji kem mo Yefun Allah gwem. Yefun Allah anato syogat ji gwat suktaru gato ndo ne wa nan.

Wahyu 8:6

Orete malaikat ge mufit gato jom trompet bo mufit ne fro wa fuf bi trompet bok ne ba.

Matius 18:10

”Sane nin mewa nin nggwa subere nin gwat os ibit wa pa wokgan sato ré nde, we Ji ki sare do, malaikat gato mewa pa ré mu ku Yefun Allah mo gu petok sor. [

Wahyu 16:1

Orete ji jam ye mo Yefun Allah bi nu mo gu saiye nai malaikat ge mufit sare do, ”Nin gwat mbem mufit gato ses su Yefun Allah bi sukmaskwa ne mu, nin sye mo nje mo bur ne et.”

Wahyu 15:1

Orete ji sokme suk yo mo gu gato ben ji yeket, ji nutbot ndo nde. Ji sokme malaikat ge mufit gato gwat sukye mufit wa nje ma mo bur ré. Sukye mufit ne anato sukye gato wari, we sukye mufit ne bor yo, Yefun Allah bi sukmaskwa or mone it.

Matius 24:31

Malaikat dik yo fuf trompet ba sye yo, bere Ji syogat Ji bi malaikat mubot bur ré iwedewe nai yé gato Yefun Allah fro suga nyim wa An nai sok mo An bi rus-i ne. Malaikat ne bere nai yé ne kadit nobu nim, kadit nobu ket, kadit nobu sem, kadit nobu nden. Malaikat nai yé mwa ne sor kadit bur ke kom mo bur naprut ne.”

Lukas 21:36

Nin frawa nin nggwa pe et! Nin ki suk su Yefun Allah petok sor subere An ós nin titi fro wé kadit sukye gato bere ma ne. Nin ndek mo Yefun Allah dom subere su kam gato Ji, gato Yetu bi Pa ma ndobot nin yetu ne, nin yo damen mo suk gato nin ben ne nde.”

1 Korintus 15:52

Tepsu gato trompet ba wari kai, bere men gensu Yefun Allah win men kaim kekro tepsu men gro minyap sare ge or re, we trompet ba it yo, Yefun Allah sun yé gato kwop nyim neya mbau satu su kaim gato gesyos re. Sugane dom men sino kaim tara or re, bere men kaim gesyos dom re.

1 Tesalonika 4:16

Bere malaikat bi yekwesu dik yo saiye nggi, ete yé jam Yefun Allah bi trompet ba, subere yé jam do, Yefun Yesus ma it anane. Orete Yefun Yesus dakai is ma kadit gu. Yefun Yesus is ma, ete ye gato onyar kem mo Kristus gato kwop nyim ne yo, Yefun sun yé mwa ne, ete yé mwa ne it mu nyim mo gu.

Wahyu 1:4

Ji, gato gum do Yohanes, ji krom sukdu ré wa nin, yé gato onyar kem mo Yefun Yesus mo nu ari mufit mo bur Asia. Yefun Allah gato su ré mó, kadit ketke mó, si kam sari ne ma bere mó tó ne, Yefun Allah ete mewa nin. Yefun Allah ete uttok nin petok sor. Yefun Allah Gen ka mufit gato kem mo Yefun Allah bi kursi tak de gwem, Yefun Allah Gen ete mewa nin, Yefun Allah Gen ete uttok nin petok sor.

Wahyu 8:13

Ji sokme saresa, ji jam ndam syap tu ge dik yo gato ok mo gu nim ne saiye do, ”Sukye o, sukye o, sukye o, sukye ndo nde wa yetu gato kem mo bur. Bergan malaikat ge gri yo o fuf bi trompet-i ne ba yo, yetu mo bur ku sukye ndo nde!”

Wahyu 9:1

Malaikat kedomumek fuf bi trompet-i ba o sa, ji sokme bí dik yo ges mo bur re. Orete ji sokme ye yo syo kunci nai bí gato ges ne wa kak kwoye sye gato mo bur desnak ne syo su.