Wahyu 6:12 - Abun Scripture

¹² Ji sokme Domba Gan kak lilin gum domumat ne wé sa, sui juwai bur ré ram ndo nde. Kam su mo gu ne te or re, kam su te tepsu san te re. Aina ne er, tepsu yetu dé re.

Wahyu 6:12 Referans Kwoze

Matius 24:29

”Sukye gato yé mwa ne ku su kam bok neya orete yo, kam su mo gu, bere Yefun Allah te re. Aina bere ru rer o nde. Bí mwa ne ges kadit gu or. Suk mwa mo gu nim ne yo kas ri o nde.

Wahyu 16:18

Orete nowarek e, sukyo-sukyo pu e, nogu pu e, sui juwai bur ndo nde. Sui juwai bur ré rom-ram ndo nde. Sui juwai bur gare nggi wai kadit do yi neya kadit kam gato Yefun Allah ut yetu ne sor kom more re.

Wahyu 11:13

Sugane it, sui juwai bur ndo nde sane sor nu mo kota ne napyo fot mbrur-mbrar or re. Kadit nu ke wotin dik, nu ke musyu dik e gwa bur re. Yetu ge ribu mufit kwop re. Yé gato mbau tó nyu ndo nde, án bes Yefun Allah mo gu ne gum kok wai o re.

Wahyu 8:5

Orete malaikat gwat sukbo, ete nai bot kadit meja gato ye grem suk wa som Yefun Allah su ne. An bok bot mo sukbo mit, orete an am sukbo ne ges mo bur ré re. Sukbo ne ma rek mo bur ré sa, nogu pu e, sukyo-sukyo pu e, nowarek e, sui juwai bur ré e ne.

Matius 24:7

Bere negara deyo futma gu negara deyo o. Bere yewis deyo futma gu yewis deyo o mone tó. Bere sui sye juwai bur ré ram mo peyo-peyo. Bere sukonde sye bor mo peyo-peyo.

Markus 15:33

Yé mban Yefun Yesus mo kwesukwin mone sa, ndendu kewa pe ne sino kadit kam ti ri sor kom mo kam dek.

Matius 28:2

Nggon we ne kom mone sa, nggon we gensu sui juwai bur ndo nde, ete Yefun Allah bi malaikat dik yo is ma kadit gu. Orete malaikat wop jok gato kewa jokwak syo ne wé kadit jokwak ne, ete malaikat ne kem mo jok ne yu.

Matius 27:54

Sane ye Roma bi yesukmise si bi yesu gato mewa Yefun Yesus me sui juwai bur si suk mwa gato bor mone sa, án nyu ndo nde, án yeket, ete án ki do, ”Sangge, Ye ré anato Yefun Allah bi Gan sor.”

Matius 27:45

Yé mban Yefun Yesus mo kwesukwin mone sa, ndendu kewa pe ne sino kadit kam ti ri sor kom mo kam dek.

Matius 11:21

Yefun Yesus kiket án do, ”Ji ben ye gato i mo kota Korazim si kota Betsaida ne ge re, Ji syun semda titi wé kadit nje mone dom, sarewo yé yo kwet kadit sukibit gato yé ben ne nde. Sane bere Yefun Allah ben sukye nai nje mo kota we ne, we Ji do ben suk mwa gato ben yé yeket mo kota Tirus si kota Sidon yo, bergan sor, ete yé mone kwet kadit sukibit gato yé ben ne kekro, orete án it san gato te, ete án krer bofuf mo án su subere yé jam do, án kwet kadit sukibit ne it.

Wahyu 8:12

Malaikat kedoat fuf bi trompet-i ba o sa, suk yo gwa kam su ne pet det gri, det dik yo ibit re. Suk yo gwa aina digane dom. Suk yo gwa bí napyo digane dom re. Sane kam su e, aina e, bí e ne napyo te re. Nombrak napyo ndendu yut re, noru napyo ndendu yut re.

Wahyu 16:8

Malaikat kedoat gwat Yefun Allah bi sukmaskwa mo mbem ne mu ete sye mo kam su. Sane kam su ne ku suktinggi wa ru nggi sye o, ete kam yor gat nje mo bur tepsu bot sane sor yé da yó yé re.