Wahyu 6:1 - Abun Scripture

¹ Ji sokme saresa, Domba Gan ne kak lilin gum gato ye ut buku krat su ne. An kak lilin gum dik yo wé. Orete ji jam suge at ge dik yo saiye. Suge dik ne saiye tepsu nogu pu sare do, ”Nan ma se!”

Wahyu 6:1 Referans Kwoze

Wahyu 5:1

Orete ji sokme Ye gato kem mo Yefun bi kursi ne jom buku mo An syim ge. Mo buku mit ye krom suk mo kertas de we ne sino. Ye rum buku ne orete Yefun ut su lilin rom wam mufit wa jom kertas mo de nden ut krat. Ye me lilin gum mone anato ye jam do, Yefun bi buku anane, sane ye gato Yefun bes ne sor ete gum tep wa kak lilin gum ne wé re.

Wahyu 6:5

Domba Gan kak lilin gum dogri ne wé sa, ji jam suge at kedogri ne ki do, ”Nan ma se!” Ji sokme sa, kuda te ge dik yo ma. Ye gato it mo kuda ne jom timbangan.

Wahyu 19:6

Orete ji jam suk yo ba syo-i ne tepsu yetu mwa yé ba. Yé mwa ne ba syo-i ne tepsu syur sye ú mo tú. Yé mwa ne ba syo-i ne tepsu nogu pu gato nggi ne. Yé mwa ne saiye sare do, ”Men un Yefun Allah et. Yefun Allah gato jom men ne anato nggi wai o re, An jowa yé mwa ne sino.

Wahyu 6:7

Domba Gan kak lilin gum doat ne wé sa, ji jam suge at doat ne ki do, ”Nan ma se!”

Wahyu 14:2

Orete ji jam ye yo ki sukdu kadit gu ne ma. Ye ne ki bi sukdu sa, an ba sye tepsu syur gato sye ú mo tú, an ba syo-i sye tepsu nogu pu sye. An ki bi sukdu-i sa, an ba syo-i ndo tepsu ye kamo kecapi.

Wahyu 11:19

Orete Yefun Allah bi nu mo gu ne kak, ete ji sokme sukduno rok bi peti mo nu mit ne. Peti ne tepsu peti gato Musa fro wa ye Yahudi bok sukduno rok mo mit ne. Mo peti mit ne ye grem sukduno rok gato Yefun Allah tom su ye Yahudi suga nyim tuya ne mó. Nu ne kak sa, nowarek e, nogu pu e, sukyo-sukyo pu e, sui juwai bur e, nogi sye su es gato krat sa jok, suk mwa ne bor sugane it.

Wahyu 6:3

Domba Gan kak lilin gum dowe ne wé sa, ji jam suge at kedowe ne ki do, ”Nan ma se!”

Suk Gato Yerasul Ben Ne 4:20

Nin dakai nut subot suk gato ndo wa men ben ne, we men ka we nut do, suk gato men ka we me su men gro si suk gato men ka we jam su men dabe, bere men ka we kibot nai ye yi jam gat sor, men ka we yo not nde.”

Yohanes 1:29

Bi ik, ete Yohanes me Yefun Yesus ma mo an. Orete Yohanes ki do, ”Nin me Ye ré. An anato tepsu Domba Gan gato Yefun Allah syogat ma mo bur ré wa tot suktot mo sukibit gato men ben ne wé.

Wahyu 4:8

Suge at ne sino í mumat mó. Suge at ne sino gro gan bot kaim ne sino, gro gan deyo mo i de nden si gro gan deyo o mo i de mit dom. Noru nombrak suge at ne yo not nde, án badek petok sare do, ”Yefun ga kok wai ne, Yefun ga ndo wai ne, Nan gum kok wai ’dit men, Nan anato men bi Yekwesu ga nggi wai. Yefun ga ketke ne mó e, Yefun ga su ré mó e, Bere kam sari Nan mó o, Bere Nan mó o tó e.”

Wahyu 5:8

Domba Gan ne nai buku sa, suge at si yenggras ge musyu we sop at ne bare nggwa sino mo Domba Gan gwem. Án sino jom kecapi si mbem emas ses su suk yo gato ye gre ete i-bu basmi grik ndo. Suk gato grik ndo ne tepsu sukdu gato yé gato onyar kem mo Yefun Yesus ki nai Yefun Allah ne.

Wahyu 5:12

Malaikat mwa ne ba sukbadek, án ba sye sare do, ”Domba ga ye gu ne e, Domba ga kwop ne e, Nan sa, Nan gum kok ne o, gum sye ne o. Men un An gum a we, Men bes An gum a we, Domba ne tep wa ku suktinggi mwa ne o, tep wa suk mwa ne sino o. Men un An gum a we, Men bes An gum a we, Domba ne tep wa ku suktinggi mwa ne o, tep wa dakai rer kom mo mit ne o. Men un An gum a we, Men bes An gum a we, Domba ne tep wa ye bes An gum kok ne o, tep wa ye un An gum petok ne o.”

Wahyu 8:1

Domba Gan kak lilin gum domufit ne wé sa, suk mwa gato mo gu ne not re. Suk mwa mone yo ki sukdu kwa dik yo mo nde sane sor kom mo jam napyo or,

Wahyu 13:8

Yetu mwa ne sino gato kem mo bur ré bere bes suge ne gum kok, wo yetu bok gato Yefun Allah krom gum mo Domba Gan gato ye gu kwop wé ne bi Buku Yegesyos suga nyim tuya Yefun ut bur ré nde tó, bere yé bok ne yo bes suge krok ne gum kok nde.