Wahyu 3:4 - Abun Scripture

⁴ Sarewo nin gato mo kota Sardis, nin deyo sa, nin mewa nin nggwa kadit os ibit. Nin sa, ben sato nin bi san yo dum nde. Bere nin it san gato kwo ndo, ete nin si Ji mu sino, we Yefun Allah me do, nin sa, nin ben bi suk-i tepsu Yefun mit re.

Wahyu 3:4 Referans Kwoze

Wahyu 7:9

Ji sokme ye syat ja mo ye Israel ge 144.000 mo án git det ne or sa, ji sokme yetu mwa wai ndo nde mo ji gwem. Ye yo nggiwa ne yetu mwa ne or nde, yetu mwa teker ware. Yé mwa ne ma kadit buryo-buryo, kadit wisyo-wisyo, kadit yeyo-yeyo, kadit ayo-ayo. Yé mwa ne sino ti mo yekwesu bi kursi ne tak de gwem. Yé mwa ne sino ti mo Domba Gan gwem. Yé mwa ne sino it san gato kwo ndo. Yé mwa ne jom gur nat mo án kadik-kadik syim, we án mit at wa án si Yefun kem sino mo nat ne.

Wahyu 3:5

Yé gato nggi wai kadit bur ré bi suk-i yo, bere án si yé bok ne sino it san gato kwo ndo. Bere Ji yo rus án gum wé kadit Buku Yegesyos nde. Bere Ji ki mo Ji bi Ai si malaikat mwa ne gwem do, Ji bi rus-i mo án.

Wahyu 6:11

Yé bok ne ku san gato kwo ndo wa án it. Yefun syogat án kem not yei sane sor án bi nji, gato si án ben Yefun bi suk-i ne, yé gu kwop sagato yé gu án ne, kom mo pe gato or mó, ete bere Yefun ndobot yetu mo bur ré.

Wahyu 19:14

Yefun Allah bi yesukmise mo gu boribot An. Yé mwa ne it mo kuda kwo ge bok yo, yé mwa ne it san gato kwo ndo.

Wahyu 4:4

Kursi musyu we sop at yo o kem wairi wa Yekwesu gato gum kok wai ne bi kursi. Mo kursi mwa ne, yenggras gato gum kok ge musyu we sop at kem mó. Yenggras bok ne it san gato kwo ndo. Án bom yekwesu bi topi emas mo án su.

Wahyu 3:18

Sane Ji duno nin do, emas gato ye kon ete ye nggri su san det sane sor nggren ne, nin ma nin so kadit Ji et. Sane bere nin tepsu ye gato ku suk mwa. Nin so san kwo wa nin it et. Sane bere nin kawarun o nde, bere nin damen o nde. Nin so ron wa nin es mo nin gro gan et. Sane bere nin sokme suk sisu ndo.

Wahyu 19:8

Nggon ne ku san gato kwo ndo wa nggon it re.” (San kwo ndo ne bi sukjimnut do, sukndo gato yé gato onyar kem mo Yefun Yesus mo bur ré ben tepsu Yefun mit ne.)

Yudas 1:23

Nin ós ye gato ku sukye subere án ges mo bot gesyos nde, ete án kem ndo to kapyo mato kapyo. Yé deyo o, nin dakai jimnotku án, nin ben suk su án tepsu sukibit gato án ben ne nde, wo nin ben suk gato ndo su yé ne sor. Nin mewa nin nggwa, sawe nin waii ges mo án bi os-i gato ibit ne. Nin bariket sukibit gato án ben ne, tepsu nin bariket án bi san dum gato án it ne. Nin nut mo sukibit mwa gato án ben ne tepsu án bi san gato dum teker ne, sane nin nai nde, nin syimtok dom nde.

Lukas 21:36

Nin frawa nin nggwa pe et! Nin ki suk su Yefun Allah petok sor subere An ós nin titi fro wé kadit sukye gato bere ma ne. Nin ndek mo Yefun Allah dom subere su kam gato Ji, gato Yetu bi Pa ma ndobot nin yetu ne, nin yo damen mo suk gato nin ben ne nde.”

Markus 16:5

Nggon ka gri ne sok mo jokwak mit sa, nggon ne me pa yemsok dik yo gato it san syu gato kwo. Pa yemsok ne kem mo jokwak mit tak de syim ge. Nggon ka gri ne gen mo pa ne.

Lukas 20:35

wo yé gato Yefun Allah nut do yé ne sa, tep wa Yefun Allah bere sun án kadit sukkwop ne, su kam sari ne ma yé ne yo kra mo nde.

Matius 10:11

Nin kom mo kota e, nin kem mo kampung e ne yo, nin meret yetu ge dik yo mone gato ben sukndo ete kak an mit wa nin si an kem mo bi nu. Nin si an kem mone sino sane sor nin mu kadit nat ne.

Wahyu 11:13

Sugane it, sui juwai bur ndo nde sane sor nu mo kota ne napyo fot mbrur-mbrar or re. Kadit nu ke wotin dik, nu ke musyu dik e gwa bur re. Yetu ge ribu mufit kwop re. Yé gato mbau tó nyu ndo nde, án bes Yefun Allah mo gu ne gum kok wai o re.

2 Tesalonika 1:5

Sane men jam do, bere Yefun Allah syo sukye nai yé gato ben sukibit nai nin mone tó. Nin ku sukye mo gato nin jammo Yefun Allah tepsu nin bi Yekwesu. Nin ku sukye, ete nin yo misyar Yefun nde, anato Yefun Allah ki subot nin do, nin sa, ben nin bi suk-i tepsu yé gato An iwa An nai sok mo An bi rus-i.

Suk Gato Yerasul Ben Ne 1:15

Kamdik-kamdik yé mwa gato onyar kem mo Yefun Yesus sum mo nu ne. Kam dik yo, ye gato sum mone karowa yetu ge wotin dik musyu we. Su kam ne Petrus ti mo yé mwa ne gwem, ete

Wahyu 1:11

Ji jam ye ne ki sukdu sare do, ”Suk gato bere nan sokme ne yo, nan krombot mo buku. Orete nan syo buku ne nai yé gato onyar kem mo Yefun Yesus mo nu ari mo kota Efesus e, Smirna e, Pergamus e, Tiatira e, Sardis e, Filadelfia si Laodikia ne et.”

Wahyu 14:4

Yé mwa ne yo sem su nggon yo mo nde. Án mewa án nggwa kadit nggon re. Mo pe mwa ne sino gato Domba Gan mu mone, án si Domba Gan mu sino sor. Yesus Kristus bi nggwa wa tot suktot mo sukibit gato án ben ne wé. Yé mwa ne anato yé gato sok mo Yefun Allah si Domba Gan bi rus-i nyim kadit ye yi. Ben sato án tepsu sugit napyo gato kri nyim, gato yé syo nai Yefun.