Wahyu 21:6 - Abun Scripture

⁶ Yefun ki o do, ”Suk mwa ne Ji ben or it! Ji anato Yefun gato ut suk kadit ketke ete jom sane sor kom mo pe gato or mó. Bere Ji syo syur nai ye gato sosa kadit syur nggrup gato ben yetu mbau. Bere Ji syo syur ne ma wa án da, án yo bi suk yo wa nde.

Wahyu 21:6 Referans Kwoze

Yohanes 4:10

Yefun Yesus ki do, ”Nan jam suk gato Yefun Allah fro wa syo nai nan ete nan jam Ji gato ndek syur mo nan ne yo, bere nan waii ndekwa Ji syo syur gato ós nan kem ndo nai nan da, ete bere Ji syo syur ne nai nan da re.”

Wahyu 7:17

Án yo ku sukye sane o nde, we Domba Gan gato kem mo kursi miten ne, bere mewa án. Bere Domba Gan gwat án mu mo syur nggrup gato ben án mbau. Bere Yefun Allah singgri án gro rom ne sino sa kadit án gro re.”

Yohanes 4:14

Wo ye gato da syur gato Ji syo ne yo, an yo sosa o nde to kapyo mato kapyo. Syur gato Ji syo nai an ne tepsu syur gro mo an mit. Syur gro ne syé ete ben an kem ndo, an kem ndo to kapyo mato kapyo.”

Roma 8:32

Yefun Allah yo nai An dakai bi Gan wé kadit sukye nde, wo Yefun Allah syo An bi Gan ma kwop win men yetu sino. Yefun Allah dakai syo An bi Gan ma wa men yi, sane bere An dakai syo suk mwa neya yi nai men dom, fe!

Wahyu 22:17

Yefun Allah bi rus-i, gato tepsu Yefun Yesus bi nggon gato bere An kra ne si Yefun Allah Gen ki nai Yefun Yesus do, ”Yefun Yesus o, Nan ma et!” Yé mwa gato jam sukdu mo buku sino ré ki do, ”Yefun Yesus o, Nan ma et!” Yé mwa ne ki do, ”Yefun Yesus o, Nan ma et!” Yé gato sosa, án ma nai syur gato ben án mbau mone et. Yé gato mit iwa ma nai syur ne yo, án nai yi sor, án yo bi suk yo wa nde.

Wahyu 1:8

Yefun Allah ki do, ”Ji anato Yefun gato ut suk kadit ketke ete Ji jom suk mwa ne sane sor kom mo pe gato or mó. Ji anato Yefun gato su ré mó, kadit ketke mó, si kam sari ne ma bere mó tó ne. Ji anato Yefun Allah gato nggi wai kadit suk mwa ne sino o re.”

Roma 3:24

Men yetu dakai sor yo nggiwa ben suk tep nde, wo Yefun Allah dakai fro os wa men re. Men yo ben suk yo nyim wa Yefun Allah nde, wo Yefun Allah dakai bi sukjimnut sye kas subot men yi, sane anato An fro os wa men subere An nai men wé kadit sukye gato men ku mo sukibit gato men ben ne. Orete An ki subot men do, men sa, tep wa men gum sok mo An bi rus-i it. Os gato An fro wa men anare: An bi Yesus Kristus ma mo bur ré wa tot suktot mo sukibit gato men ben ne wé.

Wahyu 22:13

Ji anato Yefun gato ut suk kadit ketke ete Ji jom sane sor kom mo pe gato or mó. Ji anato kem kadit ketke sor to kapyo mato kapyo.”

Wahyu 16:17

Malaikat kedomufit gwat Yefun Allah bi sukmaskwa mo mbem ne mu ete sye mo nyot. Sugane ji jam ye yo saiye mo Yefun Allah bi kursi mo Yefun Allah bi nu mo gu sare do, ”Sukye bok ne or it!”

Wahyu 1:17

Ji sokme An sa, ji bare ji nggwa mo An gwem tepsu ji kwop re. Orete An ak An syim ge mo ji, ete An ki do, ”Nan nyu nde! Ji anato ut suk kadit ketke ete jom suk mwa ne sane sor kom mo pe gato or mó.

1 Korintus 2:12

Men jam suk mwa gato Yefun Allah dakai syo nai men yi kadit men yetu bi sukjimnut-i nde, wo An syo An Gen nai men subere men jam suk mwa gato Yefun Allah syo nai men dakai yi ne.

Wahyu 10:6

Malaikat ne bes syim ge mu nim sa, an tom su do, gu ana nim ne, bur ana ré. An tom yi nde, wo an tom su Yefun Allah gum. An ki do, Yefun Allah anato gesyos, Yefun Allah anato ut suk mwa mo gu nim e, bur ré, si sem ne sino. An tom su Yefun Allah gum sare do, ”Men yo eswa o nde,

1 Korintus 3:12

Yé deyo ben nu kaim mo pondasi ne su suk gato kem nam sato: emas, perak si jok gato bi sugum sye. Yé deyo o ben nu kaim mo pondasi ne su suk gato yo kem nam nde sato: kwe si es gato gu.

Wahyu 1:11

Ji jam ye ne ki sukdu sare do, ”Suk gato bere nan sokme ne yo, nan krombot mo buku. Orete nan syo buku ne nai yé gato onyar kem mo Yefun Yesus mo nu ari mo kota Efesus e, Smirna e, Pergamus e, Tiatira e, Sardis e, Filadelfia si Laodikia ne et.”

1 Korintus 3:21

Sane men bes yetu gum kok daret mo sukdu gato an jam ne o nde. Suk mwa gato ndo wa men jam ne Yefun Allah fro wa men re.

1 Korintus 3:5

Je u anato ji ne? Je u anato Apolos ne? Nin bes men ka we gum kok nde. Men ka we anato Yefun Allah bi pakwerut gato ós nin sor. Men ka we ki sukdu gato ós nin nai sukjimnut subere nin brek kadit os ibit, ete nin onyar brek ma kem mo Yesus Kristus. Men ka we dakai benbot suk gato men bi Yekwesu syogat men kadik-kadik ben ne sor re.

Yohanes 4:11

Nggon ne ki nai An do, ”Yenggras, Nan bi sukbo wa Nan en syur su yo mo nde. Syurwak ré kru teker. Nan nai syur gato ós ji kem ndo ne kadit u ne?

Wahyu 3:14

Yefun Allah bi Gan ki nai ji do, ”Nan krom sukdu wa malaikat gato mewa yé gato onyar kem mo Yefun Yesus mo nu ari mo kota Laodikia sare do: Ji gato Sangge, Ji gato ki Ji bi sukdu-i subot Yefun Allah ne sangge, Ji gato ki Yefun Allah bi sukdu-i sisu ri-roi sor, Ji gato jom suk mwa gato Yefun Allah ut mo i-ke ne sino, Ji bi sukdu-i anare: