Wahyu 21:1 - Abun Scripture

¹ Orete ji sokme gu be si bur be. Gu gato rok sisu bur gato rok ne fres wé re. Sem fres dom re.

Wahyu 21:1 Referans Kwoze

2 Petrus 3:13

Sarewo men eswa gu be si bur be gato Yefun Allah tom su men ne. Mone yé mwa ne sino ben sukndo tepsu Yefun Allah mit sor.

Wahyu 21:5

Orete Yefun Allah gato kem mo An bi kursi sye ne ki do, ”Su ré, Ji ben suk mwa ne sino be it!” An ki nai ji o do, ”Sukdu gato Ji ki ré sangge, sukdu ne tep wa yé onyar kem pe mó, sane nan krom et!”

2 Petrus 3:10

Sarewo kam gato Yesus Kristus ma ne, bere An ma tepsu yegitsi gato ma wa syimsi suk ne, bere men gensu sor re. Tepsu kam ne, ben sato suk yo pu mo gu, ete sugane gu ne fres re. Ete suk mwa gato kem mo gu nim ne bot git or re. Sane dom bur ré si suk mwa gato mo bur ré fres or re.

Wahyu 20:11

Orete ji sokme Yefun Allah gato kem mo An bi kursi kwo gato sye. Bur ré si gu nim ne fres wé kadit An re. Ye yo ku bur ré si gu nim ne o nde.

Wahyu 13:1

Orete ji sokme suge krok ge dik yo gato sye. Suge ne syesyar kadit sem ma nden. Suge ne su mufit mó. Suge ne suti musyu dik mó. Mo an suti musyu dik ne sino yekwesu bi topi mó. Mo an su mufit ne sino ye krom gumyo-gumyo gato bi sukjimnut wa kabor Yefun Allah gum.

Roma 8:21

suk bok gato Yefun ut ne sino bere sombok kadit suk sato bom e, syumbar e ne gato ben suk bok ne ibit e, mbras, e mbu e ne. Bere suk bok ne sino si men yé gato sok mo Yefun Allah bi rus-i kem ndo sino. Bere suk bok gato Yefun ut ne si Yefun bi pá-i kem gesyos mo nat gato ndo wai o re.

Wahyu 6:14

Gu ne fres wé re, tepsu ye pam sun, ete ye gwat mu re. Banbo mwa si ef mwa ne sino mu kem mo nat yi kadit bi nat-i ne o re.