Wahyu 13:6 - Abun Scripture

⁶ An ki bi sukdu-i, an kabor Yefun Allah, an kiket Yefun Allah gum ibit, an ki Yefun Allah bi nat-i ibit, an kabor yé mwa ne sino gato kem mo gu nim ne or re.

Wahyu 13:6 Referans Kwoze

Wahyu 12:12

Sane, nin yé mwa gato kem mo gu ne sino, nin mit at wa et. Sarewo nin yé gato kem mo bur ré si sem mit ne, bere nin ku sukye ndo nde, we biris bi yekwesu is mu kom mo nin bi nat-i re. Biris bi yekwesu maskwa ndo nde, we an jam do, yo nam nde, bere an yo ku os wa ben kidar yetu ges mo os ibit o nde.”

Ibrani 9:24

Kristus dé anato win suge dé mo nu mo gu ne re. Sane anato Kristus yo sok mo nu kemah gato yetu nggo mo bur ré nde. Nu mo bur ré tepsu sukkran subot nu gato sangge mo gu ne sor re. Sane Kristus yo sok mo nu mo bur ré nde, wo Kristus dakai sok mo nu mo gu ne, anato su ré, An ki suk tepsu yegweswai su Yefun Allah wa men yetu mone.

Matius 15:19

we sukibit gato ma kadit men mit si men onyar anato sukjimnut ibit gato ben men ben sukibit sato ré: men gu ye yi kwop e, men ben siri su nggon daret e, men syimsi suk e, men ndak nje su sukkidar e, men kiket yé yi e ne.

Matius 12:34

Nin anato kidar suk tepsu kwis jan, nin mit si nin onyar ibit, sane bere nin ki suk gato ndo sa u ne? Suk gato men ki ne bere syesyar kadit men mit si men onyar fe!

Wahyu 21:3

Orete yé jam Yefun Allah mo An bi kursi sye ne ki sye sare do, ”Ré yo, Ji, Yefun Allah, ma kem sisu yetu it! Bere Ji ma sisu yetu kem mo nat dik sino re. Yetu ne tepsu Ji bi rus-i re. Ji dakai sisu Ji bi rus-i kem mo nat dik sino tepsu yetu bi Yekwesu ne o re.

Wahyu 18:20

Nin yé mwa ne sino gato kem mo gu ne, nin mit at, we Yefun syo sukye nai kota Babel, kota ne ibit it. Nin yé gato onyar kem mo Yefun Yesus e, nin yerasul e, nin yenabi e ne, nin sino mit at, we Yefun Allah syo sukye nai nje mo kota ne tepsu sukibit gato yé mone ben ket nin re.

Wahyu 11:12

Orete yé jam yetu ge dik yo saiye mo gu. Ye ne ki nai ye we sare do, ”Nin ka we ma more et!” Orete ye we it mu mo gu ngga mo nyotem mit saresa, ye gato bariket ye we sokme ye we it mu mo gu or re.

Wahyu 7:9

Ji sokme ye syat ja mo ye Israel ge 144.000 mo án git det ne or sa, ji sokme yetu mwa wai ndo nde mo ji gwem. Ye yo nggiwa ne yetu mwa ne or nde, yetu mwa teker ware. Yé mwa ne ma kadit buryo-buryo, kadit wisyo-wisyo, kadit yeyo-yeyo, kadit ayo-ayo. Yé mwa ne sino ti mo yekwesu bi kursi ne tak de gwem. Yé mwa ne sino ti mo Domba Gan gwem. Yé mwa ne sino it san gato kwo ndo. Yé mwa ne jom gur nat mo án kadik-kadik syim, we án mit at wa án si Yefun kem sino mo nat ne.

Wahyu 5:13

Orete ji jam suk mwa gato mbau mo gu nim e, mo bur ré e, mo bur desnak e, mo sem e ne sino, suk mwa gato mbau mo pe mwa ne sino ba sukbadek sare do, ”Yefun ga kem mo kursi sye ne e Domba Gan ga mone e Men un An we ne gum ne o Men bes An we ne gum kok ne o. Yefun si Domba Gan ne e An we ete gum ne sye wai ne e. An we ete nggi wai kadit suk mwa ne o Su ré to kapyo to kapyo ne o.”

Wahyu 4:4

Kursi musyu we sop at yo o kem wairi wa Yekwesu gato gum kok wai ne bi kursi. Mo kursi mwa ne, yenggras gato gum kok ge musyu we sop at kem mó. Yenggras bok ne it san gato kwo ndo. Án bom yekwesu bi topi emas mo án su.

Wahyu 4:1

Sukdu wa yé gato onyar kem mo Yefun Yesus mo nu ari bok ne, ji jam or sa, ben sato ji semda ete ji sokme nusyo mo gu kak re. Ye gato ji jam ki suk su ketke, gato saiye tepsu ye fuf dut, tepsu trompet ne, an ki do, ”Nan ma more et. Ji kadum suk gato bere bor wari wa nan jam.”

Ibrani 9:2

Yé bes Yefun Allah bi nu kemah dik yo ti. Nu ne bi gumwak we, tak de gwem bi gumwak dik yo gato ye kendo do, ”Yefun Allah bi gumwak.” Mo gumwak ne sukbo wa sukru ti kwop mone. Meja dik yo gato ye grem roti wa som Yefun Allah su ne kwop mone dom.

Roma 3:13

Sukdu gato syesyar kadit án syokwet ne ibit, tepsu makwe gato yé kak ne basmi ibit. Sukkidar kas kadit án brip gato ram ne tepsu syur sye mu ti. Án ki bi sukdu-i ibit anato ben nje ibit su, tepsu kwis jau nje su bi ri anato gu nje kwop su.

Kolose 2:9

Nin jambot sukdu sane nde, we sukdu gato sangge bor mo Yesus Kristus gato ma mo bur ré su kaim tepsu men yetu. Yesus Kristus, anato tepsu Yefun Allah dakai mo suk mwa ne sino, kwa yo gwet mo nde. Suk mwa gato An ben si An bi suktinggi ne, suk mwa ne tepsu Yefun Allah dakai.

Kolose 1:19

Yefun Allah dakai mit iwa suk mwa gato An ki ne, si, suk mwa gato An ben ne sino, An bi Gan waii ki ete ben sane petok dom.

Yohanes 1:14

Sukdu ne ma mo bur ré ka tepsu yetu re. An ma si men kem mo bur ré sino. An ben sukndo mwa yé su men dakai yi. An kadum Yefun Allah wa men jam sisu sangge. Men dakai me su men gro do, An gum kok sye wai o re. Yefun Allah anato An bi Ai, Yefun Allah bi Gan ge dik ne sor re, anato Yefun Allah bes An gum kok sye wai. {An anato Yefun Yesus.}

Wahyu 7:15

Sane anato án ti mo Yefun Allah gwem. Án ben Yefun bi suk-i noru nombrak sor mo Yefun bi nu. Bere Yefun Allah gato kem mo An bi kursi sisu án, ete mewa án sino.

Wahyu 15:5

Yé mwa ne ba sukbadek ne. Orete ji sokme Yefun Allah bi nu mo gu ne kak, ete ji sokme Yefun bi gumwak fo mo mit ne dom.