Wahyu 12:8 - Abun Scripture

⁸ Sarewo naga yo nggi nde. Sane naga si bi malaikat-i yo ku os wa kem mo gu o nde.

Wahyu 12:8 Referans Kwoze

Wahyu 12:11

Domba Gan dé sye wa men yetu anato men bi nji mo Yefun bi rus-i ne nggi wai kadit biris bi yekwesu o re. Án ki subot Yefun Allah bi sukdu-i anato án nggi wai kadit biris bi yekwesu o re. Án yo nutbot án dakai nde, án bi án nggwa mo Yefun wa ben Yefun bi suk-i. Kapre án kwop o, án mbau o, án kibot suk gato Yefun ben ne sor.

Yudas 1:6

Sane dom, suga nyim tuya, malaikat gato ben bi suk-i tara kadit suk gato Yefun Allah fro wa án ben ne sor án mu kadit án bi nat-i ne sa, Yefun Allah rai án su bus gato kem krat to kapyo mato kapyo, ete Yefun Allah grem án mo pe gato ndu mo bur desnak re. Án kem mone sor kom mo kam sye gato Yefun Allah ma ndobot yetu mwa ne sino, ete su kam ne bere Yefun Allah bare malaikat gane mo bot gesyos re.

Suk Gato Yerasul Ben Ne 1:25

subere ye ne ben Nan bi suk-i tepsu yerasul win Yudas gato misyar Nan bi suk-i, ete ku sukye re.”

Matius 16:18

Sane, Ji ki sare do, nan gum do Petrus, gato bi sukjimnut do, jok gato nggi. Sane saga yé nggo nu mo jok gato ye kendo do pondasi, bere Ji nggo Ji bi nu wa Ji bi rus-i kem mone mo nan si nan bi sukdu-i. Yé mwa ku os wa sok mo Ji bi rus-i mo sukdu gato nan ki subot Ji ne. Ji bi rus-i mo nu ne, bere nggi wai kadit os sukkwop o re.

Wahyu 12:7

Orete suk mwa neya mo gu ne gu yu, suk mwa ne ben sukndi su yu mone. Malaikat bi yekwesu ge dik yo gato gum do Mikhael si bi malaikat-i ben sukndi su naga ne. Naga si bi malaikat-i waii futma wa gu Mikhael si bi malaikat-i.

Wahyu 12:9

Mikhael si bi malaikat-i am naga sye ne wé kadit gu re. Naga gane anato tepsu kwis kadit nyim tuya gato gum do biris bi yekwesu. Yé kendo biris bi yekwesu ne gum do Iblis dom. Naga gane ben kidar yetu mwa mo bur ré ges mo os ibit. Orete Mikhael si bi malaikat-i am naga sye ne si bi malaikat-i sino mu is kadit gu ma mo bur ré re.

Wahyu 20:11

Orete ji sokme Yefun Allah gato kem mo An bi kursi kwo gato sye. Bur ré si gu nim ne fres wé kadit An re. Ye yo ku bur ré si gu nim ne o nde.