Wahyu 1:11 - Abun Scripture

¹¹ Ji jam ye ne ki sukdu sare do, ”Suk gato bere nan sokme ne yo, nan krombot mo buku. Orete nan syo buku ne nai yé gato onyar kem mo Yefun Yesus mo nu ari mo kota Efesus e, Smirna e, Pergamus e, Tiatira e, Sardis e, Filadelfia si Laodikia ne et.”

Wahyu 1:11 Referans Kwoze

Wahyu 3:1

Yefun Allah bi Gan ki nai ji do, ”Nan krom sukdu wa malaikat gato mewa yé gato onyar kem mo Yefun Yesus mo nu ari mo kota Sardis sare do: Ji gato jom Yefun Allah Gen ge mufit gato mu ben Yefun Allah bi suk-i, Ji gato jom bí ge mufit ne bi sukdu-i sare: Ji jam subot suk mwa gato nin ben mone o re. Yé mwa ne nut do, nin sa, mbau, nin onyar kem mo Ji, sarewo Ji jam do, nin misyar Ji anato nin tepsu yé gato kwop re.

Wahyu 1:4

Ji, gato gum do Yohanes, ji krom sukdu ré wa nin, yé gato onyar kem mo Yefun Yesus mo nu ari mufit mo bur Asia. Yefun Allah gato su ré mó, kadit ketke mó, si kam sari ne ma bere mó tó ne, Yefun Allah ete mewa nin. Yefun Allah ete uttok nin petok sor. Yefun Allah Gen ka mufit gato kem mo Yefun Allah bi kursi tak de gwem, Yefun Allah Gen ete mewa nin, Yefun Allah Gen ete uttok nin petok sor.

Wahyu 3:14

Yefun Allah bi Gan ki nai ji do, ”Nan krom sukdu wa malaikat gato mewa yé gato onyar kem mo Yefun Yesus mo nu ari mo kota Laodikia sare do: Ji gato Sangge, Ji gato ki Ji bi sukdu-i subot Yefun Allah ne sangge, Ji gato ki Yefun Allah bi sukdu-i sisu ri-roi sor, Ji gato jom suk mwa gato Yefun Allah ut mo i-ke ne sino, Ji bi sukdu-i anare:

Wahyu 3:7

Yefun Allah bi Gan ki nai ji do, ”Nan krom sukdu wa malaikat gato mewa yé gato onyar kem mo Yefun Yesus mo nu ari mo kota Filadelfia sare do: Ji gato ben Ji bi suk-i ndo petok, Ji gato ben Ji bi suk-i ri-roi sor, Ji gato jom yeraja Daud bi kunci ne, suk gato Ji kak, ye yo nggiwa grem suk yo krat yawa satu nde. Sane dom, suk gato Ji grem krat yawa, ye yo nggiwa kak o nde. Ji bi sukdu-i anare:

Wahyu 2:18

Yefun Allah bi Gan ki nai ji do, ”Nan krom sukdu wa malaikat gato mewa yé gato onyar kem mo Yefun Yesus mo nu ari mo kota Tiatira sare do: Yefun Allah bi Gan gato gro gan ru tepsu bot ru, Yefun Allah bi Gan gato gwes tak rup-rek tepsu tembaga gato ye kon ete nggri su san det sane sor nggren ne bi sukdu-i anare:

Wahyu 2:12

Yefun Allah bi Gan ki nai ji do, ”Nan krom sukdu wa malaikat gato mewa yé gato onyar kem mo Yefun Yesus mo nu ari mo kota Pergamus sare do: Ji gato bi nyom gato ot de we ne bi sukdu-i anare:

Wahyu 2:8

Yefun Allah bi Gan ki nai ji do, ”Nan krom sukdu wa malaikat gato mewa yé gato onyar kem mo Yefun Yesus mo nu ari mo kota Smirna sare do: Ji gato ut suk kadit ketke ete jom suk mwa ne kom mo pe gato or mó, Ji gato kwop, orete sun satu o bi sukdu-i anare:

Efesus 1:1

Ji gato gum do Paulus, gato Yefun Allah bes gum yerasul wa ben Yesus Kristus bi suk-i, ji anato krom surat ré wa nin. Ji krom sukdu ré wa nin yé gato Yefun Allah nai sok mo An bi rus-i mo kota Efesus. Ji krom surat ré wa nin yé gato onyar kem mo Yefun Yesus mone.

Wahyu 21:5

Orete Yefun Allah gato kem mo An bi kursi sye ne ki do, ”Su ré, Ji ben suk mwa ne sino be it!” An ki nai ji o do, ”Sukdu gato Ji ki ré sangge, sukdu ne tep wa yé onyar kem pe mó, sane nan krom et!”

Wahyu 19:9

Orete malaikat ne ki nai ji do, ”Nan krom sukdu gato ji ki ré et: Ye gato ye kendo ma simo Domba Gan bi sukra gato ye konwa ne, ye ne sa, mit at wa.” Orete malaikat ne ki o do, ”Sukdu gato ji ki ne, Yefun Allah bi sukdu gato sangge anane.”

Wahyu 14:13

Orete ji jam sukdu kadit gu ne sare do, ”Nan krom sare do: Kadit kam ré yo, yé gato ben Yesus Kristus bi suk-i, ete kwop mone, yé ne sa, mit at wa, we bere Yefun ben sukndo su án.” Yefun Allah Gen ki do, ”Sangge, yé ne ku suk mwa gato ndo mo suk gato án ben ne. Sane yé ne yo mitwa ben suk mwa o nde, wo án kem not kadit re.”

Wahyu 10:4

Nogu pu wam mufit sa, bergan ji nut do ji krombot sukdu gato ji jam kadit nogu ne, sarewo ji jam yetu ge dik yo ki sukdu kadit gu sare do, ”Nan gurik sukdu gato nan jam kadit nogu gato pu wam mufit ne, nan krom nde.”

Wahyu 1:19

Sane suk mwa ne sino gato nan sokme ne yo, nan krombot mo buku et. Nan krombot suk mwa gato nan sokme su ré sisu suk mwa gato bere bor mone tó.

Wahyu 1:8

Yefun Allah ki do, ”Ji anato Yefun gato ut suk kadit ketke ete Ji jom suk mwa ne sane sor kom mo pe gato or mó. Ji anato Yefun gato su ré mó, kadit ketke mó, si kam sari ne ma bere mó tó ne. Ji anato Yefun Allah gato nggi wai kadit suk mwa ne sino o re.”

1 Timotius 1:3

Su kam gato ji mu kadit nan mu mo bur Makedonia, ji wergat nan subere nan kem pe mo kota Efesus. Ji wergat nan kem pe mone subere nan duyawa yé bok yo gato duno nje su sukduno gato siri.

Wahyu 1:17

Ji sokme An sa, ji bare ji nggwa mo An gwem tepsu ji kwop re. Orete An ak An syim ge mo ji, ete An ki do, ”Nan nyu nde! Ji anato ut suk kadit ketke ete jom suk mwa ne sane sor kom mo pe gato or mó.

Wahyu 1:2

Sane Yohanes waii krombot suk bok ne sino gato an me ne. An krombot sukdu gato Yefun Allah ki ne. An krombot suk bok ne sino gato Yesus Kristus ki rer nai an jam ne.

1 Korintus 16:8

Sarewo su ré yo, ji kem mo kota Efesus sor, kam sye Pentakosta ré or et,

1 Korintus 15:32

Sato yekwop yo sun o nde yo, ji ben sukndi su yetu gato ye ki do, án tepsu suge sye gato krok mo Efesus ne, bere ós ji kem ndo mo bur ré sa u ne? Yo mo nde, wo ji jam do, bere Kristus sun ji kadit sukkwop mone tó. Sarewo sato yekwop yo sun o nde yo, men simo sukdu sare do, ”Men git sugit e, men da nau e, men kamo sye sor, we bere men kwop, ete bere or mone it.”

Suk Gato Yerasul Ben Ne 20:17

Tomgato Paulus kem mo Miletus, an syogat ye mu kar yekwesu mo nu ari ge bok yo gato mewa ye gato onyar kem mo Yefun Yesus gato kem mo Efesus ma ku an.

Suk Gato Yerasul Ben Ne 18:24

Ye Yahudi ge dik yo gato gum do Apolos, an ye Aleksandria, an ma kom mo Efesus. Apolos ki bi sukdu-i ne rer. An sa, jam Yefun Allah bi sukdu ne kom mo mit.

Suk Gato Yerasul Ben Ne 16:14

Nggon ge dik yo gato si men nuk sukdu ne gum do Lidia. Mom ma kadit kota Tiatira. Mom so san gato sugum sye. Kamdik-kamdik Lidia jammo Yefun Allah petok sor. Sane Yefun Allah kak mom bi sukjimnut mo sukdu gato Paulus ki ne anato mom onyar kem mo sukdu ne.

Kolose 2:1

Ji iwa nin jam do, ji wergat ji nggwa wa ji ben sukndo su nin si ye gato kem mo kota Laodikia, si yé yi neya gato yo ku ji nde tó.

Wahyu 1:20

Ji ki rer subot bí mufit gato nan me mo Ji syim ge ne si suk gato ka sa dem sor gato ye ben kadit emas wa ye dum sukru bo mufit ne. Suk we ne bi sukjimnut ne Yefun gurik kadit yetu, wo su ré Ji ki bi sukjimnut ne rer wa nan jam. Bí mufit bi sukjimnut do, malaikat ge mufit gato mewa yé gato onyar kem mo Yefun Yesus mo nu ari mo kota mufit ne {Efesus e, Smirna e, Pergamus e, Tiatira e, Sardis e, Filadelfia si Laodikia ne}. Or o, suk gato ka sa dem sor wa ye dum sukru mufit mone bi sukjimnut do, yé gato onyar kem mo Yefun Yesus mo nu ari mo kota mufit ne.”

Wahyu 2:1

Yefun Allah bi Gan ki nai ji do, ”Nan krom sukdu wa malaikat gato mewa yé gato onyar kem mo Yefun Yesus mo nu ari mo kota Efesus sare do: Ji gato jom bí mufit mo Ji syim ge, ete mubot suk gato ka sa dem sor gato ye dum sukru bo mufit mone, Ji bi sukdu-i sare do:

Wahyu 2:24

Nin deyo mo nu ari mo Tiatira sa, nin yo jammo nggon ne bi sukduno-i gato ibit ne nde. Nin yo jam sukdu gato ye kendo do, sukdu gato kru, gato biris bi yekwesu dakai kadum ne nde. Sane Ji ki sare do, Ji yo syogat nin ben suk yo o gato tepsu sukde wa nin sam ne o nde,

Wahyu 3:4

Sarewo nin gato mo kota Sardis, nin deyo sa, nin mewa nin nggwa kadit os ibit. Nin sa, ben sato nin bi san yo dum nde. Bere nin it san gato kwo ndo, ete nin si Ji mu sino, we Yefun Allah me do, nin sa, nin ben bi suk-i tepsu Yefun mit re.

Wahyu 22:10

Orete malaikat ne ki nai ji o do, ”Nan gurik sukdu subot suk gato bere bor su kam sari ne ma mo buku ré nde, we yo nam nde ge, suk mwa ré bor re.

Wahyu 22:16

”Ji, gato gum do Yesus, Ji anato syogat Ji bi malaikat ma wa kibot sukdu mwa mo buku ré wa ye gato onyar kem mo Ji mo nu ari mo bur ré jam re. Ji anato yeraja Daud bi dat. Ji anato kak os ndo wa yetu tepsu bí ik gato it ben sato kak os wa nombrak ne ma.”