Titus 1:3 - Abun Scripture

³ Tepsu bi kam-i ne it, suk gato Yefun Allah tom ne bor wa yé mwa jam re. Suk ne bor mo suk gato An tarubot ji. Yefun Allah gato fro os ndo wa men kem ndo to kapyo mato kapyo, An syaugat ji ki subot sukdu ne. Sane ji ki subot sukdu gato An tarubot ji ne sor.

Titus 1:3 Referans Kwoze

1 Timotius 1:11

Sukduno gato sangge ne anato sukdu gato ndo wai subot os ndo gato Yesus Kristus kak wa men yetu ne. Yefun Allah gato gum kok wai anato fro sukdu ne, ete An tarubot ji, subere ji ki frekbot nje mo peyo-peyo.

1 Timotius 1:1

Ji gato gum do Paulus anato krom surat ré wa nan. Ji krom sukdu ré wa nan, Timotius. Nan anato tepsu ji bi pa mo Yefun bi de-i, we ji duno nan anato nan onyar kem mo Yesus Kristus. Yefun Allah gato fro os ndo wa men kem ndo to kapyo mato kapyo, An bes ji gum yerasul wa ben Yesus Kristus bi suk-i. Yesus Kristus gato men kwabom kam mó, An bes ji ete syogat ji mu wa ji ben An bi suk-i tepsu yerasul. Men bi Ai, Yefun Allah si men bi Yekwesu Yesus Kristus ete mewa nan. Yefun Allah si Yesus Kristus ete jimnotku nan. Yefun Allah si Yesus Kristus ete uttok nan petok sor.

Titus 2:10

Án syimsi án bi yenggras bi suk nde, wo án ben bi án suk-i ndo sor, subere án bi yenggras mit kem mo án. Án ben suk mwa sane subere ye yi me suk gato án ben tepsu Yefun Allah bi sukduno-i, ete ye mit iwa Yefun Allah bi sukduno-i mone. Yefun Allah anato fro os ndo wa men kem ndo to kapyo mato kapyo.

Titus 2:13

men eswa Kam gato Yesus Kristus satu ma mo bur ré. Men kwabom kam mo Kristus do, bere An ma sor, sane men eswa. Su kam gato An ma su ne yo, bere yetu mo bur ré sokme Yefun kaim rer-rik su bi suktinggi ndo yé re. Yesus Kristus gato bere ma ne, An anato tepsu Yefun Allah gato gum sye kok wai o re. Yesus Kristus anato men bi Yekwesu gato kak os wa men kem ndo to kapyo mato kapyo.

1 Timotius 4:10

Sane men samok, men wergat men dakai, men ben Yefun bi suk-i ne, we men kwabom kam mo Yefun Allah gato gesyos ne do, bere An nai men wé kadit sukye, bere An kak os wa men kem ndo to kapyo mato kapyo. Yefun Allah kak os ne wa yetu mwa ne sino mo bur ré. Wo ye gato onyar kem mo An anato ye gato kem ndo si An mo An bi nat-i ne.

1 Timotius 2:3

Men ki suk su Yefun wa yepasye ne yo, Yefun Allah gato fro os ndo wa men kem ndo to kapyo mato kapyo, Yefun Allah ne mit iwa.

1 Tesalonika 2:4

Men ki men bi sukdu-i sane nde, wo Yefun Allah bes men ete syogat men mu ki An bi sukdu-i subot os ndo gato Yesus Kristus kak wa men yetu ne. Men yo werwa men ben suk tepsu yetu mit nde, wo men werwa men ben suk tepsu Yefun Allah mit sor, we An anato jam men bi sukjimnut kom mo mit re.

Kolose 1:23

Nin onyar kem mo sukdu subot os ndo ne tepsu jam biro kom mo kwe guk ne yo, bere Yefun Allah nai nin gum sok mo An bi rus-i. Nin brek kadit os ndo ne nde, wo nin jom sukdu ne krat yo, bere nin si Yefun Allah kem ndo mo An bi nat-i. Sukdu ne anato sukdu gato yé ki nai nin jam re. Sukdu ne, yé mu ki frekbot bur ré iwedewe re. Ji gato gum do Paulus ré anato tepsu pakwerut wa ji mu kibot sukdu ne.

Kolose 1:6

Sukdu subot os ndo gato Yesus Kristus kak ne, ye ki frekbot yé mwa jam mo bur ré iwedewe re, anato ye mwa ne napyo simo os ndo ete ku sukndo mo sukdu ne re. Sane dom, nin waii jammo sukdu ne. Kadit kam ketke gato sukdu ne frekbotnin sa, nin simo os ndo ete nin ku sukndo mone re. Nin jam rer do, kapre nin yo ben suk yo nyim wa Yefun Allah nde, An dakai bi sukjimnut sye kas subot nin sor. Sukdu ne nin jam kom mo mit re.

Efesus 2:17

Sane anato Yesus Kristus ma wa ki subot Yefun Allah bi suktaru gato ós men kem ndo su yu ne. An ma wa An ki sukdu ne nai nin yewis yi gato nyim ne kem ko kadit Yefun Allah. An ma wa ki sukdu ne nai ye Yahudi gato karowa Yefun Allah ne sino dom.

Galatia 4:4

Sarewo tepsu kam gato Yefun Allah fro ne, Yefun Allah syo An bi Gan ma mo bur ré. Nggon dik yo kem su An. An kem mo bur ré, An jammo ye Yahudi bi sukduno.

1 Korintus 9:17

Sato ji dakai sor anato iwa duno nje subot Yefun Yesus yo, bere ji mit wa nje syo suk mo ji bi kamba mone. Sarewo ji duno nje subot os ndo gato Yefun Yesus kak ne, we Yefun Allah syogat ji ben ne sor re. Sane ji ben sor, ji yo bi sukjimnut wa ji ndek mo nje wa án syo suk yo nai ji nde.

Filipi 1:13

Kadit yé bok ji mo sel ré anato yesukmise mwa ne sino gato mewa ji mo gubernur bi nu si ye yi dom jam do, yesukmise ne rai ji more mo gato ji ki sukdu subot Yesus Kristus.

Roma 16:26

wo su ré men kibot sukdu ne rer wa yé mwa jam it. Yefun Allah gato gesyos ne, syogat yenabi krombot sukdu ne subere yewis mwa ne sino mo buryo-buryo ku os wa án sino onyar kem mo Yefun Allah, ete yé benbot suk gato Yefun ki ne.

Roma 15:19

Ji ki subot suk gato Yefun Allah Gen ben ji nggiwa ji ki ne. Yefun Allah Gen ben ji nggiwa ji ben ye gato i ne ge e, ji sun ye gato kwop mbau satu e, ji syun semda wé e ne, ji ben suk bok ne anato ben yé mwa ne yeket ndo nde. Suk gato ji ben ne kadum Yefun Allah Gen bi suktinggi-i nai yé mwa ne jam re. Ji ki sukdu subot os ndo gato Yesus Kristus kak wa men yetu ne mo pe mwa neya ketke mo kota Yerusalem, or o kadit ne sor kom mo kota Ilirikum ne re.

Roma 5:6

Tepsu kam gato Yefun Allah fro ne, men yo ku os mo nde tó, Kristus ma kwop win men yetu gato bariket Yefun Allah ne.

Suk Gato Yerasul Ben Ne 17:26

Ketke An ut yetu ge dik yo. Kadit ne, An anato ut yewis mwa ne, ete An syogat kem mo bur ré iwedewe. Su ketke An fro bur det wa yewis yo-yewis yo kem mó. An fro yewis mwa ne kem mo án bi bur det-i kom mo kam gato Yefun Allah ki ne, orete yé mu or wé kadit bur ne tepsu bi aina gato Yefun fro ne dom. Suk mwa ne Yefun Allah fro or re.

Suk Gato Yerasul Ben Ne 10:36

Yefun Allah taru sukdu subot men ye Israel ne do, An syogat Yesus Kristus ma mo bur ré wa kak os ndo wa men yetu subere Yefun Allah nai men gum sok mo An bi rus-i. Sane Yesus Kristus gato gum Yekwesu wa men sino ne kak os wa men si Yefun Allah kem ndo su yu re. Nin dakai jam sukdu ne mó re.

Lukas 1:47

Ji mit at wa Yefun Allah, An nai ji kadit sukye gato ji ku ne.

Markus 16:15

Orete Yefun Yesus ki nai An bi pakon do, ”Nin mu mo yewis mwa ne sino mo bur ré iwedewe. Nin mu ki sukdu subot os ndo gato Yefun Allah fro wa yetu subere yé ku os wa yé gum sok mo Yefun Allah bi rus-i.

Markus 13:10

Sukdu subot os ndo gato Yefun Allah fro wa nin ne yo, bere yé ki frekbot yewis mwa mo bur ré iwedewe orete yo, bere bur ré kru it anane.

Wahyu 14:16

Sane ye gato kem mo nyotem ne tot sugit su an bi nyom mo bur ré. Malaikat ne nai yetu ma tepsu ye tot sugit gato kri mo nggwe, ete nai ma.

Efesus 1:10

Yefun Allah fro os ré, subere kom mo bi kam-i gato tepsu yo, bere Yesus Kristus wadigan gum Yekwesu wa jom suk mwa mo gu nim ne si bur ré sino.

Markus 1:15

Yefun Yesus ki nai nje mone do, ”Yefun Allah ma jowa nin tepsu nin bi Yekwesu it anare! Sane nin kwet kadit sukibit gato nin ben ne, ete nin onyar kem mo sukdu subot os ndo gato Yefun Allah fro wa nin ne et.”

Roma 16:25

Men bes Yefun Allah gum kok et. Ji ki sukdu subot os ndo gato Yefun Allah fro wa men yetu, ji ki subot Yesus Kristus gato kak os ne, orete nin jammo sukdu ne. Sane Yefun Allah ós nin anato nin onyar kem mo Yefun nggi wai kadit nyim ne o re. Kadit nyim tuya kom more, Yefun yo kadum sukdu ne rer wa ye jam nde, Yefun gurik sukdu subot os ne re,

2 Timotius 4:17

Ye yi yo ós ji nde, wo Yefun Allah sa, sisu ji. Yefun Allah ben ji nggi, subere ji ki sukdu subot os ndo gato Yesus Kristus kak ne. Yepasye ndobot ji sa, yewis yi mone jam sukdu subot os ndo gato Yesus Kristus kak gato ji ki ne dom re. Yé da iwa gu ji kwop wé, sarewo Yefun nai ji kadit re.