Matius 19:3 - Abun Scripture

³ Ye Farisi ge bok yo ma ku Yefun Yesus subere yé bok ne werwa meret os wa Yefun Yesus. Yé bok ne ndo mo Yefun Yesus do, ”Men simo Musa bi sukduno-i ne yo, yekra ku os wa an sombok an bi nggon wé tepsu pe gato an dakai imo bado?”

Matius 19:3 Referans Kwoze

Markus 10:2

Ye Farisi ge bok yo ma ku Yefun Yesus subere yé bok ne werwa meret os wa Yefun. Ye Farisi ne ndo mo Yefun Yesus do, ”Men simo Musa bi sukduno-i ne yo, yekra ku os wa an sombok an bi nggon wé, bado, nde e?”

Ibrani 3:9

Yefun Allah ki do, ’Nin bi amui da me sukndo mwa gato Ji ben kom mo tahun musyu at su án mo pe ne mó re, sarewo án bariket Ji ket kwayo-kwayo sane sor bergan Ji yo jimnotku án o nde.’

Yohanes 8:6

Yeguru si ye Farisi ndo oror Yefun Yesus. Yeguru si ye Farisi meret os subere án ku os wa án ndak Yefun Yesus mo bi yekwesu gwem, subere yekwesu ne ben sukye yo nai Yefun. Sarewo Yefun Yesus ka, ete An krom suk mo bur su An sopkwa.

Markus 12:15

Sarewo Yefun Yesus jam yé bok ne meret os wa An, subere ye maskwa An mo sukdu gato An ki satu ne. {Sato Yefun Yesus ki do, men bi pajak nde, bere Kaisar maskwa An, wo An ki do, men bi pajak yo, bere ye Yahudi mwa ne maskwa An.} Yefun Yesus jam do, yé ne da ben nggwa tepsu ye gato onyar kem mo Yefun Allah, sarewo án mit tara re. Sane An ki do, ”Suma ben anato nin meret os wa Ji ne? Nin gwat ye Roma bi sugum det dik yo ma wa Ji me et.”

Markus 12:13

Bergan yo o, yekwesú mo Yefun Allah bi nu si ye Yahudi bi padosye, án syogat ye Farisi ge bok yo si ye gato simo Herodes ge bok yo ma meret os wa Yefun Yesus mo suk gato Yefun Yesus ki ne.

Matius 22:35

Ye Farisi ge dik yo gato owa duno nje su Yefun bi sukdu ne meret os wa Yefun Yesus. An ndo Yefun Yesus subot sukduno kwa yo.

Matius 16:1

Ye Farisi si ye Saduki ge bok yo ma ku Yefun Yesus. Án werwa meret os wa Yefun Yesus, sane án ki nai Yefun Yesus do, ”Nan ben suk yo gato ben men yeket et, subere Nan kadum Yefun Allah bi suktinggi ne bor wa men me et.”

1 Korintus 7:10

Ji bi sukdu wa yekra. (Ji bi sukdu-i anare nde, wo men bi Yekwesu dakai bi sukdu-i anare.) Yefun Allah syaugat men do, nggonkra sombok kadit bi ya nde.