Matius 10:3 - Abun Scripture

³ Filipus, Bartolomeus, Tomas, Matius gato nai sugum kadit nje wa pemerintah; Yakobus gato Alfeus bi pa, Tadeus;

Matius 10:3 Referans Kwoze

Suk Gato Yerasul Ben Ne 1:13

Án mu kom mo Yerusalem, án mu mo nu gato án kem mone. Án it mo gumwak mo nim. Yerasul gato kem mone gum do, Petrus, Yohanes, Yakobus, Andreas, Filipus, Tomas, Bartolomeus, Matius, Yakobus (gato Alfeus bi pa), Simon (gato sok mo yekweke), si Yudas (gato Yakobus bi pa).

Markus 3:18

Andreas, Filipus, Bartolomeus, Matius, Tomas, Yakobus gato Alfeus bi pa, Tadeus, Simon gato sok mo yekweke,

Markus 2:14

Yefun Yesus mu wai ket os mone saresa, An me Alfeus bi gan gato gum do Lewi kem mone. Lewi ne, an ye gato nai sugum kadit nje wa pemerintah, sane an kem mo nat gato yé syo sugum nai an ne. Yefun Yesus ki nai Lewi do, ”Nan ma simo Ji et!” Sane Lewi ti, ete an simo Yefun Yesus.

Matius 9:9

Yefun Yesus mu kadit nat ne saresa, An me yetu ge dik yo gato gum do Matius. Matius ré an ye gato nai sugum kadit nje wa pemerintah. Sane an kem mo nat gato yé syo bi sugum nai an ne. Yefun Yesus ki nai Matius do, ”Nan ma simo Ji et!” Sane Matius ti ete simo Yefun Yesus.

Yohanes 21:2

Simon Petrus si Tomas gato yé kendo do, pakwa ne, si Natanael gato bi nat-i mo Kana mo Galilea, si Zebedeus bi gan ge we si Yefun Yesus bi pakon ge we yo o, án ge mufit sum mo em de ne.

Yohanes 11:16

Pakon dik yo gato gum do Tomas waii ki sukdu. Tomas gum bi sukjimnut do, ”Pa kwa we.” Tomas ki nai an bi yesyim, pakon deyo do, ”Men si Yefun mu sino subere men si An kwop mone.”

Yudas 1:1

Ji gato gum do Yudas, gato Yesus Kristus bi pakwerut, gato bi nji mo Yakobus, ji anato krom surat ré wa nin yé gato men bi Ai, Yefun Allah nai sok mo An bi rus-i. Yefun Allah bi sukjimnut sye kas subot nin. Yesus Kristus mewa nin.

Yakobus 1:1

Ji gato gum do Yakobus, ji ben suk wa Yefun Allah si men bi Yekwesu Yesus Kristus. Ji anato krom surat ré wa nin yé gato sok mo Yefun Allah bi rus-i mo bur ré or sino. Ndo mo nin sino.

Galatia 2:9

Ye gato ye bes gum yekwesu mo nu ari, an ka gri gato gum do Yakobus, Petrus si Yohanes, an ka gri jam do, Yefun Allah bes ji wa ji ben Yefun bi suk-i sane anato án ka gri jom syim su ji si Barnabas, we an ka gri si men ka we tepsu dik wa men sino ben Yefun bi suk-i. Sukdu gato men kibot ne, men sino imo, sare do, án ka gri ne mu duno ye Yahudi, wo ji si Barnabas mu duno yewis yi.

Galatia 1:19

Sugane ji ku men bi Yekwesu Yesus Kristus ne bi nji gato gum do Yakobus sor re. Ji yo ku yerasul yi neya nde.

Suk Gato Yerasul Ben Ne 21:18

Bi ik, ete Paulus si men sino mu ku Yakobus. Yekwesu mo nu ari mwa ne sino sum su men mone dom.

Suk Gato Yerasul Ben Ne 12:17

Petrus bes an syim wa nje mone subere yé not, ete jammo an bi sukdu-i. An nuk sukdu subot suk gato Yefun Allah kar an wé kadit penjara ne. Petrus nuk sukdu ne, or an ki o do, ”Nin mu nuk sukdu ne nai Yakobus si ye gato onyar kem mo Yefun Yesus jam sino et.” Petrus ki sane, orge an mu mo pe yi o re.

Lukas 5:27

Orge Yefun Yesus syesyar kadit nu ne mu mo nden. An syesyar sa, An me yetu ge dik yo gato gum do Lewi. Lewi ré an ye gato nai sugum kadit nje wa pemerintah, sane an kem mo nat gato yé syo bi sugum nai an ne. Yefun Yesus ki nai Lewi do, ”Nan ma simo Ji et!”

Suk Gato Yerasul Ben Ne 15:13

An we nuk bi sukdu ne, orete Yakobus waii ki bi sukdu-i, sare do, ”Ji bi nji, nin jammo suk gato ji ki ré et.

Yohanes 14:22

Yudas, gato Yudas Iskariot nde, wo Yudas doyi, an ndo mo Yefun Yesus do, ”Yenggras, men bi Yekwesu, ben sa u anato Nan kadum Nan nggwa nai men sor re, wo Nan yo kadum Nan nggwa nai yetu sino mo bur ré nde ne?”

Yohanes 14:9

Yefun Yesus ki nai Filipus do, ”Ji sisu nin nam it. Filipus, nan jam Ji yo ri nde tó bado? Ye to me Ji it yo, ye ne me Ji bi Ai dom anane it. Sane suma ben anato nan ki do, Ji kadum Ji bi Ai wa nan me ne?

Matius 27:56

Nggon ne deyo gum do, Maria gato bi nat mo Magdala, si Maria gato Yakobus si Yusuf bi im, si Zebedeus bi nggon.

Matius 18:17

Wo ye ne yo jammo yetu ge we yo, ge gri yo ne nde yo, men kibot mo yé mwa gwem mo nu ari. Kom mo rut, ete an yo jammo yé mwa mo nu ari ne nde yo, men misyar an, ete men nutbot an do, an tepsu ye gato jam nde Yefun. Sane dom, men nutbot an o do, an tepsu ye gato ben sukibit sato ye gato nai sugum kadit nje wa pemerintah ne.”

Markus 15:40

Mone nggon ge bok yo kem os syu kadit, nggon ne ndarwa suk mwa gato bor mone dom. Nggon bok gane deyo gum do, Maria gato bi nat mo Magdala, si Maria gato Yakobus dowok si Yoses ne bi im, si Salome.

Lukas 18:10

Sane Yefun Yesus gwat sukamno dik yo. Yefun Yesus ki nai yé gato bes án nggwa kok ne do, ”Yetu ka we mu ki suk su Yefun mo Yefun Allah bi nu. Ye we dik yo ye Farisi, ye we dik yo o ye gato nai sugum kadit nje wa pemerintah.

Lukas 18:11

Ye Farisi ti mone, an ki suk su Yefun Allah, sarewo an ki subot an dakai sare do, ’Ndo mo Yefun Allah, Nan, we ji yo ben sukibit sato ye yi nde. Ji yo gro sye wa suk nde, ji yo syimsi suk nde, ji yo kidar suk nde, ji yo ben siri su nggon yo mo nde. Yé mwa ne ben suk sane, wo ji yo ben suk sane nde. Ji ki ndo mo Yefun Allah, Nan, we ji ré yo ben sukibit tepsu ye gato nai sugum kadit nje wa pemerintah gato ti reya nde.

Lukas 18:13

Sarewo ye gato nai sugum kadit nje wa pemerintah ne, an ti ko gan kadit ye Farisi ne. An yo sok mu nim mo gu nde, an nggo an tunap, we an nderku an nggwa mo sukibit mwa gato an ben ne. An ki do, ’Yefun Allah o, ji anato ye gato ben sukibit mwa. Nan maskwa ji o nde, wo Nan jimnotku ji et.’ ”

Lukas 19:2

Yetu ge dik yo gato gum do Zakheus kem mo kota ne. Zakheus ré gum yesu wa ye gato nai sugum kadit nje wa pemerintah. An ye gato ku suk mwa.

Yohanes 1:48

Natanael ndo mo Yefun Yesus do, ”Ben sa u anato Nan jam ji ne?” Yefun Yesus ki do, ”Filipus yo kendo nan mu nde tó, nan kem mo kwe ara ke ne sa, ji me nan re.”

Yohanes 14:5

Orete Tomas ki nai Yefun Yesus do, ”Yenggras, men bi Yekwesu, men jam nde nat gato Nan mu mone. Sane men jam os gato mu mone sa u ne?”