Matius 1:1 - Abun Scripture

¹ Men krombot Yesus Kristus bi amui. Yesus Kristus bi amui dik yo mo yeraja Daud. Daud waii bi amui mo Abraham. Yesus Kristus bi amui kadit Abraham sor kom mo yeraja Daud anare:

Matius 1:1 Referans Kwoze

Galatia 3:16

Sane Yefun Allah tom suk su Abraham si Abraham bi pa ne do, kadit Abraham bi pa ge dik yo anato Yefun Allah fro os ndo wa yewis mwa ne sino sok mo Yefun Allah bi rus-i. Mo Yefun Allah bi sukdu, ye krom do, Yefun Allah tom suk su Abraham bi pa mwa nde, wo pa gato Yefun Allah tom su ré, pa ge dik sor re. Pa ne anato Kristus.

Roma 1:3

Sukdu subot os ndo ne anato bor mo suk gato Yefun Allah bi Gan, men bi Yekwesu Yesus Kristus ben ne. Men nutbot Yefun Allah bi Gan tepsu yetu it yo, men jam do Pa bi amui mo yeraja ge dik yo gato gum do Daud, ye Israel bi yeraja gato gum kok wai o re.

Wahyu 22:16

”Ji, gato gum do Yesus, Ji anato syogat Ji bi malaikat ma wa kibot sukdu mwa mo buku ré wa ye gato onyar kem mo Ji mo nu ari mo bur ré jam re. Ji anato yeraja Daud bi dat. Ji anato kak os ndo wa yetu tepsu bí ik gato it ben sato kak os wa nombrak ne ma.”

Yohanes 7:42

Mo Yefun Allah bi sukdu yé krom do, Kristus bi amui mo yeraja Daud. Sane bere Kristus si Daud ne sino ontu mo Betlehem, gato Daud bi nat-i ne.”

Suk Gato Yerasul Ben Ne 2:30

Sane Daud gwat sukamno subot an dakai nde, wo Daud anato yenabi dik yo gato gwat sukamno subot yetu ge dik yo o re. An jam suk gato Yefun Allah tom su an ne do, kapyo tak Yefun Allah bes Daud bi pa-i ge dik yo tepsu Yekwesu wa jowa ye Yahudi.

Matius 1:18

Ji krom sukdu subot Maria kem su Yesus Kristus. Yusuf nggorwa Maria nyim wé re, wo an we yo kra nde tó, Maria syimfar re. Yefun Allah Gen anato ben Maria syimfar re.

Roma 9:5

Men ye Israel anato bi amui mo yepasye sato Abraham e, Isak si Yakub. Men bi amui ne anato pe Kristus. Kristus anato Yefun gato jom suk mwa ne sino, men sino un An to kapyo mato kapyo. Sangge.

Roma 4:13

Yefun Allah tom su Abraham si bi wis-i ne sino sare do, ”Suk mwa gato mo bur ré bere sok mo nan si nan bi wis-i o re.” Yefun Allah tom sukdu su Abraham mo gato an benbot ye Yahudi bi sukduno-i nde, wo Yefun Allah tom sukdu su Abraham mo gato Abraham onyar kem mo suk gato Yefun Allah ki ne, anato Yefun Allah ki do, Abraham sa, tep wa sok mo Yefun bi rus-i it.

Matius 15:22

Nggon ye Kanaan gato kem mo bur ne ma ku Yefun Yesus ete saiye do, ”Yeraja Daud bi Dat o, Nan jimnotku ji et. Semda ben ji bi mam, semda jowa ji bi mam krat re, sane sor mom yo ndo o nde.”

Matius 9:27

Yefun Yesus mu kadit nat ne. An mubot os saresa, ye we gato gro ndu boribot An. Ye we ne saiye do, ”Yeraja Daud bi Dat o, Nan dakai jimnotku men et!”

Matius 3:16

Yohanes ras Yefun Yesus mo syur, orete Yefun Yesus mu nden kadit syur. Yefun Yesus mu nden sa, gu ben sato det, ete An me Yefun Allah Gen is ma su kaim sato ndabu ete tom mo An.

Matius 1:2

Abraham nyim, Abraham waii pe Isak, Isak waii pe Yakub, Yakub waii pe Yehuda si bi nji, Yehuda waii pe Peres si Zerah (gato bi im mo Tamar), Peres waii pe Hezron, Hezron waii pe Ram, Ram waii pe Aminadab, Aminadab waii pe Nahason, Nahason waii pe Salmon, Salmon waii pe Boas (gato bi im mo Rahab), Boas waii pe Obet (gato bi im mo Rut), Obet waii pe Isai, Isai waii pe yeraja Daud.

Lukas 1:33

Bere Pa ne jowa yewis ye Israel to kapyo mato kapyo, An jowa nje petok sor.”

1 Timotius 2:5

Yefun Allah ne ka dik sor. Ye gato tepsu yegweswai wa men si Yefun Allah ne ka dik sor. Yegweswai ne gum do Yesus Kristus.

2 Timotius 2:8

Nan bi sukjimnut kem mo Yesus Kristus sor. An anato Daud bi dat. An anato sun kadit sukkwop o re. Yesus Kristus ne kak os ndo wa men yetu ne. Ji duno nje subot os ndo ne