Lukas 9:59 - Abun Scripture

⁵⁹ Yefun Yesus ki nai yetu ge dik yo o do, ”Nan simo Ji et.” Sarewo ye ne ki do, ”Yenggras, ji mu bi ji bi ai mo makwe orete yo, ji simo Nan.”

Lukas 9:59 Referans Kwoze

Matius 16:24

Orete Yefun Yesus ki nai bi pakon ne do, ”Ye to iwa simo Ji it yo, ye ne yo iwa ben suk ket an mit-i ne o nde, wo an ben Ji bi suk-i sor, an tepsu ye gato sam an bi kwesukwin, kapre an ku sukye mone, an kwop o, an mbau o, an simo Ji petok sor.

Matius 6:33

Sane, nin bi sukjimnut sye mo suk mwa ne nde, wo nin werwa subere nin bi sukjimnut sye wa nin jammo Yefun Allah tepsu nin bi Yekwesu, ete nin ben sukndo tepsu Yefun mit sor. Sane bere Yefun syo suk mwa gato nin mitmo ne nai nin dom re.

Matius 9:9

Yefun Yesus mu kadit nat ne saresa, An me yetu ge dik yo gato gum do Matius. Matius ré an ye gato nai sugum kadit nje wa pemerintah. Sane an kem mo nat gato yé syo bi sugum nai an ne. Yefun Yesus ki nai Matius do, ”Nan ma simo Ji et!” Sane Matius ti ete simo Yefun Yesus.

Lukas 9:60

Yefun Yesus ki nai ye ne do, ”Nan misyar ye gato jam nde Yefun gato bi sukjimnut kwop ne dakai mu bi yekwop mo makwe sor. Wo nan simo Ji, nan mu ki nai yé mwa do, ’Yefun Allah ma jowa men tepsu men bi Yekwesu it anare.’ ”