Lukas 9:33 - Abun Scripture

³³ Ye we ne do mu kadit Yefun Yesus sa, Petrus ki nai Yefun Yesus do, ”Yeguru o, men ka gri si Nan ma more anato ndo. Men nggo nu ti ke gri et, dik yo wa Nan, dik yo o wa Musa, dik yo o wa Elia” (Petrus ki sane, sarewo Petrus ki bi sukdu-i daret, an yo nutbot ndo nde.)

Lukas 9:33 Referans Kwoze

2 Korintus 4:6

Yefun Allah ki bi sukdu-i do, ”Nyot rer ku pe gato ndendu ne et,” sane Yefun Allah anato tepsu rer gato ku men mit re, anato men tepsu An bi pakwerut. Rer ne ku men mit, ete kak men bi sukjimnut subere men jam Yefun Allah bi suktinggi gato bor mo Yesus Kristus sugato An gwat os be ne ma.

Yohanes 14:8

Filipus ki nai Yefun Yesus do, ”Yenggras, Nan kadum Nan bi Ai nai men me subere men yo nutbot o nde.”

Lukas 5:5

Simon ki nai An do, ”Yenggras, noru gado sor kom mo nombrak, men bare mwi ware, men yo ku boge yo mo nde. Sarewo yenggras, Nan syogat ji bare mwi o yo, ji bare mwi satu sor.”

Markus 10:38

Sarewo Yefun Yesus ki nai an we do, ”Nin ka we jam nde suk gato nin ka we ndekwa ne. Nin ka we fro nggwa wa nin ka we ku sukye tepsu sukye gato bere Ji ku ne, bado? Ji ré, Ji ben Yefun Allah bi suk-i anato bere yé gu Ji kwop mone. Te nin ka we iwa ben Yefun Allah bi suk-i kapre yé gu nin kwop mó dom bado?”

Matius 17:14

Yefun Yesus si bi pakon ka gri ne satu ma ku yé mwa sa, yebris ge dik yo ma ku Yefun Yesus, ete an tu an umsu mo Yefun Yesus gwem,

Matius 17:4

Sane Petrus ki nai Yefun Yesus do, ”Yenggras o, men ka gri si Nan ma more anato ndo. Nan imo yo, ji nggo nu ti ke gri et, dik yo wa Nan, dik yo wa Musa si dik yo wa Elia.”

Lukas 9:34

Petrus ki suk saresa, duk is ma kewa án sino. Duk ne do is kewa án sa, Yefun Yesus bi pakon ka gri ré nyu ndo nde,

Lukas 9:49

Yohanes ki nai Yefun Yesus do, ”Yeguru, men me yetu ge dik yo syun semda ge bok yo wé, an ki gum su Nan gum. Sane men duyawa ye ne do, ’Nan ki gum su Yefun Yesus gum wa syun semda o nde, we nan yo sisu men nde.’ ”