Lukas 9:31 - Abun Scripture

³¹ Musa si Elia ne, an we kaim rer-rik dom. An we nuk sukdu su Yefun Yesus mone. An we nukbot kam gato bere yé gu Yefun Yesus kwop mo Yerusalem. Bere su kam gane Yefun Yesus benbot suk gato Yefun Allah fro wa An ben ne.

Lukas 9:31 Referans Kwoze

Filipi 3:21

Yesus Kristus nggi wai o re. Suk mwa mo gu nim ne si bur ré jammo An it. Sane bere Yesus Kristus win men kaim-i gato budat ré tepsu An dakai kaim-i gato gesyos, gato ndo wai ne o re.

2 Petrus 1:15

Sane ji werwa ji ben sa u, subere, ji do kwop it yo, nin ku os wa nin napawa sukdu gato ji krom more petok sor.

1 Petrus 5:10

Nin ku sukye mone bergan sor re, orete yo, Yefun Allah dakai nai nin wé kadit sukye subere nin kem ndo kadit sukye gato nin ku ne o re. Yefun Allah ben An bi suk-i ndo su men dakai yi sor, sane bere Yefun ben nin onyar kem mo An nggi wai o. Bere Yefun ben nin bi sukjimnut kem mo An nggi wai o. Bere Yefun ben nin bi sukjimnut yo kas ram kadit An o nde, wo kem pe mo An sor. Nin tepsu Kristus bi yetuge-i ne anato Yefun Allah fro nin subere nin ku suk gato ndo wai mo Yefun bi nat-i to kapyo mato kapyo.

Wahyu 7:14

Ji ki do, ”Yenggras, nan dakai jam re.” Sane yenggras ne ki nai ji do, ”Yé mwa ré ku sukye ndo nde, ete án ti fro kadit sukye ne re. Ben sato yé mwa ne mus án bi san su Domba Gan dé anato án bi san ne kwo ndo re.

Kolose 3:4

Kristus anato kak os wa nin anato nin kem ndo. Sane An satu ma mo bur ré yo, bere Yefun Allah bes nin si An gum kok sino.

2 Korintus 3:18

Sane su ré san det yo kewa men ye Kristen o nde. Yefun Allah Gen bi suktinggi gato rer kas ma pet tok men orete yo, suktinggi gato rer ne waii kas kadit men o, suktinggi ne waii mu tok ye yi neya dom. Or o, Yefun Allah Gen ne bi suktinggi gato rer ma mo men ne, anato ben men win men bi sukjimnut wokgan wokgan sane sane sor, kom mo rut yo, men bi sukjimnut-i tepsu Yefun bi sukjimnut-i ne or re. Suktinggi ré ma kadit Yefun Allah Gen gato tepsu men bi Yekwesu.

Yohanes 1:29

Bi ik, ete Yohanes me Yefun Yesus ma mo an. Orete Yohanes ki do, ”Nin me Ye ré. An anato tepsu Domba Gan gato Yefun Allah syogat ma mo bur ré wa tot suktot mo sukibit gato men ben ne wé.

Lukas 9:22

Yefun Yesus ki o do, ”Yetu bi Pa to Ji ré, gato Yefun Allah syogat ma kadit gu ne, bere ye Yahudi bi yepasye, yekwesú mo Yefun Allah bi nu si ye Yahudi bi yeguru agama ne, án sino bariwa Ji or re, ete án ben sukye nai Ji ket kwayo-kwayo. Bere yé gu Ji kwop, sarewo kom mo kam we rek, bere Yefun Allah sun Ji kadit sukkwop o re.”

Lukas 9:30

Sugane pakon ka gri ne gensu yetu ge we bor mone. An we ne gum do Musa si Elia.

Ibrani 11:22

Yusuf onyar kem mo Yefun Allah, sane anato karowa Yusuf kwop rok, an ki sukdu subot kam sari ne ma do, bere ye Israel mu kadit bur Mesir. Orete an ki sukdu kwa dik yo o sare do, an tom su nje mone do, su kam sari ne ma, ye Israel do mu kadit bur Mesir it yo, ye Israel ne gwat an dini mukri ne mu kadit pe ne dom et.