Lukas 8:9 - Abun Scripture

⁹ Yefun Yesus bi pakon ndo mo Yefun Yesus do, ”Nan ki rer subot sukamno ne et, men yo jam ri nde tó.”

Lukas 8:9 Referans Kwoze

Markus 4:10

Yefun Yesus mu kadit yé mwa ne sa, Yefun Yesus bi pakon ge musyu dik sop we si ye yi gato simo Yefun Yesus ndekwa An ki rer subot sukamno gado ne.

Matius 13:18

”Sukamno subot ye gato am mbet gro ne bi sukjimnut mó, nin jam et.

Matius 13:10

Orete Yefun Yesus bi pakon ma ku An, ete ndo mo An do, ”Suma ben anato Nan duno nje su sukamno petok sare ne?”

Yohanes 15:15

Su ré Ji yo kendo nin gum pakwerut o nde, we pakwerut yo jam suk gato an bi yenggras ben ne nde. Wo Ji kendo nin tepsu Ji bi yesyim, we suk mwa ne sino gato Ji jam kadit Ji bi Ai ne Ji frot nai nin jam or re.

Markus 4:34

Yefun Yesus duno yé mwa ne yo, Yefun Yesus duno nje su sukamno sor re. Wo Yefun Yesus si An bi pakon-i wadigan kem yo, An nuk sukamno bi sukjimnut ne sino rer nai An bi pakon jam.

Matius 15:15

Petrus ki do, ”Nan kibot sukamno subot sugit ne rer wa men jam et.”

Matius 13:36

Yefun Yesus mu kadit yé mwa mone, ete An sok mo nu mit sa, An bi pakon ma ki nai An do, ”Nan ki subot sukamno subot es gato ye am mo nggwe mbet ne, men jam rer et.”