Lukas 8:33 - Abun Scripture

³³ Sane semda mwa ne sombok wé kadit yebris ne, orete semda mu bok nggwa mo jot mwa ne. Semda ben jot mwa ne sa, jot mwa ne sino kas ket kwoye mu ges ngga mo em mit, ete jot mwa ne mbon or sino.

Lukas 8:33 Referans Kwoze

Wahyu 9:11

Yoi bi yekwesu anato malaikat ge dik yo. Malaikat ne yekwesu mo kwoye sye mo bur desnak ne dom. Su a Ibrani malaikat ré gum do, Abadon. Su a Yunani malaikat ré gum do Apolion (gato bi sukjimnut do, ”Ye gato ben yetu ibit”).

1 Petrus 5:8

Nin kem su nin fra et. Nin fro nin nggwa petok sor. Biris bi yekwesu iwa ben sukibit nai nin. Biris bi yekwesu muya-muma sato suge krok gato mise, gato gum do singa. Biris bi yekwesu ne meret yetu ge dik yo wa ben an sukye nai, tepsu suge singa sok suge dik yo wa an gu kwop, ete an git.

Yohanes 8:44

Nin bi ai anato biris bi yekwesu. Nin iwa nin ben suk tepsu nin bi ai mit sor. Kadit ketke it, nin bi ai ne anato gu nje kwop. Nin bi ai bariwa suk gato sangge sino, we mo an mit suk gato sangge yo mo nde. Biris bi yekwesu ne do kidar suk yo, an ki an bi sukdu-i sagana anane, we an anato kidar suk nggi. Sukkidar mwa ne sino bi i-ke mo biris bi yekwesu re.

Matius 8:32

Sane Yefun Yesus ki do, ”Nin mu se!” Sane semda ne sombok kadit ye we ne ete mu bok nggwa mo jot, or semda ne ben jot mwa ne sino kasbot kwoye mu ges ngga mo em mit, ete mbon re.

Lukas 5:1

Yefun Yesus mubot bur Yudea ne sa, wam dik yo Yefun Yesus ti mo Em Genesaret de. An ti mone saresa, yé mwa ma ete buk yu gat Yefun Yesus. Yé mwa ne iwa jam Yefun Allah bi suktaru gato Yefun Yesus ki ne.

Lukas 8:32

Karowa pe ne jot yaino, jot mwa yé re git sugit mo bobuk de. Sane semda mwa ne ndek gat Yefun Yesus do, ”Nan imo yo, Nan syogat men mu bok nggwa mo jot yaino ne et.” Yefun Yesus imo sukdu gato semda ki ne.

Lukas 8:34

Yetu ge bok yo gato mewa jot ne, án me jot mwa ne mbon sa, án titi mu ki sukdu ne frekbot nje mo kota si nat bok yo gato karowa mone.