Lukas 8:20 - Abun Scripture

²⁰ Sane yetu ge dik yo ki nai Yefun Yesus do, ”Nan bi im si Nan bi nji ti mo nden, án iwa ku Nan.”

Lukas 8:20 Referans Kwoze

Galatia 1:19

Sugane ji ku men bi Yekwesu Yesus Kristus ne bi nji gato gum do Yakobus sor re. Ji yo ku yerasul yi neya nde.

1 Korintus 9:5

Yerasul yi sato Petrus si Yefun Yesus bi nji do mubot os yo, án bi nggon gato onyar kem mo Yefun Yesus si án mu sino. Suk gato Petrus si yerasul yi ben ne anato ndo. Wo, ji do bi nggon gato si ji mubot os yo, bere yé ki ji gum ibit mone wa suma ne?

Suk Gato Yerasul Ben Ne 1:14

Án sino tepsu dik wa ki suk su Yefun petok sor. Nggon ge bok yo dom mone, sisu Maria gato Yefun Yesus bi im, sisu Yefun Yesus bi nji, án sino ki suk su Yefun petok sor.

Markus 6:3

Ye ré, An ye gato jam ben suk su kwe sato meja e, kursi e ne. An jam sukduno mwa ne sa u ne? Ye ré, An Maria bi gan, fe! An bi nji anato Yakobus e, Yoses e, Yudas si Simon fe! Anga bi nyanggon ge bok ne si men kem more sino fe! Ye ré, An nut do An bes An nggwa tepsu yepasye ete An ma more, ete An duno men bado?” Sane yé mwa mone bariket Yefun Yesus re.

Lukas 8:19

Or o Yefun Yesus bi im si An bi nji ma wa ku An, sarewo án yo bi os wa án ma karowa Yefun Yesus nde, we yé mwa mone buk mo yu teker ware.

Lukas 8:21

Sarewo Yefun Yesus ki nai yé mwa mone do, ”Ye to jammo Yefun Allah bi sukdu ete benbot sukdu ne yo, ye ne anato tepsu Ji bi im e, Ji bi nji si Ji bi nyanggon e ne.”