Lukas 8:12 - Abun Scripture

¹² Mbet gro gato ges mo os mit ne anato tepsu yé gato jam Yefun Allah bi sukdu ne, sarewo biris bi yekwesu ma nai sukdu ne wé kadit án mit or re, subere án yo jammo Yefun bi sukdu ne nde. Sane án yo ku os wa án kem ndo to kapyo mato kapyo nde.

Lukas 8:12 Referans Kwoze

Wahyu 12:9

Mikhael si bi malaikat-i am naga sye ne wé kadit gu re. Naga gane anato tepsu kwis kadit nyim tuya gato gum do biris bi yekwesu. Yé kendo biris bi yekwesu ne gum do Iblis dom. Naga gane ben kidar yetu mwa mo bur ré ges mo os ibit. Orete Mikhael si bi malaikat-i am naga sye ne si bi malaikat-i sino mu is kadit gu ma mo bur ré re.

Markus 4:15

Mbet gro gato ges mo os mit ne anato tepsu yé gato jam sukdu ne, sarewo án yo but nde, wo biris bi yekwesu ma ete nai sukdu ne wé kadit án mit or re.

Matius 13:19

Mbet gro gato ges mo os mit ne anato tepsu ye gato jam sukdu subot os ndo gato Yefun Allah fro wa An tepsu men bi Yekwesu, sarewo án yo but nde, wo biris bi yekwesu ma ete nai sukdu ne wé kadit án mit or re.

Lukas 8:5

”Wam dik yo, yetu ge dik yo mu am mbet gro mo bi nggwe. An do am mbet gro mo nggwe sa, deyo ges mo os. Mbet gro ges mo os ne sa, yé muket os ne, yé yakos mbet gro ne, ete ndam ma git or re.

Matius 13:4

An do am mbet gro mo nggwe sa, deyo ges mo os, ete ndam ma git or re.

Lukas 8:11

”Sukamno subot ye gato am mbet gro ne bi sukjimnut mó, sare do: mbet gro anato tepsu Yefun Allah bi sukdu.

Lukas 8:13

Mbet gro gato ges mo bur ka gato jok mwa ne anato tepsu yé gato jam Yefun bi sukdu ne ete án nai Yefun bi sukdu ne mo án mit. Diksim án iwa, sarewo sukdu ne yo kem pe mo án mit nde, tepsu mbet gro ne i-brot yo kom mo jok nde. Diksim án jammo sukdu ne, sarewo bergan sor suk yo do tik án mit wa án ges mo os ibit yo, án misyar sukdu ne or re.