Lukas 6:48 - Abun Scripture

⁴⁸ Ye ne anato tepsu ye gato jam suk, ete an nggo an bi nu mo jok. An rom bur wak kru mu kom mo jok mo bur, ete an syut kwedi mo jok gato krat mone. Nu ne an nggo krat mo jok, sane syur syé do ma pet mo nu ne yo, nu ne yo e nde.

Lukas 6:48 Referans Kwoze

Yudas 1:24

Yesus Kristus ete nggiwa mewa nin kadit nin ges mo os ibit. An ete nggiwa gwat nin ma kem mo Yefun Allah gato gum kok ne gwem. Mo An bi nat-i gato ndo wai ne sukibit yo ut mo nin o nde, bere nin mit at wa sor.

Efesus 2:20

Yefun Allah bi suktaru gato yerasul si yenabi ki ne anato tepsu i-ke wa men. Suktaru ne ben sato pondasi mo nu dik yo, ete Yesus Kristus anato tepsu jok gato nggi wai wa jom nu ne.

1 Yohanes 2:28

Sane ji kiwa nin, ji bi pá nin do, nin si Kristus tepsu dik petok sor, subere su kam gato An satu ma ne yo, bere nin ku An tepsu nin bi yesyim, bere nin damen wa An nde.

2 Timotius 2:19

Sarewo Yefun Allah bi sukduno-i kem pe kadit ketke. Yetu yo nggiwa rus sukduno kwa wokgan yo wé dom nde. Yefun Allah bi sukduno-i tepsu nu bi pondasi gato ye ut mo bur ketke wa ye syut kwedi mó. Mo pondasi mo bur ne ye krom do, ”Yefun Allah jam ye gato sok mo An bi rus-i.” Ye krom o do, ”Ye gato ki rer do, sangge an sok mo Yefun Allah bi rus-i yo, an kwet kadit sukibit mwa gato an ben suga nyim ne wé et.”

2 Petrus 1:10

Sane, ji bi nji ji bi nyanggon gato onyar kem mo Yefun Yesus, men wergat men nggwa nggi o et, subere suk gato Yefun Allah iwa men ben ne, men ben pe sor. Sane dom, men yé gato Yefun Allah fro suga nyim wa An nai sok mo An bi rus-i, An jam nyim wé re, sane men werwa men ben men bi suk-i tepsu Yefun Allah bi pá-i petok sor. Men ben sane it yo, bere men yo mu brek kadit Yefun Allah bi os-i nde.

Yohanes 16:33

Ji ki sukdu mwa ne nai nin jam subere nin kwabom kam mo Ji, ete nin kem not, nin nyuwa suk yo nde. Mo bur ré nin ku sukye mwa. Sarewo Nin nyuwa nde, we Ji sa, Ji nggi wai kadit biris bi rus-i gato ben sukibit mo bur ré re.”

Lukas 6:47

Ye gato ma mo Ji, ete jammo Ji bi sukdu-i, orete benbot sukdu ne yo, ye ne ben an bi suk-i tepsu nje mo sukamno ré:

Lukas 6:49

Sarewo ye gato jam sukdu gato Ji ki ré, ete an yo benbot nde yo, ye ne tepsu ye gato jam nde suk, ete an nggo an bi nu mo bur sor re, nu ne yo krat nde. Sane syur syé do ma pet mo nu ne yo, nu ne e gwa mo bur sor, ete syur gu mu re, nu ne ibit or re.”