Lukas 6:42 - Abun Scripture

⁴² Nin ki nai nin bi nji do, ’Pa nji, ji kwa sukkwik kadit nan gro et.’ Sarewo kwemuk gato yawa nin dakai gro-i ne nin yo me nde wa suma ne? Nin tepsu ye gato ki suk su nin syokwet wik ko re go! Nin nai kwemuk ne wé kadit nin dakai gro-i et, subere nin gro-i rer, orete nin kwa sukkwik ne wé kadit nin bi nji gro-i ne.”

Lukas 6:42 Referans Kwoze

2 Petrus 1:9

Sarewo men yo ben men bi suk-i sane nde yo, bere men tepsu ye gato gro ndu, men yo me suk sisu ndo nde, ete men mbrinket do, sukibit gato men ben suga nyim ne, Yefun Yesus tot or wé kadit men re.

2 Timotius 2:21

Ye gato mewa nggwa kadit an ben sukibit mwa neya, an tepsu mbem gato tep wa yepasye git mone. Ye gato mewa nggwa sane, an tepsu an bi yenggras bi suk-i gato yenggras grem wa ben suk gato ndo su. Yenggras ne grem ye ne kem ndek sane sor yenggras ne iwa ben suk gato ndo, ete yenggras nai ye ne wa ben suk ne.

2 Korintus 5:18

Yefun Allah fro os wa men subere men anato ye gato be. An syogat Kristus ma mo bur ré kak os wa men si Yefun kem ndo su yu. Or o, Yefun Allah syogat men mu ki subot os be gato Yesus Kristus kak ne nai ye yi neya jam, subere yé ne si Yefun Allah kem ndo su yu dom.

Roma 2:1

Sane ji bi nji, ji bi nyanggon, ben sa u anato nin kiket ye yi gum mo sukibit gato án ben ne? Nin kiket ye yi gum daret mo sukibit gato án ben ne nde, we nin kiket án gum ibit mone, ete nin dakai ben sukibit tepsu án ben ne yo, bere tepsu nin dakai kiket nin dakai gum ibit mone dom.

Suk Gato Yerasul Ben Ne 13:10

”Nan anato biris bi yekwesu bi pa-i, nan duwer nje mo suk mwa gato ndo ne bu. Nan kidar suk nggi, nan ki suk nan brek nden we. Yefun Allah bi sukdu ne sangge, wo nan ki do, sukdu ne ye kidar kaii, nan ki do, sukdu ne yo sangge nde. Yefun fro os ndo wa men yetu, sarewo nan duyawa os ne bu wa suma ne?

Suk Gato Yerasul Ben Ne 8:21

Nan bi nan nggwa mo Yefun Allah sisu sangge nde tó, sane nan si men ka we ak syim mo nje nde, nan si men ka we ben suk sino nde.

Suk Gato Yerasul Ben Ne 2:38

Petrus ki do, ”Nin kadik-kadik nai sukjimnut do, nin kwet kadit sukibit gato nin ben ne, ete nin jammo Yefun et. Orete nin ma, nin bi nggwa wa men ras nin kadik-kadik mo syur sisu Yesus Kristus gum, tepsu nin gum sok mo Yesus Kristus bi nje-i mone it. Sane bere Yefun Allah yo maskwa nin mo sukibit mwa gato nin ben ne o nde, wo An tot sukibit ne wé kadit nin re. Orete Yefun Allah syo An Gen bok nggwa mo nin.

Lukas 22:32

Sarewo Simon, Ji ndek Yefun Allah wa ós nan, subere nan onyar kem pe mo Ji mo sukye ne, subere nan misyar Ji nde. Kapre nan ges mo os ibit mo sukye ne yo, bere nan kwet kadit, ete nan duno nan bi nji mo Yefun Allah bi rus-i, subere án onyar kem mo Ji nggi wai kadit nyim ne o re.”

Lukas 13:15

Orge Yefun Yesus ki do, ”Nin ki su nin syokwet sor re, nin yo benbot nin bi sukduno-i nde. Nin dom, ben suk su kam sye. Nin kadik-kadik sombok nin bi suksi, nin gwat mu meret syur su kam sye, fe?

Matius 26:75

Petrus napakom sukdu gato Yefun Yesus ki nai an ne do, ”Ndam kokor yo ke nde tó, nan rewa Ji wam gri re.” Orete Petrus syesyar mu nden, ete an wo ndo nde.

Matius 7:3

Suma ben anato nin ki nin bi nji mo sukkwik wokgan mo an gro-i, sarewo nin misyar kwemuk gato yawa nin gro-i ne?

Matius 7:4

Nin ki nai nin bi nji do, ’Ji kwa sukkwik wé kadit nan gro et.’ Wo nin dakai gro-i kwemuk kewa re, ete nin ki sane bere sa u ne?

Lukas 6:41

Suma ben anato nin ki nin bi nji mo sukkwik wokgan mo an gro-i, sarewo nin misyar kwemuk gato yawa nin gro-i ne?

Lukas 6:43

”Kwe gato kom ndo, bere yo bo ibit nde. Sane dom kwe gato kom ibit, bere yo bo ndo nde.