Lukas 6:35 - Abun Scripture

³⁵ Nin ben sukndo su ye gato ben sukndo su nin sor nde, wo nin jimnotku yeko gato ma wa gu nin, nin ben sukndo su ye gato bariwa nin ne dom et. Nin syo suk nai ye gato ndek suk mo nin sor. Bere ye ne syo suk ne satu o bado, yo syo nde yo, nin nutbot o nde. Sane, nin do ben sukndo su ye gato ben sukibit nai nin sane it yo, bere Yefun Allah syo suk mwa gato ndo nai nin, bere suk gato nin ben ne kadum do, nin anato Yefun Allah gato gum kok sye wai ne bi pá-i. Nin ben nin bi suk-i tepsu Yefun Allah ben ne, we Yefun Allah ben sukndo su ye gato ben sukibit si ye gato misyar An dom.

Lukas 6:35 Referans Kwoze

Yohanes 13:35

Nin bi sukjimnut sye kas subot yu sane it yo, bere yé mwa ne sino jam do, nin sa, nin anato Ji bi pakon ne.”

2 Korintus 8:9

Men jam do men bi Yekwesu Yesus Kristus ben An bi suk-i ne ndo dakai yi su men, men yo ben suk yo nyim wa An nde. An tepsu yepasye gato bi suk mwa. An da bi suk mwa, sarewo An ma mo bur ré sa, An bi sukjimnut sye kas subot men yetu anato An ben An nggwa tepsu ye gato yewa suk, subere An kak os ndo wa men, subere ri ma, men ku os wa men ku suk mwa mo Yefun Allah bi de-i o re.

Yohanes 15:8

Nin do ben suk mwa gato ndo, tepsu bo mwa gato kom yo, nin tepsu Ji bi pakon gato sangge, ete bere yé bes Ji bi Ai gum kok sye wai o mone re.

Suk Gato Yerasul Ben Ne 14:17

wo Yefun Allah kadum An nggwa nai men sare do: An ben sukndo su men, An syo nogi is ma kadit gu, suk gato men jan, An ben kom sisu ndo, An syo sugit mwa nai men, ete An ben men mit iwa suk mwa ne.”

Lukas 1:32

Bere Pa ne gum yepasye, bere yé kendo An do, Yefun Allah gato gum kok sye wai ne bi Gan. Bere Yefun Allah, Ye gato gesyos, bes Pa ne gum Yekwesu wa An jowa nje mwa, tepsu yeraja jowa nje mwa, sato An bi amui, yeraja Daud ne.

Markus 5:7

ete an saiye nggi do, ”Yesus, Yefun Allah gato gum kok sye wai ne bi Gan, Nan ma ku ji wa suma ne? Nan tom su ji, Nan syo syim ete Nan ki Yefun Allah gum su do, Nan yo ben sukye nai ji nde.” (

Matius 5:9

Ye gato tepsu yegweswai, ye ne mit at wa, we bere Yefun Allah kendo an gum tepsu Yefun bi pa.

Lukas 6:36

Nin ben nin bi suk-i tepsu men bi Ai, Yefun Allah ben ne et! An yo ben suk su nin tepsu sukibit gato nin ben su An nde, wo An ben sukndo su nin sor. Sane dom ye yo ben sukibit su nin it yo, nin ben sukibit satu nde, wo nin ben sukndo su ye ne sor.”

2 Timotius 3:2

Su kam ne, bere yetu dakai nutbot án dakai, án nutbot ye yi nde, án gro sye wa sugum, án un án dakai gum mo suk gato án ki ne, án bes nggwa kok, án kabor ye yi, án bariwa jammo án bi yenggras, án jam nde án ki ndo mo ye yi mo suk gato ye ne ben, án bariwa Yefun bi suk-i.