Lukas 6:28 - Abun Scripture

²⁸ Nin ki suk su Yefun Allah subere Yefun ben sukndo su ye gato dufo mo nin. Nin ki suk su Yefun Allah subere Yefun ós ye gato ben sukye nai nin ne.

Lukas 6:28 Referans Kwoze

1 Petrus 3:9

Ye yi ben sukibit ma nai nin yo, nin ben sukibit satu nde. Ye yi kabor nin gum ibit yo, nin kabor ye ne gum ibit satu dom nde, wo nin ndekwa Yefun Allah ben sukndo satu su ye ne sor. Yefun Allah fro nin wa nin ben nin bi suk-i sane, subere Yefun Allah waii ben sukndo su nin dom sagato An tom ne.

1 Korintus 4:12

Men ben suk, men kamba wa men meret suk gato men yewa ne. Yé dufo mo men it yo, men ki suk gato ndo satu nai án sor. Yé do ben sukye nai men it yo, men misyar sor.

Roma 12:14

Men ndek mo Yefun Allah subere An ben sukndo su ye gato ben sukibit nai men. Sangge, men ndekwa Yefun Allah ben sukndo su ye ne. Men dufo mo ye ne nde.

Yakobus 3:10

Kadit men syokwet dik ne men un Yefun si men kabor ye yi sino. Ji bi nji, ji bi nyanggon, men un si kabor nje sino su men syokwet sane nde.

Lukas 23:34

Orge Yefun Yesus ki nai Yefun Allah do, ”Ji bi Ai, yesukmise ré jam nde suk gato án ben ne, sane Nan maskwa án mo sukibit ne nde, Nan misyar sor.” Orete yesukmise ne tik bit wa án wat Yefun Yesus bi san su yu.

Lukas 6:27

Yefun Yesus ki o do, ”Sarewo Ji ki nai nin gato syaretwa Ji bi sukdu sare do, nin ben sukndo su yeko gato ma wa gu nin, nin ben sukndo su ye gato bariket nin et.

Matius 5:44

Sarewo su ré, Ji ki sare do, nin ben sukndo su ye gato ben sukibit su nin, ete nin ki suk su Yefun subere Yefun ós ye gato ben sukye nai nin et,

Suk Gato Yerasul Ben Ne 7:60

Stefanus tu an umsu mo bur, ete an saiye do, ”Yefun, ji bi Yekwesu, Nan syo sukye nai yepasye ré mo sukibit gato an ben nai ji nde. Nan misyar sor.” Stefanus ki or sa, an kwop re.

Lukas 6:35

Nin ben sukndo su ye gato ben sukndo su nin sor nde, wo nin jimnotku yeko gato ma wa gu nin, nin ben sukndo su ye gato bariwa nin ne dom et. Nin syo suk nai ye gato ndek suk mo nin sor. Bere ye ne syo suk ne satu o bado, yo syo nde yo, nin nutbot o nde. Sane, nin do ben sukndo su ye gato ben sukibit nai nin sane it yo, bere Yefun Allah syo suk mwa gato ndo nai nin, bere suk gato nin ben ne kadum do, nin anato Yefun Allah gato gum kok sye wai ne bi pá-i. Nin ben nin bi suk-i tepsu Yefun Allah ben ne, we Yefun Allah ben sukndo su ye gato ben sukibit si ye gato misyar An dom.

Suk Gato Yerasul Ben Ne 14:5

Sane ye Yahudi deyo si yewis yi deyo si an bi yekwesu, án syeret os wa Paulus si Barnabas. Án iwa ben sukye nai Paulus si Barnabas, án iwa am an we ne su jok sane sor an we kwop wé.