Lukas 5:33 - Abun Scripture

³³ Yé ne ki nai Yefun Yesus do, ”Yohanes bi pakon si ye Farisi bi pakon, wam bok yo án ki suk su Yefun sor, án mewa án nggwa kadit sugit yei. Sarewo Nan bi pakon ré, kamdik-kamdik án git sugit sor, án yo ben sato Yohanes bi pakon-i si ye Farisi bi pakon-i ne nde.”

Lukas 5:33 Referans Kwoze

Lukas 20:47

Yeguru ne kidar nggonna subere án nai suk mo nggonna ne bi nu or sino. Sane dom yeguru ne benadi syu, subere yé mwa gato me yeguru benadi sane nut do, yeguru ré sa, ben Yefun Allah bi suk-i sisu ndo, ondewo yeguru ben bi suk-i ibit re. Sane bere Yefun Allah syo sukye gato de wai nai yeguru gane o re.”

Lukas 18:12

Ari dik, ji mewa ji nggwa kadit sugit yei wam we, we ji ki suk su Nan sor. Suk mwa gato ji ku ne yo, ji syo deyo nai Nan, Yefun. Ji ku sugum det musyu dik yo, ji syo det dik yo nai Nan, ji ku det musi.’

Suk Gato Yerasul Ben Ne 9:11

Yefun Yesus ki nai an do, ”Nan mu mo Yudas bi nu-i mo os gato gum do, os ri, orete yo, nan meret Saulus gato bi nat-i mo Tarsus, we Saulus kem mo nu ne. Ré yo, an ki suk su Yefun Allah mone.

Yohanes 3:25

Yohanes bi pakon deyo duwer ye Yahudi ge dik yo subot ye Yahudi bi agama. Ye ne ki do, ye Yahudi yo de syur nde, án fowa sok ari, wo pakon ne bi sukjimnut-i tara re.

Yohanes 1:35

Bi ik o, Yohanes si bi pakon ge we yo kem mo nat ne.

Lukas 11:1

Kam dik yo, Yefun Yesus ki suk su Yefun Allah mo nat dik yo. Yefun Yesus do ki suk or sa, Yefun Yesus bi pakon dik yo ki nai An do, ”Yenggras, Nan duno men subere men jam men ki suk su Yefun Allah sisu ndo et, subere men waii jam men ki suk su Yefun sato Yohanes duno an bi pakon su ne.”

Markus 12:40

Yeguru ne kidar nggonna subere án nai suk mo nggonna ne bi nu or sino. Sane dom yeguru ne benadi syu, subere yé mwa gato me yeguru benadi sane nut do, yeguru ré sa, ben Yefun Allah bi suk-i sisu ndo, ondewo yeguru ben bi suk-i ibit re. Sane bere Yefun Allah syo sukye gato de wai nai yeguru gane o re.”

Matius 23:13

”Nin yeguru agama, bere nin ku sukye. Nin ye Farisi, bere nin ku sukye. Nin ki suk su nin syokwet sor re. Ben sato nin syimwa nusyo subere ye yo ku os wa sok mo Yefun Allah bi rus-i nde. Nin yo sok nde, or o nin ben sukye yawa os wa ye gato iwa sok mone dom. [

Lukas 2:37

Sane Hana kem nggonna sor, Hana kaim sye tepsu kom mo tahun musyu munggwo sop at. Nggonna ré, noru nombrak mom yo mu kadit Yefun Allah bi nu-i nde, mom un Yefun Allah, mom benadi, mom mewa nggwa kadit sugit yei, subere mom ki suk su Yefun.

Lukas 5:32

Ji yo ma mo bur ré wa Ji kendo ye gato nut do, an sa, ye gato ben sukndo ne nde. Ji yo ma wa ye ga sane nde, wo Ji ma mo bur ré wa Ji kendo ye gato ben sukibit, yé ne tepsu yé gato i, subere yé ne brek kadit os ibit, ete jammo Ji et.”

Lukas 5:34

Yefun Yesus ki do, ”Ye konwa yebris si bi nggon kra yu ne te, bere ye syogat yebris ne bi yesyim bok ne mewa án nggwa kadit sugit mone bado? Mo nde!