Lukas 5:29 - Abun Scripture

²⁹ Orge Lewi kon pesta wa Yefun Yesus mo Lewi bi nu. Lewi kendo yé mwa gato nai sugum kadit nje wa pemerintah si ye yi yo o ma sisu Yefun Yesus si bi pakon git sugit sino mone.

Lukas 5:29 Referans Kwoze

Lukas 15:1

Kam dik yo, ete yetu ge bok yo gato nai sugum kadit nje wa pemerintah si yetu ge bok yo gato yé ki án gum ibit, án sino ma wa syaretwa Yefun Yesus ki sukdu.

1 Korintus 10:27

Sane yetu ge dik yo gato jam nde Yefun Yesus kendo men ma si an git sugit, ete men iwa si an git sino it yo, men si an git sugit gato an fro wa men git ne sor. Men bi sukjimnut mo men mit do, ”Men git suge ku gato yé som sukdaret su ne nde,” sane bere siri re, men misyar sukjimnut ne, men ndobot nde, men git sugit ne sor.

Yohanes 12:2

Yé fro sugit ndek Yefun Yesus git mone. Mo nu ne, Lazarus bi nyanggon Marta kon sugit, ete gwat ma. Lazarus si ye gato ma ne kem mone. An si Yefun Yesus git sugit sino.

Markus 2:15

Yefun Yesus mu git sugit mo Lewi bi nu saresa, ye gato nai sugum kadit nje wa pemerintah si yetu ge bok yo gato ye ki án gum ibit ne ma sisu Yefun Yesus si bi pakon sum mone wa git sugit sino, we sugane yé mwa gane simo Yefun Yesus dom.

Matius 9:10

Yefun Yesus git sugit mo Matius bi nu saresa, yé mwa gato nai sugum kadit nje wa pemerintah si yetu ge bok yo gato ye ki án gum ibit ne ma sisu Yefun Yesus si bi pakon sum mone wa git sugit sino.

Matius 5:46

Sane nin ben sukndo su ye gato ben sukndo su nin sor re, bere Yefun syo sukndo nai nin wa suma ne? Ye gato nai sugum kadit nje wa pemerintah da ben sukndo su ye gato ben sukndo su an, sarewo an ben sukibit su yé mwa.

Matius 9:9

Yefun Yesus mu kadit nat ne saresa, An me yetu ge dik yo gato gum do Matius. Matius ré an ye gato nai sugum kadit nje wa pemerintah. Sane an kem mo nat gato yé syo bi sugum nai an ne. Yefun Yesus ki nai Matius do, ”Nan ma simo Ji et!” Sane Matius ti ete simo Yefun Yesus.

Matius 11:19

Yetu bi Pa to Ji ré ma sa, Ji git e, Ji da nau ete yé ki Ji do, ’Ye ré git sugit mwa ndo nde, An rim An syokwa kwo, An yenau, An bi yesyim mo yé gato ben sukibit sato yé gato nai sugum kadit nje wa pemerintah e neya.’ Yé ki sane, sarewo ye gato kem mo bur ré su kam ré jam nde suk. Yefun gato jam suk mwa ne sino fro os gato ndo ne, ete bere yé me os ne bor re, ete yé ki do, sangge, os ne sa, os ndo.”