Lukas 5:1 - Abun Scripture

¹ Yefun Yesus mubot bur Yudea ne sa, wam dik yo Yefun Yesus ti mo Em Genesaret de. An ti mone saresa, yé mwa ma ete buk yu gat Yefun Yesus. Yé mwa ne iwa jam Yefun Allah bi suktaru gato Yefun Yesus ki ne.

Lukas 5:1 Referans Kwoze

Markus 3:9

Yé mwa ndo nde, yé mwa teker ware, sane Yefun Yesus syogat An bi pakon fro kwem dik yo wa An kem mó, sawe yé mwa ne buk yu gat An.

Matius 14:34

Yefun Yesus si bi pakon kom mo em deta sa, án sino is mo bur Genesaret.

Markus 6:53

Yefun Yesus si bi pakon kom mo em deta sa, án nor kwem mo em deta mo bur Genesaret, ete án sino is mone.

Matius 11:12

Kadit kam gato Yohanes duno nje kom mo kam ré, Ji duno nje subere án onyar kem mo Ji ete sok mo Yefun Allah bi rus-i. Yetu mwa o jammo Ji bi sukduno-i, sarewo yé bok yo ma ben sukye nai ye gato brek ete jammo Ji bi sukduno-i ne. Ye Farisi si yeguru gato duno nje su Musa bi sukduno-i ne anato wergat nje subere án misyar Ji bi sukduno-i ne or re.

Lukas 12:1

Ye Farisi si yeguru agama ben bi suk-i sa, yé mwa ye re sum mone wa án me Yefun Yesus. Yetu ge ribu bok yo, yé mwa ne ti buk mo yu. Sane Yefun Yesus yo ki sukdu nai yé mwa ne nde tó, Yefun Yesus ki nai An bi pakon do, ”Nin mewa nin nggwa kadit ye Farisi bi bibit roti-i. Nin mewa nin nggwa subere nin ben suk tepsu ye Farisi ne nde. Ye Farisi duno nje su án syokwet sor, wo án yo benbot án bi sukduno nde.

Markus 5:24

Sane Yefun Yesus si bi pakon si Yairus mu sino. Yé mwa simo Yefun Yesus mu sino mone dom. Yé mwa ne kamas buk mo yu kadit os deyo-deyo.

Lukas 8:45

Yefun Yesus ndo mo yé mwa mone do, ”Je u anato rot Ji ne?” Yé mwa mone rewa re, án ki do, ”Men jam nde.” Orete Petrus ki nai Yefun Yesus do, ”Yenggras, yé mwa ré buk mo yu gat Nan, sane men jam nde.”

Markus 4:1

Wam dik yo o Yefun Yesus duno nje mo Em Galilea de. Mo em de ne, yé mwa teker sum wairi wa Yefun Yesus ware, sane An it mu kem mo kwem dik yo gato nor mo em de ne. Yefun Yesus kem mo kwem mit ne saresa, yé mwa ne ti mo em de.

Lukas 5:2

Yefun Yesus ti mone sa, An me kwem we mo em de. Ye gato sok boge, án bi kwem anane. Án is kadit án bi kwem re, ete án mus án bi mwi mone.

Lukas 8:22

Kam dik yo Yefun Yesus si An bi pakon mo em de, ete Yefun Yesus ki nai An bi pakon do, ”Men it mo kwem, men mu mo em deta et.” Sane, Yefun Yesus si An bi pakon it mo kwem gato nor mone, ete án mu sino.

Lukas 8:23

Án bi win saresa, Yefun Yesus sem re. Sugane nofuf sye is ma ben em nap sok mo kwem mit, bergan kwem mit ne ses su em rom, karowa kwem kru it.

Lukas 8:33

Sane semda mwa ne sombok wé kadit yebris ne, orete semda mu bok nggwa mo jot mwa ne. Semda ben jot mwa ne sa, jot mwa ne sino kas ket kwoye mu ges ngga mo em mit, ete jot mwa ne mbon or sino.

Yohanes 1:40

Pa we gato jam Yohanes ki sukdu, ete simo Yefun Yesus, ge dik yo gum do Andreas, gato Simon Petrus bi nji.

Yohanes 6:1

Kam yo tak o, Yefun Yesus mu mo Em Galilea deta. Em Galilea ne, ye kendo gum dik yo o do Em Tiberias.

Ibrani 13:7

Men napawa men bi yekwesu bok yo gato ki Yefun Allah bi sukdu nai men jam. Suk gato men bi yekwesu ben mo bur ré sor kom mo kam gato án kwop su ne, men nutbot sisu ndo et. Men nutbot suk mwa gato án ben ne, án tepsu ye gato onyar kem mo Yefun. Án nut do, suk gato Yefun Allah ki ne sangge anato án jammo Yefun Allah. Sane men waii benbot suk gato án ben ne dom et.