Lukas 4:35 - Abun Scripture

³⁵ Sane, Yefun Yesus ndantom semda ne do, ”Nan not se! Nan titi wé kadit ye ne tom!” Yefun Yesus ndantom semda ne sa, semda am ye ne ges gwa mo bur mo yé mwa gwem, orete semda titi wé kadit ye ne. Semda ne titi wé sa, semda yo gu ye ne kaim yó nde re.

Lukas 4:35 Referans Kwoze

Lukas 4:41

Yé mwa gato semda ben ne dom, semda gane titi wé kadit yé mwa ne. Semda ne titi wé saresa, semda saiye do, ”Nan anato Yefun Allah bi Gan.” Sarewo Yefun Yesus ndantom semda ne. Yefun Yesus duyawa semda ne do, ”Nin du o nde,” we semda ne jam do, Yefun Yesus anato Yekwesu gato Yefun Allah syogat ma mo bur ré wa nai men yetu kadit sukye ete jowa men.

Lukas 4:39

Sane Yefun Yesus mu me nggongras mo pe gato mom sem mone. Yefun Yesus tibot nggongras ne, ete Yefun Yesus syogat suki ne sombok wé kadit nggongras. Yefun Yesus ki bi sukdu-i sa, nggongras kaim dek satu re. Nggongras ne ge re, sane mom sun, mom gwat sugit si syur wa nje mone git.

Matius 8:26

Yefun Yesus ki do, ”Nin nyu wa suma ne? Mban! Nin yo onyar kem ri mo Ji nde tó go!” Yefun Yesus ki sane, orete An sun, An syogat nofuf ne not, An syogat em gato nap ne kro. Sugane it, em si nofuf ne kro re.

Wahyu 12:12

Sane, nin yé mwa gato kem mo gu ne sino, nin mit at wa et. Sarewo nin yé gato kem mo bur ré si sem mit ne, bere nin ku sukye ndo nde, we biris bi yekwesu is mu kom mo nin bi nat-i re. Biris bi yekwesu maskwa ndo nde, we an jam do, yo nam nde, bere an yo ku os wa ben kidar yetu ges mo os ibit o nde.”

Lukas 11:22

Sarewo ye gato nggi wai kadit an do ma ben sukndi su an, ete gu an yo, an bi sukmise, gato an kwabom kam mone, ye gato nggi wai ne nai wé kadit an. Orete ye gato nggi wai ne nai an bi suk mwa mo nu mit ne, orge ye ne si bi yesyim syo yu su. {Sane Ji dom anato nggi wai kadit biris bi yekwesu ne, anato Ji nggiwa Ji syun semda wé kadit nje.}

Lukas 9:42

Ye do gwat pa ne ma mo Yefun Yesus sa, semda ne ben pa ges gwa mo bur, semda ben pa kokro. Sarewo Yefun Yesus ndantom semda ne subere semda ne sombok wé kadit pa ne. Sane Yefun Yesus ben pa ne ge re, orete Yefun Yesus top pa ne satu mo pa bi ai.

Lukas 9:39

Semda ben ji bi pa re. Semda do ben pa ne yo, pa saiye dakai daret. Semda et pa kaim mo bur, pa dipa mo bur sane sor, an syokwet bre. Semda ne ben ji bi pa ibit gat sor. Semda ben ji bi pa petok sor, semda yo sombok wé kadit pa nde re.

Lukas 8:24

Sane Yefun Yesus bi pakon sun An, ete pakon ne ki do, ”Yeguru, bergan kwem kru su men it anare.” Yefun Yesus sun, ete An syogat nofuf gato kas nggi ne not, An syogat em nap gato sye ne kro. Yefun Yesus do ndantom nofuf si em nap ne sa, nofuf yo kas o nde, em nap ne dom kro re, em ne kro or re.

Markus 9:26

Semda ne saiye nggi, ete semda ne ben pa ne kaim kokro, pa gro kakwo kas, orge semda ne syesyar kadit pa ne. Semda syesyar kadit pa ne sa, pa yo ram o nde, ben sato pa kaim tepsu yekri mukri. Sane yé mwa ne ki do, ”Pa ne kwop it anare.”

Markus 1:26

Orge semda ne ben ye ne tetet wai o re. Semda ne saiye nggi, orete semda ne titi wé kadit ye ne.

Matius 17:18

Yefun Yesus ndantom semda ne sombok wé kadit pa ne. Sugane pa ge re.

Markus 4:39

Yefun Yesus sun, An syogat nofuf gato kas nggi ne kro, ete An ndantom em nap do, ”Nan not se! Em nap, nan kro et!” Yefun Yesus ki sukdu ne, orete nofuf yo kas o nde. Em nap ne dom kro re, ndo satu it anane.

Lukas 4:23

Yé mwa yeket Yefun Yesus mone, sane Yefun Yesus ki nai yé mwa ne do, ”Ji jam do, bere nin ki sukamno dik yo nai Ji sare do, ’Yewon bam, nan dakai kwa nan dakai ge sor.’ Sane suk gato men jam ye nukbot mo Kapernaum ne gato ben yé yeket mone, Nan waii ben mo Nan bi nat-i more dom et.”