Lukas 3:3 - Abun Scripture

³ Sane Yohanes mubot nat mwa mo Syur Yordan ne sino. Yohanes kibot Yefun Allah bi suktaru mone, an ki nai nje gato ma mo an do, ”Nin kwet kadit sukibit gato nin ben ne, nin jammo Yefun, ete nin ma wa ji ras nin mo syur subere Yefun Allah yo maskwa nin mo sukibit mwa gato nin ben ne o nde, tepsu An tot sukibit ne wé kadit nin re.”

Lukas 3:3 Referans Kwoze

Lukas 1:77

Bere nan ki nai men yé gato sok mo Yefun Allah bi rus-i subot os ndo gato Yefun Allah fro subere nai men wé kadit sukye, ete men kem ndo to kapyo mato kapyo. Bere nan ki rer nai men subere men jam do, Yefun Allah yo maskwa men mo sukibit gato men ben ne o nde, Yefun yo nutbot o nde, anato An ós men kem gesyos.

Suk Gato Yerasul Ben Ne 22:16

Ré yo, nan eswa suma o ne? Nan sun et! Nan bi nan nggwa wa ye ras nan mo syur se! Nan ndekwa Yefun Yesus subere An nai nan wé kadit sukye gato bere nan ku mo sukibit mwa gato nan ben ne.’ ”

Suk Gato Yerasul Ben Ne 19:4

Sane, Paulus ki do, ”Yohanes duno nje subere án kwet kadit sukibit gato án ben ne, orete Yohanes ras án mo syur. Yohanes waii duno án o subere án ben sukibit o nde, wo án jammo Ye gato boribot Yohanes. Ye gane gum do Yesus.”

Suk Gato Yerasul Ben Ne 13:24

Yefun Yesus ne yo ma nde tó, Yohanes gato ras nje mo syur duno ye Israel sare do, ’Nin kwet kadit sukibit gato nin ben ne et.’ Yohanes ki o do, ’Nin brek kadit os ibit ne, orge nin ma mo ji, ete ji ras nin mo syur.’

Yohanes 3:26

Orete Yohanes bi pakon ne ma mo Yohanes, án ki nai Yohanes do, ”Yeguru, nan napawa tomgato nyim, Yetu ge dik yo sisu nan mo Syur Yordan tak de nim. Nan ki sukdu subot An rer nai men jam re, wo su ré An dom ras nje mo syur, ete yé mwa ne sino mu kadit men mu mo An re.”

Matius 3:11

Ji anato ras nje mo syur tepsu bi sukjimnut do, ye ne kwet kadit os ibit it. Wo bere Ye yo gato gum kok sye wai kadit ji waii ma bori. Ji gum yo tep wa ji jom An bi sepatu nde. Ji gum wok teker mu bur ware. Ye gato gum kok sye wai kadit ji ne, bere An syogat Yefun Allah Gen bok nggwa mo nin, ben sato An ras nin mo Yefun Allah Gen, tepsu An ras nin mo bot.

Yohanes 1:28

Yohanes ki sukdu ne mo Betania, mo Syur Yordan de nim, mo pe gato an ras nje mone.

Lukas 1:16

Pa ne sye yo, bere pa kar ye Israel mwa satu kadit os ibit ma, ete jammo Yefun Allah, Ye gato gesyos, án bi Yekwesu ne.

Lukas 4:1

Yefun Yesus satu ma kadit Syur Yordan saresa, Yefun Allah Gen bok nggwa mo An, ete Yefun Allah Gen gwat Yefun Yesus mu mo pe gato kwe yo kom mo nde.