Lukas 24:48 - Abun Scripture

⁴⁸ Nin anato yé gato me suk mwa gato Ji ben ne. Nin me su nin gro re. Sane nin mu nin ki suk gato nin me su nin gro nai nje jam.

Lukas 24:48 Referans Kwoze

Suk Gato Yerasul Ben Ne 13:31

Kadit ne o, kam bok yo rek, yé ku An. Yé gato sisu An kadit bur Galilea mu mo Yerusalem, yé ne ku An mó re. Su ré yé gato me Yefun Yesus su án gro ne, yé ne anato ki subot Yefun Yesus nai men ye Israel jam re.

Suk Gato Yerasul Ben Ne 5:32

Sukdu gato men ki subot ne, men dakai me su men gro it, anato men kibot ne. Yefun Allah Gen me su An gro dom, sane An ki sukdu subot Yefun Yesus mo men yetu mit si men onyar. Yefun Allah Gen ne, Yefun Allah syo nai men yé gato jammo An.”

Suk Gato Yerasul Ben Ne 2:32

Yefun Yesus gare anato Yefun Allah sun kadit sukkwop it. Men sino dakai me su men gro re.

Suk Gato Yerasul Ben Ne 1:8

wo su kam gato Yefun Gen bok nggwa mo nin, bere nin ku suktinggi wa nin mu ki sukdu subot os be gato Ji kak wa yetu sok mo Yefun Allah bi rus-i. Bere nin mu ki sukdu ne nai nje mo Yerusalem, mo bur Yudea, mo bur Samaria sane sor, kom mo bur ré iwedewe or sino.”

Suk Gato Yerasul Ben Ne 10:41

Yefun Allah yo kadum An nai yé mwa ne sino me nde, wo yetu ge bok yo sor gato Yefun Allah bes wa ki sukdu subot suk gato án me su án gro ne. Yefun Yesus sun, orete Yefun Allah kadum An nai men dakai. Men ge bok yo ku An, men si An git sugit ete da syur sino.

Suk Gato Yerasul Ben Ne 10:39

Men dakai me suk mwa ne sino gato Yefun Yesus ben mo kota Yerusalem si ye Yahudi bi bur ne sino, men me su men gro re. Ye mban An mo kwesukwin, ye gu an kwop wé sane,

Suk Gato Yerasul Ben Ne 3:15

Sane nin dom si nje tepsu dik wa gu Yefun Yesus kwop wé anane. Nin gu Yefun Yesus gato ós men yetu kem ndo ne. Sarewo Yefun Allah sun Yefun Yesus kadit sukkwop o re. Men dakai me su men gro it.

1 Petrus 5:1

Ji ré anato tepsu yekwesu mo nu ari dik yo. Ji dakai me sukye gato Kristus ku su ji gro re. Bere mo Yefun Allah bi nat-i ji sisu Kristus ku suk gato ndo wai o mone. Sane ji kiwa nin, yekwesu mo nu ari, nin jammo suk gato ji ki ré et, sare,

Suk Gato Yerasul Ben Ne 4:33

Yerasul bok ne mu ki bi sukdu-i ne nggi wai o re. Án ki rer subot án bi Yekwesu nai yé mwa jam sare do, ”Yefun Yesus sun kadit sukkwop it.” Sane Yefun Allah ben sukndo mwa yé su yé mwa gato onyar kem mo Yefun Yesus ne sino.

Yohanes 15:27

Bere nin waii ki rer subot Ji nai ye yi jam dom, we kadit ketke Ji si nin ben suk tepsu dik sino.

Suk Gato Yerasul Ben Ne 22:15

Bere nan ki sukdu subot Yefun Yesus nai yé mwa ne sino tepsu suk gato nan me su nan gro si suk gato nan jam su nan dabe.