Lukas 24:46 - Abun Scripture

⁴⁶ Or o, Yefun Yesus ki nai án do, ”Yé krom mo Yefun Allah bi sukdu sare do, bere Yekwesu gato Yefun Allah syogat ma mo bur ré wa nai nin yetu kadit sukye ete jowa nin, bere An ku sukye, An kwop orete yo, kam we rek, ete Yefun Allah sun An kadit sukkwop o re.

Lukas 24:46 Referans Kwoze

Lukas 24:44

Orete Yefun Yesus ki nai pakon ne do, ”Ji kem sisu nin tó, Ji ki nai nin nyim wé do, suk mwa gato yé krom subot Ji mo Musa bi sukdu-i, yenabi bi sukdu-i si Mazmur ne sino, bere bor mo Ji re.”

Lukas 24:7

’Bere yé syo Yetu bi Pa to Ji ré mo ye gato ben sukibit syim wa yé ne but Ji ete yé gu Ji kwop mo kwesukwin. Sarewo kom mo kam we rek, bere Yefun Allah sun Ji kadit sukkwop o re.’ ”

Suk Gato Yerasul Ben Ne 17:3

Paulus nai Yefun Allah bi sukdu kwa wokgan, orge an ki rer subot sukdu ne, an ki do, ”Yefun Allah bi sukdu ré kadum nai men do, Ye gato Yefun Allah syogat ma mo bur ré wa nai men yetu kadit sukye ete jowa men ne, An ku sukye ndo nde nyim, orete Yefun Allah sun An kadit sukkwop. Sane ji bi sukdu-i wa nin anare: Ye gato Yefun Allah syogat ma ne gum do Yesus. Ye gato gum do Yesus anato Yekwesu gato Yefun Allah tom mo An bi sukdu ne do, bere An syogat Yekwesu dik yo ma mo bur ré wa nai men yetu kadit sukye ete jowa men. Yekwesu ne anato Kristus.”

1 Petrus 1:3

Men bes Yefun Allah, men bi Yekwesu Yesus Kristus bi Ai ne gum kok et. Yefun Allah dakai jimnotku men sye wai o re, sane anato An sun Yesus Kristus kadit sukkwop, ete An fro os mone wa men subere men kem ndo tepsu yetu gato be o re. Sane men kwabom kam mo An do,

Suk Gato Yerasul Ben Ne 4:12

Yefun Yesus ka dik sor anato kak os ndo wa nai men wé kadit bot gesyos, subere men kem ndo to kapyo mato kapyo. Yetu yi yo mo nde, kadit yetu mwa ne sino, Yefun Yesus An ka dik sor anato nggiwa kak os ndo wa men kem gesyos.”

Matius 26:24

Sangge, Yetu bi Pa to Ji ré bere kwop sagato yenabi krom mo Yefun Allah bi sukdu ne. Sarewo ye gato meret os wa gwat yeko ma wa but Ji bere ku sukye. Ndo sa, ye ne bi im yo pe an mo nde.”

Yohanes 20:9

Mo Yefun Allah bi sukdu ye krom do, bere Yefun Yesus sun kadit sukkwop re, sarewo Yefun Yesus bi pakon yo jam sukdu gato yé krom mone nde tó.)