Lukas 24:38 - Abun Scripture

³⁸ Sarewo Yefun Yesus ki nai án do, ”Nin nyuwa Ji wa suma ne? Nin bi sukjimnut mwa subot Ji wa suma ne? Ji mbau satu anare. Ji kaim anare.

Lukas 24:38 Referans Kwoze

Ibrani 4:13

Men yo ku os wa gurik suk yo kadit Yefun Allah mo nde, sukwokgan yo dom nde. Yefun jam suk mwa ne o re. Suk mwa ne sino gato Yefun Allah ut ne, suk yo kewa nde, An me suk mwa ne dakai bor yi sor. Men yo ku os wa gurik suk gato men ben ne nde, sane bere men ki subot suk gato men ben ne rer nai Yefun Allah gato ndobot men su kam sari ne ma sor.

Matius 16:8

Yefun Yesus jam suk gato An bi pakon kibot ne, sane An ndobot pa ne do, ”Nin kibot roti gato nin yo gwat nde wa suma ne? Nin yo onyar kem ri mo Ji nde tó bado?

Lukas 24:37

Pakon ne nyuwa Yefun Yesus ndo nde, án gendo, yekwop gen anato ma ne.

Lukas 24:39

Nin me Ji syim tak ré et! Nin me Ji gwes ré et! Ji anare it. Nin syimtok Ji et! Bere nin jam do, Ji kaim anare. Yekwop gen yo ka sare nde. Yekwop gen i-ku yo mo nde, yekwop gen dini yo mo nde, wo nin me Ji ré, Ji ku si Ji dini mó re.”