Lukas 23:43 - Abun Scripture

⁴³ Yefun Yesus ki nai an do, ”Suk gato Ji ki ré suksangge anare, su kam ré, nan si Ji kem mo Yefun Allah bi nat-i gato ndo wai o re.”

Lukas 23:43 Referans Kwoze

Wahyu 2:7

Sane nin brek nin dabe muya-muma kadit nde, wo nin jammo sukdu gato Yefun Allah Gen ki nai yé gato onyar kem mo Yefun Yesus mo nu ari ne et. Yé gato nggi wai kadit bur ré bi suk-i yo, bere Ji kak os wa án mu nai kwebo gato ben yetu kem gesyos wa án git. Kwe ne kom mo Yefun Allah bi nat-i gato ndo.”

Lukas 19:10

Sane Yetu bi Pa to Ji ré ma mo bur ré wa Ji syeret ye gato jam nde Yefun Allah bi os-i, subere ji ós ye ne jam Yefun Allah bi os-i. Ji kak os wa ye ne subere an kem ndo to kapyo mato kapyo.”

Yohanes 14:3

Ji mu fro nat wa nin orete yo, Ji satu ma, ete Ji kar nin mu mo Ji bi nat-i. Bere men sino kem mone subere mo nat gato Ji kem mone, nin dom si Ji kem mone sino.

Ibrani 7:25

Sane anato Yefun Yesus nggiwa ben suk tepsu yegweswai wa ós men yé gato iwa ma mo Yefun Allah bi nat-i sor to kapyo mato kapyo. Yefun Yesus kem gesyos, An ós wa ki suk su Yefun Allah tepsu yegweswai wa men petok sor.

Yohanes 17:24

Ji bi Ai, Nan syo Ji bi pakon nai Ji re. Ji iwa án si Ji kem mo nat gato bere Ji kem mone, subere án me do Ji anato gum kok sye wai o re. Nan yo ut bur ré nde tó, Nan bi sukjimnut sye kas subot Ji, Nan bes Ji gum kok sye wé re.

Filipi 1:23

Ji nutbot os kwa we ré tó. Ji jam nde os u anato ndo wai ne? Kwa dik yo anato ji iwa ji mu kadit bur ré, ete ji mu kem su Yesus Kristus. Ji nut do, ji do si An kem sino it yo, ndo wai o re anane.

2 Korintus 5:8

Sane men bi sukjimnut kem pe mo suk gato Yefun fro wa men ne. Men iwa men sombok kadit men da kridek ré, ete men si Yefun sino kem mo nat gato An fro wa men ne.

Lukas 23:42

Orge an ki nai Yefun Yesus do, ”Yesus, bere Yefun Allah bes Nan gum Yekwesu, ete Nan ma wa Nan jowa yetu mwa ne sino yo, Nan napawa ji et.”