Lukas 23:40 - Abun Scripture

⁴⁰ Sarewo ye gato ben sukibit ge dik yo ndantom dik yo o. An ki do, ”Te, nan yo nyuwa Yefun Allah nde, bado? Nan dom ku sukye mo kwesukwin re. Yé gu men ka gri kwop sino.

Lukas 23:40 Referans Kwoze

Wahyu 15:4

Yé mwa ne sino nyuwa Nan we, Yé mwa ne bes Nan gum kok we, Nan sor ete tara kadit men yetu ne o, Nan sor ete gum kok wai ne o. Yetu mo buryo-buryo sino som Nan we, Yetu ma bes Nan gum kok we, Sukndo ga Nan ben ne bor sino o, Yé mwa ne me sino o.”

Efesus 5:11

Suk gato tepsu ndendu bi suk-i gato yo ós nin nde, nin karowa dom nde, wo nin ki ndendu bi suk-i ne rek subere bor wa yé mwa jam do, suk ne ibit re. (

Lukas 12:5

Wo Ji ki rer subere nin jam ye gato nin nyuwa. Nin nyuwa Yefun Allah et. Yefun Allah sa, nggiwa gu nin da kridek kwop, orete Yefun Allah nggiwa bare nin da gesyos mo bot gesyos dom, wo yetu nggiwa gu men da kridek sor re. Sane, Ji ki sare do, nin nyuwa Yefun Allah sor re.

Wahyu 16:11

Án dufo mo Yefun Allah gato mo gu ne gum mo kos sye e, wip mok sye e, sukye bok gato án ku e ne, sarewo án bariwa án kwet kadit sukibit gato án ben ne re.

Matius 8:26

Yefun Yesus ki do, ”Nin nyu wa suma ne? Mban! Nin yo onyar kem ri mo Ji nde tó go!” Yefun Yesus ki sane, orete An sun, An syogat nofuf ne not, An syogat em gato nap ne kro. Sugane it, em si nofuf ne kro re.

Lukas 23:39

Ye ka we gato ben sukibit gato yé mban mo kwesukwin mo Yefun Yesus de ne, dik yo kabor Yefun Yesus ket kwayo-kwayo. An ki do, ”Te, Nan anato Yekwesu gato Yefun Allah syogat ma mo bur ré wa nai men yetu wé kadit sukye bado nde e? Sane Yefun Allah bes Nan gum Kristus su sangge it yo, Nan sombok Nan dakai et. Nan nai men ka we kadit sukye ré dom et!”

Lukas 23:41

Yé syo sukye nai men ka we tepsu sukibit gato men ka we ben ne, sarewo Yefun Yesus ré, An yo ben sukibit tepsu ye gu An kwop yo mo nde.”

Matius 20:9

An syo sugum perak det dik nai yetu gedik-gedik gato ben suk kadit kre ne.