Lukas 23:33 - Abun Scripture

³³ Án mu kom mo nat gato gum do, ”Yekri subris” sa, yesukmise mban Yefun Yesus mo kwesukwin mone. Yé mban yetu ka we gato ben sukibit mo bi kwesukwin ne dom, dik yo mo Yefun Yesus de syim ge, dik yo mo Yefun Yesus de syim jam.

Lukas 23:33 Referans Kwoze

1 Petrus 2:24

Sukibit mwa ne sino gato men yetu ben ne tepsu sukde gato Yesus Kristus sam wa men. Ben sato Kristus sam men bi sukde ne mo An kaim mu kom mo kwesukwin. An kwop wa men, An tot suktot mo sukibit mwa gato men ben ne or wé mone, subere men gum pakwerut wa ben sukibit o nde, wo men ben men bi suk-i ndo tepsu Yefun Allah mit sor. Yé sap Kristus wip e, yé mban An mo kwesukwin e, yé ben sukye nai Kristus ket kwayo-kwayo e ne, anato nin ku os wa nin ge kadit nin bi suki mwa ne, orete nin kem ndo mone it.

Yohanes 18:32

Ye Yahudi ki sukdu ne, we sukdu gato Yefun Yesus ki nyim subot os gato yé gu An kwop su ne, bere bor mone, bere ye Roma gu An kwop.)

Galatia 3:13

Men yo nggiwa benbot ye Yahudi bi sukduno-i sino nde, sane Yefun Allah dufo mo men, men ku sukye mone, wo Yesus Kristus ma ku sukye ne win men re. An kwop tepsu suktot wa men, tepsu ye krom mo Yefun Allah bi sukdu do, ”Ye gato yé mban kok mo kwesukwin ne ku sukye ndo nde.”

Suk Gato Yerasul Ben Ne 13:29

Sane yé ben sukye nai Yefun Yesus tepsu sukdu mwa gato yenabi krom ne. Yé ben sukye ne, orge yé nai An kadit kwesukwin, yé grem An mukri mo jokwak mit.

Suk Gato Yerasul Ben Ne 5:30

Sane men ndak nin do, sangge, nin anato gu Yefun Yesus kwop wé mo kwesukwin. Nin da gu An kwop, sarewo Yefun Allah gato jom men bi amui ne, An sun Yefun Yesus kadit sukkwop o re.

Suk Gato Yerasul Ben Ne 2:23

Yefun Yesus gare, nin si yé bok yo gato ben sukibit ne gu An kwop wé. Nin si yé bok ne mban Yefun Yesus mo kwesukwin. Yefun Allah fro suk gato bor ne su ketke, Yefun Allah jam nyim wé re. Yefun jam do, bere ye syo An mo nin syim-i, orete nin gu An kwop, Yefun Allah jam nyim wé re. Nin da gu An kwop,

Yohanes 3:14

Bere ye bes Ji gum kok wa Ji ós nje tepsu Musa syut kwis dik yo gato ye ut su kuningan ne ti kok mo pe gato kwe yo mo nde. Sane kwis gu ye yo, ete an sokme kwis kuningan ne yo, an yo kwop nde.

Lukas 24:7

’Bere yé syo Yetu bi Pa to Ji ré mo ye gato ben sukibit syim wa yé ne but Ji ete yé gu Ji kwop mo kwesukwin. Sarewo kom mo kam we rek, bere Yefun Allah sun Ji kadit sukkwop o re.’ ”

Matius 26:2

”Kam we ete kam sye gato gum do Kam Sye Waiket, nin dakai jam re. {Yé napawa kam gato malaikat waiket ye Israel bi pa futmo mo bur Mesir suga nyim tuya.} Su kam ne, bere yé syo Yetu bi Pa to Ji ré mo yé syim wa yé mban Ji mo kwesukwin.”

Matius 20:19

ete án syo Ji mo yewis yi syim-i. Yewis yi ne bere ki Ji ket kwayo-kwayo, bere yé kwam Ji su bus, yé mban Ji mo kwesukwin, ete bere Ji kwop mone, wo kom mo kam we rek, bere Ji sun kadit sukkwop o re.”