Lukas 23:26 - Abun Scripture

²⁶ Yesukmise bok yo gwat Yefun Yesus mu sa, kom mo os mit án ku yetu ge dik yo gato gum do Simon. Simon ré, an ye Kirene. An ma kadit nden mu mo kota. An ma saresa, yesukmise but an, ete yé bes kwe gato bere yé mban Yefun Yesus mone mo Simon kwake. Orge yesukmise syaugat Simon sam kwesukwin mu boribot Yefun Yesus.

Lukas 23:26 Referans Kwoze

Suk Gato Yerasul Ben Ne 6:9

Sarewo yetu ge bok yo duwer Stefanus mo suk gato an ben ne. Yé bok ne ye Yahudi kadit bur Kirene si bur Aleksandria. Yé bok ne sok mo ye Yahudi bi nu ari dik yo gato gum do, ”Nu ari wa Pakwerut gato sombok wé kadit an bi yenggras.” Yé bok ne tó ye Yahudi deyo o kadit bur Kilikia si bur Asia, án sino duwer Stefanus mo suk gato Stefanus ben ne,

Suk Gato Yerasul Ben Ne 6:6

Yé gwat ye ka mufit ne mu ku yerasul. Kom mone yerasul ak syim mo ye ka mufit ne, yerasul ki suk su Yefun wa ye ka mufit ne, subere Yefun Allah ben ye ka mufit nggiwa ben suk.

Suk Gato Yerasul Ben Ne 2:10

Frigia, Pamfilia, Mesir, bur karowa Libia, karowa Kirire, men deyo ma kadit Roma.

Lukas 14:27

Ye gato bariwa ku sukye tepsu ye sam kwesukwin, ete bariwa sibot suk gato Ji ben ne yo, Ji bariwa ye ne simo Ji tepsu Ji bi pakon re.

Lukas 9:23

Orge Yefun Yesus ki nai yé mwa mone do, ”Ye to iwa simo Ji it yo, ye ne yo iwa ben suk ket an mit-i ne o nde, wo kamdik-kamdik an ben Ji bi suk-i sor, an tepsu ye gato sam an bi kwesukwin. Kapre an ku sukye mone, an kwop o, an mbau o an simo Ji pe sor.

Suk Gato Yerasul Ben Ne 13:1

Ye gato onyar kem mo Yefun Yesus mo kota Antiokhia, án sum petok sor. Ye gato gum yenabi si yeguru ge at si án sum sino mone. Ye ka at ne gum do, Barnabas e, Simeon gato ye kendo do Ye te e, Lukius gato ma kadit Kirene e, Menahem gato ye kon si yeraja Herodes sino e, si Saulus.

Lukas 23:25

Sane Pilatus sombok Barabas wé. Barabas anato ye gato yé sok mo sel mo gato Barabas ben sukndi ete gu ye yo kwop mone. Pilatus sombok Barabas tepsu yé mwa kiwa ne. Orete Pilatus syokom yé gu Yefun Yesus kwop mo kwesukwin, tepsu yé mwa imo ne.

Matius 5:41

Sane o, yesukmise syaugat nin sam an bi suk mu kom mo kilometer dik it yo, nin sam an bi suk mu kom mo kilometer we et.