Lukas 22:50 - Abun Scripture

⁵⁰ Orge pakon dik yo sap pakwerut dik yo dabe syim ge toko wé re. Pakwerut ne ben suk wa yekwesu gato gum kok wai mo Yefun Allah bi nu.

Lukas 22:50 Referans Kwoze

Markus 14:47

Sarewo pakon dik yo gato ti karowa mone nai bi nyom, ete sap pakwerut dik yo dabe toko wé re. Pakwerut ne ben suk wa yekwesu gato gum kok wai mo Yefun Allah bi nu.

2 Korintus 10:4

Yé bok yo duwer men mó yo, men gu yé bok ne su sukmise tepsu yetu mo bur ré ben bi suk-i nde. Men bi sukmise-i tara kadit yetu mo bur ré bi sukmise-i. Men jom Yefun Allah bi sukmise-i gato nggi ete men gwa biris bi yekwesu sane sor an yo ndo o nde. Men gwa an bi nu gato krat ne mbrur ete mwir-mwar su o re. Sukdu gato ye ki duwer Yefun bi sukdu-i su ne yo, men gwat Yefun bi sukmise ne ma, men syat sukdu ne, ete men bare sukdu ne wé mo nden re.

Roma 12:19

Ji bi nji, ji bi nyanggon, ye yo ben sukibit ma nai men it yo, men waii ben sukibit mu nai ye ne satu o nde, wo men misyar Yefun Allah dakai maskwa ye ne sor, tepsu ye krom mo Yefun Allah bi sukdu do, ”Bere Ji dakai sor anato maskwa nje tepsu sukibit gato án ben ne. Bere Ji anato syo sukye nai án tepsu sukibit gato án ben ne.”

Lukas 22:49

Yefun Yesus bi pakon deyo me do yeko ne ma wa but Yefun Yesus sa, án ndo mo Yefun Yesus do, ”Yenggras, men bi Yekwesu te, men gu yeko ré su men bi nyom e?”

Lukas 22:51

Pakon sap pakwerut ne dabe toko wé sa, Yefun Yesus ki do, ”Tep it!” Orete Yefun Yesus syimtok pakwerut ne dabe, Yefun Yesus ben pakwerut dabe ne kom satu re.