Lukas 22:39 - Abun Scripture

³⁹ Yefun Yesus si An bi pakon git sugit or re, sagana Yefun Yesus mu kadit kota mu nden mu mo bobuk Zaitun. Sane, Yefun Yesus si An bi pakon mu mone sino.

Lukas 22:39 Referans Kwoze

Lukas 21:37

Kamdik-kamdik Yefun Yesus duno nje mo Yefun Allah bi nu. Nombrak yo, Yefun Yesus duno nje mone. Noru yo, An mu mo kota de nden ete An sem mo bobuk Zaitun.

Matius 21:1

Yefun Yesus si bi pakon karowa ma kom mo kota Yerusalem sa, án ma kom mo kampung gato gum do Betfage mo bobuk Zaitun. Mone Yefun Yesus syogat An bi pakon ge we yo mu nyim.

Markus 14:26

Án git, án da nau ne, orete án kos sukos dik yo wa un Yefun Allah, or o án mu kadit pe ne mu mo nden mo bobuk Zaitun.

Markus 13:3

Orge Yefun Yesus mu mo bobuk Zaitun, An kem mo bobuk de gato tak Yefun Allah bi nu ne. Yefun Yesus kem mone sa, An bi pakon ge at gato gum do Petrus, Yakobus, Yohanes, si Andreas, án ge at wadigan ma mo Yefun Yesus, án ki sukdu dor mone.

Markus 11:19

Kam bok, ete Yefun Yesus si An bi pakon mu kadit kota ne mu mo nden.

Markus 11:11

Yefun Yesus mu kom mo Yerusalem, orge An mu mo Yefun Allah bi nu. Yefun Yesus sokbot suk mwa mone. Sarewo karowa kam bok it, sane Yefun Yesus si An bi pakon ge musyu dik sop we ne mu kadit kota, án sino mu sem mo kampung Betania.

Matius 26:30

Án git, án da nau ne, orete án kos sukos dik yo wa un Yefun Allah, or o án mu kadit pe ne mu mo nden mo bobuk Zaitun.