Lukas 22:36 - Abun Scripture

³⁶ Orge Yefun Yesus ki do, ”Sarewo su ré yo, nin ben suk tepsu tomga nyim ne o nde. Nin bi sugum mó yo, nin gwat sor. Nin bi yu mó yo, nin gwat sor. Nin yo ku nyom gato ot nden wé yo mo nde yo, nin mu so nin bi sansun subere nin ku sugum, ete nin so nyom dik yo wa nin gwat.

Lukas 22:36 Referans Kwoze

1 Tesalonika 3:4

Tomgato men si nin kem mone sino tó, men ki sukdu nai nin sare do, bere men sino ku sukye. Sangge, sukye ne bor it, nin dakai jam re.

Yohanes 16:33

Ji ki sukdu mwa ne nai nin jam subere nin kwabom kam mo Ji, ete nin kem not, nin nyuwa suk yo nde. Mo bur ré nin ku sukye mwa. Sarewo Nin nyuwa nde, we Ji sa, Ji nggi wai kadit biris bi rus-i gato ben sukibit mo bur ré re.”

1 Petrus 4:1

Yesus Kristus ku sukye mo An kaim mó re. Sane nin dom, nin nai sukjimnut tepsu An. Nin fro nin nggwa wa nin ku sukye mo nin kaim tepsu An et. Nin nai sukjimnut sane, we nin ku sukye saga Kristus ku mo An kaim ne yo, bere nin yo ben sukibit ket nin í ne o nde.

Yohanes 15:20

Nin napawa Ji bi sukdu-i gato Ji ki nai nin ne do, ’Pakwerut yo sye wai kadit bi yenggras gato kon an nde.’ Ye deyo ben sukye nai Ji it yo, bere yé ne ben sukye nai nin dom. Ye deyo benbot Ji bi sukduno-i yo, bere ye ne benbot nin bi sukduno-i dom.

Matius 10:10

nin gwat nin bi yu nde, nin gwat san sun dik yo o nde, nin gwat sandal nde, nin gwat kwepu wa nin kan bot os dom nde. Nin ben suk ós nje, sane suk gato nin mitmo, bere yé bi nai nin tepsu nin bi kamba mone.

Lukas 22:35

Orge Yefun Yesus ndo mo An bi pakon do, ”Tomga u, Ji syogat nin mu ne, Ji ki do, nin gwat sugum nde, nin gwat yu nde, nin gwat sepatu nde. Sugato nin mu ne te, nin yewa suk yo, bado?” Pakon bok ne ki do, ”Nde re.”

Lukas 22:37

We, Ji ki sare do, suk gato ye krom mo Yefun Allah bi sukdu bere bor re. Ye krom sare do, ’Yé nut do, An anato ye gato ben sukibit.’ Mo Yefun Allah bi sukdu ne ye krombot Ji dakai. Bere suk gato ye krom ne bor mo Ji.”

Lukas 22:38

Yefun Yesus bi pakon ki do, ”Yenggras, Nan me men bi nyom gato ot nden wé, nyom we anare.” Yefun Yesus ki do, ”Tep re. Men ki subot suk ne o nde.”