Lukas 22:19 - Abun Scripture

¹⁹ Orete Yefun Yesus nai roti. An ki do, ”Ndo mo Nan, Yefun Allah wa roti gato Nan syo nai men ré.” Or o An syat roti ne, An syo nai An bi pakon. An syo nai An bi pakon saresa, An ki do, ”Ji ku anare. [Ji syo Ji kaim ma kwop tepsu suktot wa sukibit gato nin ben ne. Sane nin benbot suk gato Ji ben ré subere nin napawa Ji.”

Lukas 22:19 Referans Kwoze

1 Korintus 10:16

Men ki ndo mo Yefun Allah, orete men da nau anggur, bi sukjimnut do, men sino tepsu dik mo gato men da Yesus Kristus dé ne sino, bado? Sane dom, roti gato men syat wa men git subere men napawa Yefun Yesus, men git roti ne yo, bi sukjimnut do, men sino tepsu dik mo Yesus Kristus bi rus-i, gato tepsu An kaim ne, bado?

Lukas 22:20

Sane dom, án sino git sugit, or Yefun Yesus nai sukbo su nau anggur, ete An ki do, ”Nau gato ji sye wa nin ré anato tepsu Ji dé gato bere sye ne subere Ji kak os gato be wa Yefun Allah nai nin gum sok mo An bi rus-i sagato An tom ne.”]

1 Korintus 10:4

Mo pe ne syur yo mo nde, sane Yefun Allah bi suktinggi bor mone. Yefun Allah ben syur syesyar kadit banbo jok, ete án sino da syur gato Yefun syo nai án dom. Banbo jok gato ós án yé gato sosa ne anato tepsu Yesus Kristus dakai.

Titus 2:14

Yesus Kristus bi An nggwa wa tot suktot mo sukibit mwa ne sino gato men ben ne wé, subere men tepsu nje gato ben sukibit o nde, ete men sok mo An dakai bi rus-i gato mit iwa ben suk gato ndo sor.

1 Petrus 2:24

Sukibit mwa ne sino gato men yetu ben ne tepsu sukde gato Yesus Kristus sam wa men. Ben sato Kristus sam men bi sukde ne mo An kaim mu kom mo kwesukwin. An kwop wa men, An tot suktot mo sukibit mwa gato men ben ne or wé mone, subere men gum pakwerut wa ben sukibit o nde, wo men ben men bi suk-i ndo tepsu Yefun Allah mit sor. Yé sap Kristus wip e, yé mban An mo kwesukwin e, yé ben sukye nai Kristus ket kwayo-kwayo e ne, anato nin ku os wa nin ge kadit nin bi suki mwa ne, orete nin kem ndo mone it.

Efesus 5:2

Men kem mo bur ré, men bi sukjimnut sye kas subot ye yi sor, tepsu Kristus bi sukjimnut sye kas subot men, ete An bi An nggwa wa men. An bi An nggwa tepsu suksom gato An som Yefun Allah su, ete mone An tot men bi suktot. Yefun Allah iwa suk gato Kristus ben ne, tepsu ye iwa ni suk gato grik. Sane men waii bi men nggwa wa men ós ye yi su ne sor.

Galatia 1:4

Yesus Kristus bi An nggwa kwop wa tot sukibit gato men yetu ben ne wé re, tepsu pe gato men bi Ai, Yefun Allah, imo ne. Sane su ré An nai men kadit os ibit gato jom men mo bur ré ne.

Yohanes 6:51

Ji dakai anato tepsu sugit gato is kadit gu ma ré. Sugit ré ben yetu mbau. Ye to git sugit ré yo, ye ne kem gesyos it, an mbau to kapyo mato kapyo. Sugit gato Ji bi wa ben yetu mo bur ré mbau anato Ji dakai ku.”

Lukas 24:30

An ka gri kem ga wa án git sugit sa, Yefun Yesus nai roti ma, ete An ki do, ”Ndo mo Nan, Yefun Allah wa roti gato Nan syo nai men ré.” Orge Yefun Yesus syat roti ne, An syo nai ye we re.

Matius 14:19

Orete Yefun Yesus syogat yé mwa ne kem mo es mo bur, ete An nai roti koi mumek si boge ge we ne. An nai, An sok mu nim mo gu, ete An ki do, ”Ndo mo Nan, Yefun Allah wa sugit gato Nan syo nai men ré.” Orete An syat sugit ne ete syo nai An bi pakon. Pakon ne waii syo nai yé mwa mone git.

Yohanes 6:23

Orete kwem bok yo kadit kota Tiberias ma kom mone. Kwem ne nor karowa nat gato yé mwa git roti gato Yefun Yesus ki ndo mo Yefun Allah wa ne, ete syo nai án git ne.

Lukas 22:17

Orete Yefun Yesus nai mok su nau anggur, ete An ki do, ”Ndo mo Nan, Yefun Allah wa nau gato Nan syo nai men ré.” Orete Yefun Yesus ki nai An bi pakon do, ”Nin nai mok ré, nin gedik-gedik da mo et.”

1 Tesalonika 5:18

Mo suk mwa ne sino gato nin ku ne, nin ki ndo mo Yefun Allah, we Yefun iwa men yé gato onyar kem mo Yesus Kristus ne ki ndo mo An petok sor.

Galatia 4:25

Mo sukamno ré, Hagar ne tepsu suktom gato Yefun tom su Musa mo banbo Sinai mo bur Arab ne. Hagar ne tepsu kota Yerusalem, we su ré yé mwa mone tepsu Hagar si bi pá-i, án sino pakwerut wa ye Yahudi bi sukduno-i.

Matius 15:36

Orete Yefun Yesus nai roti koi mufit ne si boge, ete An ki do, ”Ndo mo Nan, Yefun Allah wa sugit gato Nan syo nai men ré.” Orete An syat sugit ne, An syo nai bi pakon, ete pakon waii syo nai yé mwa mone git.