Lukas 22:11 - Abun Scripture

¹¹ Orete nin ka we ki nai yenggras gato bi nu ne do, ’Yeguru ndek mo nan do, An si bi pakon bere konwa Kam Sye Waiket ré, sane men git mo gumwak u ne?’

Lukas 22:11 Referans Kwoze

Yohanes 11:28

Marta ki sukdu ne or sa, mom mu tom mo mom bi nji dabe, mom ki do, ”Maria, yeguru ma it. An iwa ku nan.”

Wahyu 3:20

Nin jammo suk gato Ji ki ré et. Ben sato Ji ma ti mo nusyo de nden ete Ji ké. Ye to jam Ji ké, ete kak nusyo wa Ji yo, bere Ji sok mu ku ye ne mo nu mit re. Bere Ji si ye ne git sugit sino mone tepsu yedik.

Lukas 19:34

An we ki do, ”Men bi Yekwesu mitmo keledai ré.”

Lukas 19:31

Do ye yo ndo mo nin ka we do, ’Nin ka we sombok keledai ré wa suma ne?’ Yo, nin ka we ki do, ’Men bi Yekwesu mitmo keledai ré.’ ”

Lukas 19:5

Yefun Yesus kom mo kwe ne sa, Yefun Yesus sok mu nim, An ki do, ”Zakheus, nan is ma kekro et! Bere kam ré yo, Ji mu sem mo nan bi nu-i.”

Matius 21:3

Ye to ndo nin ka we subot keledai ge we ne yo, nin ka we ki nai ye ne do, ’Men bi Yekwesu mitmo keledai ge we ré,’ sane bere ye ne misyar nin ka we dakai gwat ma sor.”

Markus 14:14

mu kom mo nu gato ye ne sok mone. Orete nin ka we ki nai yenggras gato bi nu ne do, ’Yeguru ndo mo nan do, Ji si Ji bi pakon bere konwa Kam Sye Waiket ré, sane men git mo gumwak u ne?’

Lukas 22:10

Yefun Yesus ki do, ”Sare, bere nin ka we mu nyim, nin ka we sok mo kota yo, nin ka we ku yebris dik yo gato gwat syur su sukbo. Nin ka we simo ye ne mu kom mo nu gato an sok mone.

Lukas 22:12

Bere yenggras ne kadum gumwak sye dik yo mo kwatka mo nim nai nin ka we. Mo gumwak mit ne, yé fro meja si bangko pe re. Sane nin ka we fro suk mwa wa men git mone et.”