Lukas 21:37 - Abun Scripture

³⁷ Kamdik-kamdik Yefun Yesus duno nje mo Yefun Allah bi nu. Nombrak yo, Yefun Yesus duno nje mone. Noru yo, An mu mo kota de nden ete An sem mo bobuk Zaitun.

Lukas 21:37 Referans Kwoze

Lukas 22:39

Yefun Yesus si An bi pakon git sugit or re, sagana Yefun Yesus mu kadit kota mu nden mu mo bobuk Zaitun. Sane, Yefun Yesus si An bi pakon mu mone sino.

Markus 11:19

Kam bok, ete Yefun Yesus si An bi pakon mu kadit kota ne mu mo nden.

Matius 26:55

Orete Yefun Yesus ki nai yeko ga mone do, ”Te nin nut do Ji ré, yekwesu wa yeko gato futma wa gu nin, anato nin gwat nyom si kwekoi ma wa but Ji su ne bado? Kamdik-kamdik Ji da duno nje mo Yefun Allah bi nu ne mó re, sarewo nin yo but Ji mone nde.

Matius 21:17

Yefun Yesus ki sane, orete An mu kadit yé ne. An mu kadit kota ne mu mo kampung Betania. An mu kom mo Betania, ete An sem mone.

Matius 21:1

Yefun Yesus si bi pakon karowa ma kom mo kota Yerusalem sa, án ma kom mo kampung gato gum do Betfage mo bobuk Zaitun. Mone Yefun Yesus syogat An bi pakon ge we yo mu nyim.

Suk Gato Yerasul Ben Ne 1:12

Yefun Yesus it mu mo gu, orge yerasul bok ne mu kadit banbo gato gum do Zaitun, án satu mu mo Yerusalem. Kadit banbo Zaitun mu mo kota Yerusalem, os ne syu bergan tepsu kilometer dik.

Yohanes 12:1

Kam mumat rek yo o, ete yé konwa Kam Sye Waiket ne sa, Yefun Yesus mu mo kampung Betania. Lazarus gato Yefun Yesus sun kadit sukkwop ne kem mone.

Lukas 19:37

Karowa Yerusalem ne, Yefun Yesus mu kom mo pe gato os ne is kadit bobuk Zaitun sa, Yefun Yesus bi pakon mwa ne án wi, án ambre sino, án un Yefun Allah mo suk mwa gato ben án yeket gato án me Yefun Yesus ben ne.

Markus 11:12

Bi ik, ete Yefun Yesus si An bi pakon mu kadit Betania saresa, Yefun Yesus on de.

Matius 26:30

Án git, án da nau ne, orete án kos sukos dik yo wa un Yefun Allah, or o án mu kadit pe ne mu mo nden mo bobuk Zaitun.

Markus 14:49

Kamdik-kamdik Ji si nin mo Yefun Allah bi nu de mo ros de mit ne, Ji da duno nin mone, sarewo nin yo but Ji nde. Sarewo suk mwa gare bor, subere tepsu sukdu gato yenabi krom mo Yefun Allah bi sukdu ne.”

Lukas 19:29

Yefun Yesus mu, An karowa kampung we gato gum do Betfage si Betania mo bobuk Zaitun sa, Yefun Yesus syogat An bi pakon ge we mu nyim.

Lukas 19:47

Kamdik-kamdik Yefun Yesus duno nje mo Yefun Allah bi nu. Yekwesú mo Yefun Allah bi nu, yeguru agama si ye Yahudi bi yepasye meret os wa gu Yefun Yesus kwop wé,

Yohanes 18:2

Yudas, an tepsu yeketut wa Yefun Yesus, an jam nat ne re, we sagana Yefun Yesus si bi pakon sum mo nat ne.