Lukas 21:36 - Abun Scripture

³⁶ Nin frawa nin nggwa pe et! Nin ki suk su Yefun Allah petok sor subere An ós nin titi fro wé kadit sukye gato bere ma ne. Nin ndek mo Yefun Allah dom subere su kam gato Ji, gato Yetu bi Pa ma ndobot nin yetu ne, nin yo damen mo suk gato nin ben ne nde.”

Lukas 21:36 Referans Kwoze

1 Yohanes 2:28

Sane ji kiwa nin, ji bi pá nin do, nin si Kristus tepsu dik petok sor, subere su kam gato An satu ma ne yo, bere nin ku An tepsu nin bi yesyim, bere nin damen wa An nde.

1 Petrus 5:8

Nin kem su nin fra et. Nin fro nin nggwa petok sor. Biris bi yekwesu iwa ben sukibit nai nin. Biris bi yekwesu muya-muma sato suge krok gato mise, gato gum do singa. Biris bi yekwesu ne meret yetu ge dik yo wa ben an sukye nai, tepsu suge singa sok suge dik yo wa an gu kwop, ete an git.

Matius 25:13

Sane nin mewa nin nggwa, we nin jam nde kam si bi jam gato Yetu bi Pa ma su ne.”

Matius 24:42

Sane nin frawa nin nggwa, we nin jam nde kam gato bere nin bi Yekwesu ma su ne.

1 Petrus 4:7

Karowa bur ré kru it, sane nin mewa nin nggwa, nin kem su nin fra, subere nin nggiwa nin ki suk su Yefun Allah sisu ndo et.

1 Korintus 16:13

Nin mewa nin nggwa, nin onyar kem mo Yefun Yesus, nin misyar Yefun nde, wo nin jom An bi sukdu ne krat sor. Nin ben suk su nin nok nde, nin ti krat sor.

Lukas 18:1

Orge Yefun Yesus gwat sukamno dik yo wa An duno An bi pakon, subere kamdik-kamdik pakon ne ki suk su Yefun petok sor, subere án bambraiwa ete misyar nde.

Markus 13:33

Sane nin frawa nin nggwa et! Nin jam nde kam gato Ji ma su ne re. Nin mewa sor!

Yudas 1:24

Yesus Kristus ete nggiwa mewa nin kadit nin ges mo os ibit. An ete nggiwa gwat nin ma kem mo Yefun Allah gato gum kok ne gwem. Mo An bi nat-i gato ndo wai ne sukibit yo ut mo nin o nde, bere nin mit at wa sor.

Matius 26:41

Nin mewa nin nggwa, nin ndekwa Yefun Allah mewa nin subere suk yo tik nin mit ete ben nin misyar Ji nde. Nin da bi sukjimnut dik wa nin jammo Ji, sarewo nin dakai yo nggiwa benbot nde.”

1 Tesalonika 5:17

Nin ki suk su Yefun petok sor.

Markus 13:37

Suk gato Ji ki nai nin ré, Ji ki nai yé mwa ré sino jam dom, ’Nin kem su nin fra et!’ ”

2 Timotius 4:5

Án do bariwa sukduno gato sangge yo, nan mewa nan nggwa subere nan bi sukjimnut kak mo suk mwa petok sor. Kapre nan ku sukye o, nan misyar Yefun nde, wo nan simo Yefun pe sor. Nan ki sukdu subot os ndo gato Yesus Kristus kak ne nai ye gato jam nde Yefun. Nan ben Yefun Allah bi suk-i mwa ne sino sor kom mo pe gato or mó, nan misyar kwa dik yo dom nde.

Kolose 4:2

Nin ki suk su Yefun Allah petok sor. Nin ki suk su Yefun yo, nin mewa nin nggwa, nin ki suk su nin mit dik si nin onyar dik. Nin ki suk su Yefun yo, nin ki ndo mo Yefun Allah dom et.

Suk Gato Yerasul Ben Ne 10:2

An si an bi rus-i ne sino jammo Yefun Allah, án sino un Yefun Allah su án mit dik. Kornelius ós ye Yahudi gato yewa suk su suk mwa. An ki suk su Yefun petok sor.

Lukas 20:35

wo yé gato Yefun Allah nut do yé ne sa, tep wa Yefun Allah bere sun án kadit sukkwop ne, su kam sari ne ma yé ne yo kra mo nde.

Matius 8:20

Yefun Yesus ki do, ”Ndar krok sa, bi jokwak wa kem mó, ndam sa, bi bat wa kem mó, wo Yetu bi Pa to Ji ré yo ku nat wa Ji kem not yo mo nde.”

Matius 24:43

Ye gato bi nu jam do, ye gato syimsi suk ma su noru ne yo, bere an eswa yesyimsi ne, ete yesyimsi ne yo ku os wa sok mo nu ne nde.

Matius 24:44

Sane dom, nin fro nin nggwa petok sor, we bere Yetu bi Pa ma su jam gato nin jam ri nde.”

Lukas 1:19

Malaikat ne ki nai Zakaria do, ”Ji gum do Gabriel, ji kem mo Yefun Allah gwem. Yefun Allah anato syogat ji gwat suktaru gato ndo ne wa nan.

Lukas 21:35

Sane nin frawa nin nggwa, we kam gane bere bor re, yetu bok ne sino mo bur ré bere gensu sukye gato bor mone.

2 Korintus 4:14

Men iwa men kibot os ne, we men jam do, Yefun Allah sun Yesus Kristus kadit sukkwop. Sane tepsu Yefun Allah sun men bi Yekwesu Yesus Kristus bere An waii sun men si nin sino kadit sukkwop, ete An gwat men sino mu kom mo Yefun Allah bi nat-i ne, men jam ware. Sane men iwa men ki subot Yefun bi os be ne.

Wahyu 6:17

Sangge, kam sye ne ma it. Yefun Allah si Domba Gan ne ma wa syo sukye nai yé mo sukibit gato nje ben ne. Kam sye ne ma it, ye yo nggiwa ku os wa syesyar kadit sukye ne mo nde.”

Wahyu 7:9

Ji sokme ye syat ja mo ye Israel ge 144.000 mo án git det ne or sa, ji sokme yetu mwa wai ndo nde mo ji gwem. Ye yo nggiwa ne yetu mwa ne or nde, yetu mwa teker ware. Yé mwa ne ma kadit buryo-buryo, kadit wisyo-wisyo, kadit yeyo-yeyo, kadit ayo-ayo. Yé mwa ne sino ti mo yekwesu bi kursi ne tak de gwem. Yé mwa ne sino ti mo Domba Gan gwem. Yé mwa ne sino it san gato kwo ndo. Yé mwa ne jom gur nat mo án kadik-kadik syim, we án mit at wa án si Yefun kem sino mo nat ne.

Wahyu 8:2

ete ji sokme malaikat ge mufit ti mo Yefun Allah gwem. Malaikat ge mufit ne ku trompet sino, ge dik ku trompet bo dik subere án fuf bi trompet ne ba sye. Trompet ne ba sye tepsu ye fuf dut.

Wahyu 11:4

Ye we ne gato kibot Yefun bi suktaru ne, an we tepsu kwe zaitun ke we yo. Ye we ne tepsu suk gato ka sa dem sor wa ye dum sukru mó dom. Ye we ne ti mo Yefun Allah gato jom bur ré iwedewe gwem.