Lukas 21:28 - Abun Scripture

²⁸ Nin me suk mwa ne do bor it yo, nin ti nggi, we bergan suk gato ndo wai bor mone. Bergan sor ete Yefun Allah sombok nin wé kadit sukye, ete Yefun nai nin kem ndo to kapyo mato kapyo mo An bi nat-i.”

Lukas 21:28 Referans Kwoze

Roma 8:23

Suk bok ne sino saiye su sukye sor nde, wo men yé gato Yefun Allah Gen bok nggwa mone, men dom saiye su sukye gato men ku mo men kaim budat. Yefun Allah syo suk mwa gato ndo nai men. Ketke An syo An Gen nai men re, or o men eswa Yefun Allah sombok men kaim budat wé kadit sukye mo bur ré, ete syo men kaim be nai men. Men eswa saresa, men ben sato men saiye su sukye ne mo men mit dom.

Efesus 4:30

Nin ki suk yo, nin ki sukibit gato ben Yefun Allah Gen baoku nin mone nde, we Yefun Allah Gen ós nin jam rer do, nin sa, sok mo An bi rus-i. Sane bere nin jam rer do, Yefun Allah Gen mewa nin sor kom mo kam gato An nai nin wé kadit sukye, ete gwat nin sok mo An bi nat-i. Mone bere nin kem ndo to kapyo mato kapyo.

Roma 8:19

Suk bok ne sino gato Yefun ut ne eswa kam gato Yefun Allah ma kadum An bi rus-i nai suk bok ne sino jam. Suk bok gato Yefun ut ne sino mit iwa jam nje gato sok mo Yefun Allah bi rus-i.

Lukas 18:7

Tepsu yepasye ne syogat ye ben sukye nai ye gato ben sukibit nai nggonna ne, bere Yefun Allah syo sukye nai ye gato ben sukibit nai Yefun bi rus-i gato ndekwa Yefun ós án noru nombrak sor. Bere Yefun Allah ki do, ’Ji me mo et’ bado?

Efesus 1:14

Yefun Allah Gen bok nggwa mo men, sane mone men jam rer do, suk mwa gato An tom su men ne bere men ku mone tó. Yefun Gen bok nggwa mo men, sane mone men jam do, sangge, kom mo rut, Yefun nai men yé gato sok mo An bi rus-i ne wé kadit sukye mwa mo bur ré, ete men si An kem sino. Yefun Allah ben An bi suk-i ndo yé wai o re, sane men bes An gum kok mone sor.

Lukas 13:11

Mo yé mwa ne, nggon dik yo gato yenggwak ben, nggon ne i sor kom mo tahun musyu dik sop munggwo. Nggon ne, yenggwak syat an nyoran kwek. Nggon ne yo ti ri ndo nde.

Lukas 21:29

Orge Yefun Yesus gwat sukamno sare do, ”Men nut subot kwe ara si kwe yi mwa neya.