Lukas 21:27 - Abun Scripture

²⁷ Yé do me suk mwa ne bor sane it yo, Yetu bi Pa to Ji ré ma it anane. Bere yé mwa ne sino me Ji is ma sisu nyotem, Ji kaim rer-rik su Ji bi suktinggi bor mone.

Lukas 21:27 Referans Kwoze

Wahyu 1:7

Sare, bere Yesus Kristus is kadit gu sisu nyotem ne ma. Yetu mwa ne sino bere me An dakai ma ne. Yé bok gato syer An bere ku An kaim ne dom. Sugane bere yé mwa ne sino mo bur ré iwedewe nderku nggwa mo An ndo nde. Digane it. Sangge.

Matius 24:30

Su kam gane Yetu bi Pa to Ji ré bere bor mo gu. Bere Ji is ma sisu nyotem, Ji kaim rer-rik su Ji bi suktinggi gato bor mone. Sane yé mwa ne sino mo bur ré iwedewe bere nyu ete wo.

Markus 13:26

Su kam gane yé mwa ne sino mo bur ré me Yetu bi Pa to Ji ré bor mo gu. Bere Ji is ma sisu nyotem. Ji kaim rer-rik su Ji bi suktinggi gato bor mone.

Matius 26:64

Yefun Yesus ki do, ”Sangge, suk gato nan ki ne sangge. Sane sor nde, wo Ji ki nai nin sare do, bere nin me Yetu bi Pa to Ji ré kem tak Yefun Allah gato nggi wai ne de syim ge, ete bere Ji satu is ma mo bur ré su nyotem kadit gu.”

Matius 25:31

”Su kam gato Ji, gato Yetu bi Pa, ma su Yefun Allah bi suktinggi ne tepsu nin yetu bi Yekwesu, bere Ji sisu Ji bi malaikat ma sino. Ji gum kok sye wai o re, Ji kem mo Yekwesu bi kursi gato ndo yé re.

Wahyu 14:14

Orete ji sokme nyotem kwo dik yo. Ji sokme suk yo ka sa yetu kem mo nyotem ne yu. Ye ne bom yekwesu bi topi emas mo an su. An jom nyom ot syu gato ot.

Lukas 21:26

Yé me suk bok gare, ete yé kwabom kro, ye deyo mbrin mone. Yé nutbot do, ’Suk bok gare bere koirut sa u ne?’ Yé ne nutbot suk bok ne teker, we suk mwa mo gu nim ne yo kas ri o nde.