Lukas 20:36 - Abun Scripture

³⁶ Yé ne bere tepsu malaikat, án gesyos it, án yo kwop o nde. Yé ne anato Yefun Allah bi pá, we Yefun sun án kadit sukkwop.

Lukas 20:36 Referans Kwoze

Wahyu 21:4

Bere Ji nggri yé gato wo ne gro rom wé re. Bere yé yo kwop o nde, yé yo nderku nggwa o nde, yé yo wo o nde, yé kaim yo yó e, dipa su sukye o nde. Suk bok ne bere bor o nde, we suk mwa gato nyim neya fres wé or re.”

Filipi 3:21

Yesus Kristus nggi wai o re. Suk mwa mo gu nim ne si bur ré jammo An it. Sane bere Yesus Kristus win men kaim-i gato budat ré tepsu An dakai kaim-i gato gesyos, gato ndo wai ne o re.

Matius 22:30

We sare, ye gato kem mo bur ré sa, án kra su yu, sarewo su kam gato yekwop sun it yo, yé mwa ne sino bere yo kra su yu o nde, wo yé mwa ne tepsu malaikat mo gu sor re, yé yo kwop o nde.

Wahyu 20:6

Yé gato Yefun Allah sun su wam doketke ne, yé ne sa, mit at wa. Yé bok ne tep wa Yefun Allah nai sok mo Yefun dakai bi rus-i ne. Bere yé bok ne yo kwop wam kedowe o nde, wo án tepsu yegweswai wa yetu si Yefun Allah. Yé bok ne ben suk wa Kristus sor. Bere án si Kristus jom nje ne sor kom mo tahun ribu dik ne re.

1 Korintus 15:42

Sane dom, bere yetu gato Yefun Allah sun kadit sukkwop kaim tara-i re tepsu sukjan gro gato men jan ne tara kadit i-nggwar gato kom ne. Ye kaim gato budat ne mbras re, wo an kaim gato Yefun Allah sun ne bere gesyos re.

Wahyu 22:9

sarewo malaikat ne ki nai ji do, ”Nan bes ji gum kok nde. Ji si nan tepsu Yefun Allah bi pakwerut sino. Men ka we si nan bi nji, gato yenabi bok ne si yé mwa ne sino gato jammo sukdu mo buku ré, men sino tepsu Yefun Allah bi pakwerut. Sane nan bes ji gum kok nde, wo nan bes Yefun Allah gum kok sor re.”

1 Korintus 15:26

Suk mwa gato bariket Yefun Yesus ne dik yo anato suktinggi gato ben men yetu kwop ne. Suktinggi ne, Kristus bere ben ibit wari.

Markus 12:25

We, sare, ye gato kem mo bur ré sa, án kra su yu, sarewo su kam gato yekwop sun it yo, yé mwa ne sino bere yo kra su yu o nde, wo yé mwa ne tepsu malaikat mo gu sor re, yé yo kwop o nde.

1 Korintus 15:49

Su ré men kaim ré tepsu Adam gato Yefun Allah ut kadit bur ré. Sane dom, bere men kaim tepsu Adam gato ma kadit gu mone tó.

Roma 8:16

Yefun Allah Gen kadum mo men mit subere men jam rer do, men anato Yefun Allah bi pa-i it.