Lukas 2:9 - Abun Scripture

⁹ Su noru ne, án gensu malaikat dik yo ma ku án. Malaikat ne ma sa, tepsu sukru sye gato rer-rik kadit Yefun Allah rer ku bur. Sane yé bok ne sino nyu ndo nde.

Lukas 2:9 Referans Kwoze

2 Korintus 3:18

Sane su ré san det yo kewa men ye Kristen o nde. Yefun Allah Gen bi suktinggi gato rer kas ma pet tok men orete yo, suktinggi gato rer ne waii kas kadit men o, suktinggi ne waii mu tok ye yi neya dom. Or o, Yefun Allah Gen ne bi suktinggi gato rer ma mo men ne, anato ben men win men bi sukjimnut wokgan wokgan sane sane sor, kom mo rut yo, men bi sukjimnut-i tepsu Yefun bi sukjimnut-i ne or re. Suktinggi ré ma kadit Yefun Allah Gen gato tepsu men bi Yekwesu.

Wahyu 18:1

Orete ji sokme malaikat ge dik yo o is kadit gu ne ma. Malaikat ré bi suktinggi sye wai. Ben sato an nggren tepsu sukru, ete an rer ku bur ré re.

Suk Gato Yerasul Ben Ne 27:23

Noru gado, Yefun Allah gato jom ji ne, Yefun Allah gato ji gum kwerut wa ne, An bi malaikat ge dik yo ma ti mo ji de.

Suk Gato Yerasul Ben Ne 5:19

sarewo noru miten, ete Yefun bi malaikat ge dik yo kak penjara bi nusyo. Malaikat ne gwat yerasul ma nden, orete malaikat ki nai yerasul bok ne do,

Yohanes 12:41

Yesaya ki sukdu ne, we an jam do, Yefun Yesus gum kok sye wai, orete an kibot Yefun Yesus.

Lukas 24:4

Nggon ne ti mone, án nutbot ware, án jam nde koirut re. Nggon ti mone sa, án gensu yetu ge we ma ti karowa nggon re. Yetu ge we ne it san gato nggren ete rup-rek.

Wahyu 20:11

Orete ji sokme Yefun Allah gato kem mo An bi kursi kwo gato sye. Bur ré si gu nim ne fres wé kadit An re. Ye yo ku bur ré si gu nim ne o nde.

Ibrani 12:21

Suk bok ne sino gato ye Israel me ne, ben án nyu ndo nde, anato Musa ki do, ”Ji nyu ji kaim kro ndo nde go!”

1 Timotius 3:16

Suk gato men krom ré suksangge, men bi sukduno gato nyim neya Yefun Allah gurik ne ndo wai o re, sato ré: Yefun Yesus ma mo bur re, An kaim tepsu yetu kaim. Yefun Allah Gen kadum do, Kristus sa, ben bi suk-i ne sangge sino. Malaikat mwa ne sino me An re. Yé ki sukdu subot An frekbot yetu wisyo-wisyo. Yé mwa mo bur ré iwedewe onyar kem mo An re. An it mo gu nim, mo pe gato ndo wai o re.

2 Korintus 4:6

Yefun Allah ki bi sukdu-i do, ”Nyot rer ku pe gato ndendu ne et,” sane Yefun Allah anato tepsu rer gato ku men mit re, anato men tepsu An bi pakwerut. Rer ne ku men mit, ete kak men bi sukjimnut subere men jam Yefun Allah bi suktinggi gato bor mo Yesus Kristus sugato An gwat os be ne ma.

Suk Gato Yerasul Ben Ne 12:7

Petrus sem mit sa, an gensu Yefun Allah bi malaikat ge dik yo ma. Malaikat ne ben nu mit ne rer. Malaikat ne syimtok Petrus, malaikat ne sun Petrus, or malaikat ki do, ”Nan sun kekro!” Sugane rantai ne sombok wé kadit Petrus syim.

Lukas 1:28

Malaikat ne ma mo Maria or, malaikat ki do, ”Ndo mo nan. Yefun Allah ben sukndo su nan wai kadit ye yi neya re. Yefun Allah sisu nan.”

Matius 1:20

Yusuf nutbot os yo wa an sombok Maria wé sa, an semda ku Yefun bi malaikat ge dik yo. Malaikat ne ki nai an do, ”Yusuf, nan bi amui mo Daud, nan nyu nde, nan kra su Maria sor, we Pa gato Maria syimfar su ne anato ma kadit Yefun Allah Gen.

Lukas 2:8

Mo Betlehem ne, ye gato mewa domba, án mewa domba mo nden karowa Betlehem. Sane noru ne sa, án sem mo nden mewa án bi domba kadit suge krok e ne.