Lukas 2:46 - Abun Scripture

⁴⁶ An we meret Pa mone sor kom mo kam gri rek or. Kam gri rek, orete an we ku an we bi Pa mo Yefun Allah bi nu de mo ros de mit, mo pe gato yeguru agama duno nje. Pa kem su ye Yahudi bi yeguru. Pa syaretwa yeguru ki bi sukdu-i, Pa ndo yeguru subot kwayo-kwayo dom.

Lukas 2:46 Referans Kwoze

Lukas 5:17

Kam dik yo Yefun Yesus duno nje sa, ye Farisi si ye Yahudi bi yeguru agama ma mone dom. Án ma kadit kampung mwa mo bur Galilea si bur Yudea sino, si kota Yerusalem dom. Án ma kem mo nu mit, ete án syaretwa Yefun Yesus ki bi sukdu-i ne. Yefun Allah syo An bi suktinggi nai Yefun Yesus, subere Yefun Yesus nggiwa ben ye gato i mone ge.

Suk Gato Yerasul Ben Ne 5:34

sarewo yepasye ge dik yo gato gum do Gamaliel ti mo yepasye ne gwem ete ki an bi sukdu-i. An ye Farisi, an yeguru gato duno ye Yahudi subot Musa bi sukduno. Yé mwa ne sino un yenggras ne. Yenggras ne ti, an nukbot bi sukdu-i nde tó, yenggras ne syogat ye gwat yerasul bok ne mu nden yei.

Matius 12:40

Tepsu Yunus kem mo boge sye on mit kom mo noru gri yo, kam gri yo, bere Yetu bi Pa waii kem mo bur ré desnak kom mo noru gri yo, kam gri yo. {Sane bere nin me Yefun Allah bi suktinggi bor mone.}

Matius 16:21

Kadit kam ne Yefun Yesus ki rer nai bi pakon ne do, ”Ji mu mo kota Yerusalem et. Mone ye Yahudi bi yepasye e, yekwesú mo Yefun Allah bi nu si ye Yahudi bi yeguru agama bere ben sukye nai Ji ket kwayo-kwayo. Bere yé gu Ji kwop, sarewo kom mo kam we rek, bere Yefun Allah sun Ji kadit sukkwop o re.”

Lukas 2:47

Yé mwa mone gato syaretwa Pa ki bi sukdu-i ne yeket. Yé mwa ne yeket Pa do, Pa jam suk mwa. Suk gato yeguru ndo mo Pa ne, Pa jam or re.

Yohanes 3:10

Yefun Yesus ki do, ”Nan anato yeguru mo Israel, sane suma ben anato nan jam nde suk gare ne?

1 Timotius 1:7

Án da iwa án duno nje su Yefun Allah bi sukduno, sarewo án jam nde sukduno gato án ki ne ware. Án duno nje, án ki bi sukdu-i ne tepsu án jam, sarewo án jam nde i-ke ne ware.